Суперѕвезда ја тужи својата двојничка,зашто заработувала на нивната сличност (ФОТО) - Канал 5

Забава

Суперѕвезда ја тужи својата двојничка,зашто заработувала на нивната сличност (ФОТО)

Популарната актерка, модел, пејачка и најплатената славна личност во Кина ,Фан БингБинг, тужи една од своите двојнички затоа што ги продавала своите производи за време на стрим во живо.

Суперѕвезда ја тужи својата двојничка,зашто заработувала на нивната сличност (ФОТО)

До септември минатата година, 32-годишната Чен Ксининг ја користела својата сличност со БингБинг за да заработи пари, а суперѕвездата ја замолила да го смени своето име на интернет, да и плати огромна компензација и јавно да и се извини секој ден во рок од најмалку 60 дена, пренесува Oddity Central.

Иако Чен не го користела своето полно име, нејзиниот прекар бил Фан Јебинг, што се чинело дека е премногу сличен. Но, Чен за „ China Morning Post “ изјавила дека верува дека е посебна по својата популарност и сличноста со Бинг со оглед на тоа што има низа други стримери наречени Фан БингБинг.

Уште од започнувањето на судската постапка, во септември 2020 година, Чен Ксилинг се обидувала да се дистанцира од брендот на познатата кинеска актерка, го сменила прекарот, па дури и била подложена на козметичка операција за да изгледа помалку како БингБинг.

Но, Чен исто така тврди дека таа стекнала повеќе од милион следбеници со својата личност и ангажман во заедницата, а не со нејзината сличност со ѕвездата. „Во просек, стримам 10 часа на ден, над 350 дена во годината ...“, рече таа, додавајќи дека има само еден асистент.

Не е јасно како ќе заврши судењето, но Чен, наводно, има причина за загриженост. Имено, записите покажуваат дека БингБинг веќе имала неколку слични тужби и ги добила сите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер