Сулемана би бил највисокиот човек на светот, но има проблем- не може да го измерат (ВИДЕО) - Канал 5

Живот

Сулемана би бил највисокиот човек на светот, но има проблем- не може да го измерат (ВИДЕО)

Сулемана Абдул Самед од Гана е највисокиот човек во Африка.

Сулемана би бил највисокиот човек на светот, но има проблем- не може да го измерат (ВИДЕО)

Според последниот преглед, 30-годишниот Сулемана е висок 2,89 метри, поради што треба да му ја земе титулата на највисокиот човек на светот, Султан Косен, кој е висок 2,51 метри.

Единствениот проблем лежи во тоа што лекарите немале соодветни мерни алатки, па тој се уште ја нема освоено таа титула, пишува Би-Би-Си.

Пред неколку години му бил дијагностициран гигантизам, поради што мора да оди на редовни контроли. На последниот преглед тој бил повисок од мерната шипка, па зачудената медицинска сестра ја повикала својата колешка. Наскоро се собрал лекарски тим кој се обидел да ја реши загатката за одредување на неговата висина, а Сулемана останал збунет од спектаклот што го предизвикал.

Некој им предложил да најдат столб и да го користат како продолжение над стапот за да ја измерат неговата висина - и така дошле до проценката.

YouTube video

Инаку, Сулемана боледува од акромегалија, пореметување предизвикано од вишок на хормон за раст, поради што не престанува да расте. Тој е многу популарен во неговото село и луѓето често доаѓаат кај него за да се фотографираат со него. Поради здравствените проблеми тој се откажал од сонот да стане возач, а сега приоритет му е да собере пари за лекување и здравствено осигурување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Огромна ајкула кружи околу капачите во Калифорнија, меѓу кои и деца (ВИДЕО)

Дрон снимил голема бела ајкула долга три метри како плива на само неколку метри од пливачите на плажата Капистрано во Калифорнија.

Огромна ајкула кружи околу капачите во Калифорнија, меѓу кои и деца (ВИДЕО)

Видеото ја прикажува ајкулата како се приближува кон група луѓе, вклучувајќи деца, кои не биле свесни за нејзиното присуство. Сцената ја снимил фотографот Мет Ларманд, пишува Surfer.

Ларманд, кој редовно снима ајкули, рекол дека никогаш не видел ајкула да се приближи толку блиску до луѓето без тие да забележат. Се обидел да ги предупреди од блискиот пристаниште, но тие не го слушнале. Животното си заминало по некое време без инциденти.

Снимка од воздух

Ваквите средби се вообичаени во Јужна Калифорнија, особено во лето. Крис Лоу, директор на Лабораторијата за истражување на ајкули во Калифорнија Стејт Лонг Бич, објаснува дека областа служи како еден вид „детска градинка“ за млади големи бели ајкули. Тие учат да ловат таму и често се движат околу луѓето.

Лоу истакнува дека ајкулите генерално не се заинтересирани за луѓето. „Во повеќето случаи, ајкулите едноставно ги игнорираат луѓето. Тие пливаат веднаш до нив, а луѓето дури и не знаат дека се таму. Имаме многу докази што покажуваат дека тие не се вистинска закана, туку само си ја вршат својата работа“, рече тој.

Додаде дека однесувањето на животното не треба да се толкува како демнење. „Не е како ајкулата да ги следи или да ги лови. Само ги проверува. Како да шетате по улицата, да гледате нешто ново во соседството и да одите и да го проверувате. Тоа е она што го прават овие ајкули“, објасни Лоу. И покрај честите блиски средби, нападите се исклучително ретки и повеќето ситуации завршуваат мирно.

Тагови: ајкула Калифорнија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лукровски со апел до карпошани: Да делуваме локално

Градоначалникот на Карпош, Сотир Лукровски со апел да излезат граѓаните на своите улици да ги поттргнат гранките и она што е полесно, а потоа службите ќе ги подигнат.

Лукровски со апел до карпошани: Да делуваме локално

Лукровски рече дека добил повици за паднати дрвја и кровови и дека засега нема повреднео. Вели дека делуваат организирано на ниво на град и дека се на терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Невремето го оштети и објектот на Македонската опера и балет (ВИДЕО)

Силното невреме што попладнево го зафати Скопје, предизвика оштетување и на објектот на Македонската опера и балет.

Невремето го оштети и објектот на Македонската опера и балет (ВИДЕО)

Според фотографиите и видеата , скршени со прозорците на влезот од објектот, а водата од силниот дожд навлегла во фоајато.

Вработените во МОБ веднаш по невремето почнаа со расчистување на скршените стакла.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер