Жената е пренесена на скопските клиники, а во расчитувањето на теренот интервенирала и Теритoријалната противпожарна единица на Град Скопје со тројца пожарникари.

Предизвикана е и материјална штета.

Претходно, ЦУК информираше за паднато дрво и кај трговскиот центар Веро Џамбо.

Повеќе информации од ЦУК најавуваат за подоцна.

Синоптичарите за денеска попладне најавуваат пороен дожд, грмежи, град и силен ветер над 70 километри на час. Предупредуваат на внимателност во текот на вечерните и ноќните часови во повеќе региони, како и внимателно движење покрај помалите реки и суводолиците и места каде има опасност од одрони и свлечишта.

Деспотовски вели дека на својот наследник му остава 31 потпишан договор за нови инвестиции, од кои половина се нови вложувања. Во наредните месеци најави неколку странски инвестиции од голем девизен обем, како и средба на домашната делегација во Лондон и Дизелдорф со големи јапонски компании. Дополнително, тој се надева дека Владата ќе го реализира проектот за спојување на Агенцијата на странски инвестиции со дирекцијата за ТИРЗ во една Агенција за инвестиции.

- Имаме близу 5500 нови работни места во зоните во 3 ипол години, што е раст од 40% во однос на она што јас го затекнав како новоименуван директор на крајот на 2020 година. Просечната плата во зоните веќе надминува 43.000 денари нето плата, тоа е некаде 10% над националниот просек. Во изминатите 3 години во државниот буџет се слеани повеќе од 200 милиони евра средства коишто компаниите ги уплатиле по основ на придонеси, персоналец и данок на добивка, порача Јован Деспотовски.

Во однос на плановите на Владата околу странските инвестиции во нивната изборна програма беше наведено дека ќе се креира единствена Агенција за странски инвестиции и извоз, преку спојување и рационализација на постоечките агенции.

Меѓудругото најавена е и изработка на Стратегија за привлекување на директни странски инвестиции, со ниски рамни даноци и ослободувања за реинвестирана добивка, обезбедување на целосна инфраструктура и логистичка поддршка во индустриските зони, светска промоција на државата како поволна ивнестицинска дестинација, вклучување на домашните компании во ланец на доставувачи на странските компании кои инвестирале во Македонија и зајакнување на економските активности на диполоматско конзуларните претсравништва.

Се жалат градежништвото стагнира, компаниите се оставени сами на себе, а кадарот постојано си заминува. Работата според здружението за граджништво им ја земаат странските инвеститори, велат државата со години е свесна за проблемите со кои се соочува секторот но за домашните компании не се прави ништо.

„Интервенција во законот за градба, предлагаме итни измени на постојниот закон со оглед дека новиот текст на законот не ги задоволува барањата на градежниците и по нас треба да биде отфрлен. Треба да се оди со брзи промени во законот за градба се со цел техничко административните бариери кои ги имаат при реализација на проектитие да бидат тргнати, во однос на законот за работни односи бараме бариерите како недела не работен ден и многу бројните празници да бидат сведени на минимум. И бараме интервенција во законот за јавни набавки, “-изјави Андреа Серафимовски - Здружението за градежништво, индустријата на градежни материјали и неметалите.

Нивните анализи покажале дека за десет години - учеството на градежништовото во бруто домашниот производ од 7,1% се свело на само 5 %, бројки што според комората говорат за лошата состојба во која се наоѓа секторот. Како позитивна ја оценија највата на Валдата за поддршка на проекти изработени од општините, каде велат, очекуваат ќе им се даде предност на одмашните фирми.

„Градежните фирми се оставени сами на себе, сами да си ги креираат капациетите, сами да си ги подигнуваат потенцијалите, гледајќи како други компнаии ни ја градат државата, ни го одлеваат кадарот, но и ни оставаат еден куп не решени проблеми на наше тло и ги користат административните пропусти и лошите политики,“ -изјави Андреа Серафимовски - Здружението за градежништво, индустријата на градежни материјали и неметалите.

Минатата недела Државниот завод за ревизија го обајви извештајот за реализацијата на капиталните инвестиции, каде предмет на ревизијата биле 24 проекти вредни речиси 4 милијарди евра, а од овие проекти досега е завршен само еден.