Суперхерој од падот на авионот во Филаделфија: 10- годишно момче ја спасило сестричката - Канал 5

Свет

Суперхерој од падот на авионот во Филаделфија: 10- годишно момче ја спасило сестричката

Суперхерој стар само 10 години ја заштитил својата помлада сестра за време на авионската несреќа во Филаделфија минатата недела - и сега се опоравува од повредата на главата .

Суперхерој од падот на авионот во Филаделфија: 10- годишно момче ја спасило сестричката

Суперхерој стар само 10 години ја заштитил својата помлада сестра за време на авионската несреќа во Филаделфија минатата недела - и сега се опоравува од повредата на главата предизвикана од парче метал од авионот за кој лекарите рекоа дека не требало да го преживее.

Андре Хауард бил во автомобил со својот татко, брат и сестра, кога медицинскиот авион кој летал за Мексико се урна во петокот во Филаделфија нешто по 18 часот, при што загинале седум лица, а многу други биле повредени, објави „Њујорк пост“.

„На почетокот слушнав нешто за кое мислев дека е сообраќајна несреќа, но потоа видов огромна огнена топка, а потоа делови од авионот почнаа да паѓаат насекаде околу нас“, рекол таткото на момчето, исто така со име Андре Хауард.

„Мојот син... и рече на својата мала сестра: „Внимавај!“ – продолжил таткото на момчето. „Тој ја зграпчи токму кога стаклото почна да пука. Кога се свртев, видов парче метал како излегува од главата на мојот син.

Случаен минувач притрчал, ја соблекол кошулата и извршил притисок врз раната на главата на момчето.

Тогаш еден градски полицаец го однел момчето во болница, каде лекарите веднаш го оперирале.

„Ни рекоа дека мојот син не требаше да преживее“, рече Хауард. „Ни рекоа и дека не работат со деца со траума. Но, тоа го направија за нас, што беше само Божја волја.“

Потресената мајка на Андре, Лашаун Хамиел, рече дека ѝ било тешко да го види својот син во таква состојба.

„Што треба да правам како мајка?“ рече таа низ солзи. "Но, тој е добро. Тој се држи. Тој е силен, сака да се шегува, тој е цврст. Тој е суперхерој."

Таткото на Андре го кажа истото.

„Дека ја гледаше смртта вчера и да може да зборува денес, да застане во одбрана на својата сестра, како што јас го научив заедно со неговите браќа да прават инстинктивно - тој е мојот херој“, рече Хауард.

Хамиел додаде дека лекарите се обидуваат да го одржат момчето стабилно додека размислуваат како да го продолжат лекувањето.

Во шокантната несреќа на авион Learjet 55 повредени се 22 лица, а седум загинати. Жртвите се Валентина Гузман Муриљо (11), нејзината мајка Лизет Мурило Озуна (31), капетанот Алан Алехандро Монтоја Пералес, копилотот Хозе де Хесус Хуарез, д-р Раул Меза Аредондо, медицинскиот техничар Родриго Лопез Падиља, како и случаен минувач на земјата.

Валентина штотуку примила спасувачка терапија во детската болница „Шринерс“ и била на пат за Мексико кога авионот се урнал директно во станбена област во Филаделфија.

Авионот требало да слета на националниот аеродром Спрингфилд-Брансон во Мисури, а потоа да замине за Мексико.

Местото на несреќата се проширило на неколку блокови, а оштетени се десетина куќи и деловни објекти. Пет лица се уште се во болница.

„Нашиот град продолжува да тагува за загубата на животите и тие се во нашите мисли и молитви“, рече градоначалничката на Филаделфија, Шерил Паркер.

Националниот одбор за безбедност на транспортот ја истражува несреќата и наводно ја пронашле црната кутија на авионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер