Свекрвата ѝ ја засенила свадбата, обвини невестата: Се дистанцирав од неа (ВИДЕО) - Канал 5

Живот

Свекрвата ѝ ја засенила свадбата, обвини невестата: Се дистанцирав од неа (ВИДЕО)

Млада жена предизвика бурни реакции на интернет откако откри дека нејзината свекрва прекршила едно од основните модни правила на денот на нејзината свадба.

Свекрвата ѝ ја засенила свадбата, обвини невестата: Се дистанцирав од неа (ВИДЕО)

Секој го знае непишаното правило - само невестата може да носи бел фустан. Но, на свадбата на Џослин и нејзиниот сопруг, мајката на младоженецот беше таа што одлучи да го игнорира тоа правило.

„Не бев среќна кога ја видов“

Џослин изјави за Newsweek како била непријатно изненадена од глетката: „Ни го покажа фустанот една недела претходно и на таа светлина изгледаше како златен, сјаен фустан. Сепак, на дневна светлина изгледаше сосема поинаку - повеќе како бел или кремаст фустан со чипка и светки“.

Таа сподели фотографија од свадбата, на која позира со својот сопруг и свекрвата (чие лице го крие), на TikTok. Додека невестата носеше романтична венчаница со отворени рамена, свекрвата пристигна во фустан кој изгледаше речиси исто толку бел.

Објавата брзо стана вирална – собра повеќе од 619.000 прегледи и речиси 45.000 лајкови.

@jocelynm001 Wasn’t surprised that the person that keeps my husbands EX around wore white to our wedding #MIL #wedding #weddingfail #inlawproblems #fyp ♬ original sound - Alex and Jon

Затегнати односи во семејството

Невестата тврди дека го сфатила проблемот дури по церемонијата, кога гостите дошле да ѝ честитаат. „Додека одев кон олтарот и за време на самата церемонија, бев фокусирана на мојот сопруг. Дури подоцна, кога луѓето нè прегрнуваа, забележав дека фустанот изгледа бел“, рекла таа.

Додаде дека сепак имала нарушен однос со нејзината свекрва. „Нашата врска е затегната четири години, а особено ме повреди тоа што таа продолжи да има контакт со поранешната девојка на мојот сопруг“, објаснила Џослин.

По свадбата и враќањето од медениот месец, тие се обиделе да разговараат со неа, но работите не завршиле како што очекувала. „Поради целата ситуација, мојот сопруг се дистанцира од своето семејство, а тие решија да ги прескокнат и нашите прослави. Заради моето здравје и здравјето на детето, решив целосно да се дистанцирам од нив“, рече идната мајка, која очекува девојче во декември.

Реакции на интернет

Нејзиното видео генерираше речиси 800 коментари. „Зошто воопшто се сликаше со неа?“, праша еден корисник. Друг напиша: „Оддалечи се што е можно подалеку од неа. Верувај ми.“

Трет додаде: „Секогаш се прашувам зошто некој, особено мајките, го прават ова.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Американските авиони-танкери се повлекоа од Бугарија

Два американски авиони-цистерни ја напуштиле бугарската воздухопловна база Безмер, речиси еден месец откако нивното распоредување во Бугарија предизвика остри реакции од Иран.

Американските авиони-танкери се повлекоа од Бугарија

Информацијата ја потврдил бугарскиот министер за одбрана Атанас Стојанов. Американските авиони биле привремено распоредени во Бугарија на барање на САД, врз основа на договорот со кој се регулира заедничкото користење на воените објекти.

Распоредувањето на авионите предизвика реакција од Техеран. Иран тогаш предупреди дека нивното присуство во Бугарија би можело да претставува учество во, како што го нарече, „агресија и воени злосторства“. По информациите дека Иран разгледувал можни напади врз американски воени цели во југоисточна Европа, Бугарија ги засили безбедносните мерки во базата Безмер.

Тагови: Бугарија САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Насилник газеше луѓе со кола по ливада во Херцеговина, тројца се повредени (ВИДЕО)

Тежок инцидент се случи вчера кај градот Билеќа во Босна и Херцеговина, каде по настан со коњички трки, насилник со автомобил бркаше луѓе на отворен простор и успеа да прегази тројца, кои се во болница.

Насилник газеше луѓе со кола по ливада во Херцеговина, тројца се повредени (ВИДЕО)

Снимка од шокантниот настан се појави на социјалните мрежи, а според локалните меидуми, полицијата трага по Жељко Вујовиќ, осомничен за обид за тешко убиство, како и по едно лице што побегнало со него. Во меѓувреме уапсени се маж и жена за кои се верува дека му помогнале на сторителот по извешувањето на кривичното дело.

Во инцидентот на коњските трки биле повредени три лица. 32 годишен маж бил примен на интензивна нега со повреди на рамото и потколеницата, додека другите двајца имале полесни повреди.

Тагови: Босна и Херцеговина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп повторно објави мапа: „Нова територија на САД“

Претседателот на САД, Доналд Трамп, објави мапа на Ормутскиот теснец на својата социјална мрежа „Truth social“ и го прогласи за територија на САД.

Трамп повторно објави мапа: „Нова територија на САД“

Објавената слика покажува мапа на која е заокружен делот што го вклучува ормутскиот теснец, иранскиот остров Кешм, делови од територијата на Оман, па дури и градот Дубаи. Над тоа е коментарот: „нова територија на САД“.

Само еден ден претходно, Трамп изјави дека САД имаат „целосна контрола“ врз целиот регион што има врска со Ормутскиот теснец.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер