Фудбал

Судиска анализа за 26. коло ПМФЛ: Катастрофални грешки на Качевски во Кавадарци

Предмалку од страна на Фудбалската Федерација на Македонија беше објавена анализата за судењето во изминатото 26. ПМФЛ коло .

Од она што може да се прочита голем дел од судиите имаат направено грешки, а особено Јован Качески, кој што го водеше мечот во Кавадарци, помеѓу Тиквеш и Шкендија. Грешки има и на мечевите Беса – Гостивар односно Струга Трим Љум – Пелистер, објави Спортспорт.

Комплетната анализа ви ја пренесуваме во целост.

Струга Трим Љум – Пелистер (4:1)

– Пропуштено да се додели црвен картон на домашниот играч со бр.27 (Кривањева), за намерно удирање со подигната нога во телото на противнчкиот играч кога истиот нема можност да игра со топката, за стартот главниот судија додели само жолт картон.

– На интервенција на четвртиот судија погрешно (непотребно) доделен втор жолт картон на гостинскиот играч бр.70 (Филип Бошковски), со што гостинската екипа второто полувреме го играше со играч помалку. Играчот имаше минимален контакт со рамото со домашниот играч, но тоа е далеку да се окаратеризира за недозволен старт за кој би се доделил жолт картон,. Правилна одлука ќе беше да се опоменат усно и двата играчи кои и претходно имаа некои ситни провокации.

ЗАКЛУЧОК: Главниот судија Александар Грујовски погрешил и е оценет со слаба 7,9 оценка за направените пропуст во 36. минута при резултат 0:0. Истата оценка 7.9 ја доделува контролорот Горан Спиркоски и за четвртиот судија Маријан Стојановски за доделениот втор жолт картон во 45+4. минута.

Беса – Гостивар (2:1)

– Играч на домашната екипа е во полн трк и со отворен простор кон гостинскиот казнен простор. Веднаш по влегувањето во казнениот простор е фаулиран од одбранбен играч кој со лизгачки старт се обидува да игра со топката, но не успева и го сопнува напаѓачот кој е во очигледна шанса за гол. Исправна одлука на главниот судија, кој без размислување досудува казнен удар, но прави очигледна грешка, бидејќи го исклучува играчот кој го прави прекршокот наместо да го опомене.

ЗАКЛУЧОК: Главниот судија Влатко Илијоски неоправдано доделил црвен картон за гостинската екипа и поради тоа е оценет со слба 7,9 од контролорот Александар Ставрев. Спорниот момент е во 55. минута при резултат 0:0.

Тиквеш – Шкендија (0:1)

– Играчот со бр. 9 на домашната екипа доаѓа до една центрирана топка од негов соиграч, не успева да задржи контрола над топката, реагира несмасно и паѓа. Во истиот момент топката доаѓа до неговиот соиграч со бр. 77. Во моментот кога играчот со бр. 77 шутира кон противничкиот гол, главниот судија ја прекинува играта, досудува индиректен слободен удар заради симулирање на прекршок, а шутот на домашниот играч со бр. 77 во истиот момент завршува во противничкиот гол. Ценам дека главниот судија направи погрешна проценка, требаше да дозволи играта да продолжи од причина што не станува збор за симулирање на прекршок од страна на играчот со бр. 9 на домашната екипа, ниту имаше таква намера, а ниту пак истиот со било каква гестикулација или поглед побара прекршок од главниот судија. Главниот судија требаше да остане доследен на критериумот како во претходните две ситуации (2-ра и 9-та минута) и да дозволи играта да продолжи. Констатирам дека во оваа ситуација беше донесена погрешна техничка казна и погрешно доделена дисциплинска мерка.

– Играчот со бр. 15 на домашната екипа е во посед и контрола на топката и во продор централно кон противничкиот гол, а пред себе го има само одбранбениот гостински играч со бр. 85. Главниот судија не е во најидеална поставеност и близина, но во полн спринт и има прегледност на ситуацијата и затоа правилно го препознава прекршокот од гостинскиот одбранбен играч со бр.85 и истиот првенствено го проценува како спречување на ветувачка акција и покажува жолт картон на гостинскиот играч со бр. 85, сметајќи дека другиот гостински одбранбен играч со бр. 2 е во близина и има можност да стигне и да игра со топката. Погрешно! Но, по доделувањето на жолтиот картон видлива е комуникацијата и консултацијата на главниот судија со првиот асистент судија, по што главниот судија ја менува првично доделената дисциплинска мерка (жолт картон) во директен црвен картон по сугестија на асистенот заради спречување на очигледна шанса за гол. Истото ми беше потврдено и во разговорот по натпреварот. Правилно! Ценам дека главниот судија во првиот момент правилно го препознава прекршокот, но доделува погрешна дисциплинска мерка. Домашниот напаѓач е во продор централно кон противничкиот гол и е спречен со недозволен прекршок од гостинскиот одбранбен играч, а притоа топката е веќе проиграна и позади грбот на одбранбениот играч кој нема можност, ниту намера да игра со топката, но затоа намерно го соборува напаѓачот кој би стигнал прв до топката доколку не е направен прекршокот, со што всушност е спречена очигледна шанса за постигнување на гол. Дополнително, другиот одбранбен играч со бр. 2 во моментот на прекршокот е на оддалеченост од најмалку 20-ина метри и нема можност да влијае на било кој начин во развојот на акцијата доколу напаѓачот не беше спречен со прекршок. Констатирам дека на крајот е донесена правилна и храбра одлука од асистентот судија да сугерира промена на првичната погрешна одлука на главниот судија за дисциплинската мерка. Напоменувам дека исклучениот играч со бр. 85 на гостинската екипа со негодување го напушти теренот за игра, со непристојни и вулгарни гестикулации кон домашната публика, провоцирајќи и држејќи се за половиот орган. Го советувам главниот судија во вакви ситуации кога е сторен прекршок со кој се спречува очигледна шанса за постигнување на гол на клучни три моменти: 1) да не избрзува со дисциплинската мерка, туку да оствари брза и јасна комуникација со асистентот судија за истото; 2) во истиот момент на прекршокот да има фотографска меморија каде и каква е поставеноста на другите играчи; 3) кога веќе станува јасно дека ќе се прават дополнителни консултации меѓу судискиот тим, да размисли околу целокупното менаџирање на ситуацијата, односно истото би требало и би можело да биде побрзо, од причина што од моментот на прекршокот до моментот на продолжувањето на играта, натпреварот е во прекин скоро 4 минути (од 62′:57” до 66′:48”)

– Гостинската екипа започнува акција длабоко од нивната половина на теренот. Додадена е долга топка до гостинскиот напаѓач со бр. 7. Домашниот одбранбен играч со бр. 5 стигнува прв до топката и пробува да ја избие, но во моментот на избивање топката завршува во раката на гостинскиот напаѓач со што истиот всушност ја смирува и ја исконтролирува топката пред себе, се здобива со предност во фазата на нападот, непречено ја проигрува до својот соиграч со бр. 77, кој го постигнува првиот и единствен гол на натпреварот. Ценам дека асистентот судија не е во идеална поставеност и нема јасна прегледност за да ја забележи играта со рака од гостинскиот напаѓач, но исто така и главниот судија не е во идеална позиција и на оддалеченост од околу 25 метри и оттука ниту едниот, ниту другиот не го забележаа овој момент. Требаше и очекувам вакви ситуации да бидат воочени пред се од главниот судија во фазата на напад. Од оваа погрешна судиска проценка гостинската екипа разви ветувачка акција и постигна гол.

ЗАКЛУЧОК: Јован Качевски прави катастрофална грешка во 45. минута при што е поништен гол на домашната екипа при резултат 0:0. Во 64.минута доделен погрешен картон за гостинската екипа. По асистенција на асистентот и четвртиот судија покажан е директен црвен картон за гостинскиот фудбалер Адили и е преиначена одлуката на главниот судија кој во таа ситуација додели само жолт картон.

-Истиот судија и во 69. минута со неговите асистенти не гледаат очигледна игра со рака на гостите при што е развиена акција од која падна и единствениот погодок.

ЗАКЛУЧОК: Контролорот Дејан Јакимовски со многу слаба оценка 7.5 ја оцени арбитражата на Јован Качески за трите спорни моменти на штета на ФК Тиквеш.

Тагови: судии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Огромна лебарка ѝ слета на врат среде пренос- реакцијата на новинарката е хит (ВИДЕО)

Репортерка на KTLA 5 од Лос Анџелес покажа исклучителен професионализам кога голема лебарка ѝ слета на вратот за време на пренос во живо.

Иако беше јасно дека „чувствува“ непосакуван гостин, таа успеа да го заврши својот извештај, објавува Дејли Меил.

Видеото стана вирално

Рејчел Менитоф беше во програма од областа Шерман Оукс за да известува за екстремно високи температури, кога непријатниот инсект влета во кадарот.

„Веројатно не беше сигурна што слета, но едноставно знаете дека има нешто“, рече нејзината колешка од KTLA 5, Џесика Холмс.

Репортерката очигледно ја почувствува лебарката на вратот или додека трчаше по нејзината облека, но не дозволи тоа да ја вознемири. Го заврши извештајот како ништо да не се случило.

„Таа е едноставно толку професионалец“, додаде Холмс.

Откако видеото стана вирално, бројни колеги и корисници на социјалните мрежи ја пофалија новинарката.

„Ќе врескав и ќе избегав“

„Морам да ѝ оддам признание, беше навистина смирена“, рече репортерката на KTLA 5, Ерик Спилман.

Еден корисник на Фејсбук напиша: „Како не трепна? Јас, од друга страна, би го фрлил микрофонот, би вреснал и би избегал.“

Во еден момент, лебарка слета на микрофонот, а потоа излета од кадарот.

KTLA 5 подоцна објави видео, направено по емитувањето, на кое се гледа како Менитоф го спушта микрофонот, ја поминува раката по кожата и ја тресе облеката.

Нејзините колеги се сомневаат дека неодамнешното време е причина за зголемувањето на бројот на инсекти во тој дел од Калифорнија. Како што објаснија, многу луѓе забележуваат повеќе мравки, муви и други бубачки во своите домови поради екстремната топлина.

Тагови: лебарка новинарка

Економија

Русија воведе целосна забрана за извоз на дизел

Русија минатата недела воведе целосна забрана за извоз на дизел во обид да го стабилизира својот домашен пазар на гориво.

Русија минатата недела воведе целосна забрана за извоз на дизел во обид да го стабилизира својот домашен пазар на гориво, кој со месеци се урива под притисок на украинските напади со беспилотни летала врз рафинериите за нафта и логистичката инфраструктура.

Се очекува мерката да овозможи зголемени испораки на домашниот пазар, со најава дека Русија ќе почне да увезува гориво од странство во јули.

Забраната, која важи до 31 јули, за прв пат ги вклучува самите производители на гориво, кои претходно беа ослободени од претходното, делумно ограничување кое ги засегаше само трговците. Испораките според постојните меѓудржавни договори, како оној со Монголија, се ослободени од забраната, објавува ХРТ.

Одлуката доаѓа откако украинските беспилотни летала ги погодија речиси сите преостанати големи рафинерии кои претходно не беа нападнати, вклучувајќи ја и рафинеријата Омск, најголемата во Русија, која беше погодена на 6 јули од далечина од повеќе од 2.500 километри.

Според украинскиот Генералштаб, ова е прв пат од почетокот на војната да бидат погодени сите единаесет најголеми руски производители на бензин.

Само во ноќта на 8 јули, украинските сили дополнително ја нападнаа рафинеријата Саратов, комплексите ТАНЕКО и ТАИФ-НК во Нижнекамск, Татарстан, и пумпната станица Транснефт во близина на Уфа - што укажува на координирана кампања против рафинирање, петрохемикалии и логистика на цевководи во исто време.

Обемот на штетата

Проценките за обемот на штетата варираат: Ројтерс и аналитичарите како оние од Дејли Бриф известуваат дека приближно една четвртина до 30 проценти од вкупниот капацитет за рафинирање на Русија е трајно или привремено надвор од употреба, додека украинските власти тврдат дека до 45 проценти од капацитетот е засегнат.

Следните остануваат меѓу најтешко погодените:

• Рафинеријата Рјазан (не е во употреба од 15 мај),

• Рафинеријата Москва (затворена на 17 мај, аналитичарите не очекуваат да биде во функција пред 2027 година),

• Комплексот КИНЕФ (не е во употреба од 5 мај).

Кога станува збор за извозот, податоците покажуваат континуиран нагли пад. Рускиот извоз на дизел и гасно масло по море во јуни се намали за 39 проценти во однос на мај и за 46 проценти во однос на јуни минатата година.

Според „Кплер“, аналитичка компанија специјализирана за следење во реално време на глобалните текови на суровини, извозот на дизел во првите осум дена од јули изнесуваше само 187.000 барели дневно, во споредба со 535.000 барели дневно во јули 2025 година.

Редици на пумпите

Русија минатата година обезбеди околу 11 проценти од светските залихи на дизел и е втор најголем извозник на гориво во светот, веднаш зад САД.

Главните купувачи - Турција и Бразил, кои заедно апсорбираат барем половина од преостанатите пратки, а во помала мера и Мароко, Египет и Сенегал - сега се соочуваат со најдиректните последици од недостигот.

Што се однесува до производството и побарувачката, прецизните национални податоци за дизелот не се јавно достапни бидејќи руската статистика стана многу помалку достапна од почетокот на војната, но достапните делови покажуваат дека украинските напади значително ја оштетиле инфраструктурата.

Омск произведуваше околу 8 милиони тони дизел годишно во 2024 година (заедно со 5 милиони тони бензин), а сега е целосно надвор од употреба откако нападите ги оштетија единиците CDU-10 и CDU-11, кои заедно сочинуваат три четвртини од неговиот капацитет.

За бензинот, каде што податоците се малку подетални, извори од индустријата за Ројтерс изјавија дека производството во јуни било околу 85.000-90.000 тони дневно, додека летната побарувачка е најмалку 110.000 тони дневно, што е дефицит од околу 20-25 проценти, при што производството е за 25 проценти пониско отколку во јуни 2025 година.

Иако Владимир Путин тврди дека државните резерви на бензин се 1,7 милиони тони, само 4 проценти пониско од минатата година, тоа тврдење е тешко да се помири со глетката на километарски редици на бензинските пумпи.

Според проценката на весникот „Новаја Газета Европа“ од 2 јули, недостигот влијаел на 78 од 83-те региони на Русија, ограничувања на продажбата се воведени во 38, а покрај Крим и Севастопол, вонредна состојба е прогласена и во Пенза, Иркутск и Забајкалскиот крај.

Украинскиот претседател Володимир Зеленски ги опишува нападите врз рафинериите како доказ дека Русија ја изгубила својата долгогодишна предност - длабок заден дел надвор од дофатот на непријателот.

Трка меѓу беспилотни летала и мајстори

На маргините на неодамнешниот самит на НАТО во Турција, американскиот претседател Доналд Трамп ги опиша нападите врз рафинериите како „ескалација што би можела да помогне во завршувањето на војната“, додавајќи дека Путин „сака да види решение“ и дека во последните недели е постигнат „голем напредок“.

Државниот секретар Марко Рубио рече дека капацитетот на Украина за длабински удар ѝ отежнува на Русија да го брани сопствениот воздушен простор, отворајќи простор за преговори.

Кремљ ги отфрли тврдењата како „заблуда“, а портпаролот Дмитриј Песков рече дека Москва ќе одговори на зголемените напади со заземање дополнителна украинска територија.

Путин продолжува да ја нарекува кризата „привремена“ и инсистира дека не е критична, обвинувајќи го Киев дека се обидува да ја „наруши празничната сезона“ и да создаде „нервна атмосфера“ во руското општество.

Аналитичарот Сергеј Вакуленко од Центарот за Евроазија „Карнеги Русија“ ја опишува ситуацијата како „трка помеѓу украинските дронови и руските тимови за поправка“, додека руските аналитичари предупредуваат дека јули и август би можеле да бидат клучни за исходот од целата кампања.

Засега, најверојатното сценарио е продолжување на трендот - Русија ја ублажува кризата со увоз на гориво од Индија, Белорусија и Казахстан, со планиран увоз до 400.000 тони месечно и намалување на стандардите за квалитет на горивото од Евро-5 на Евро-3.

Искуството од 2023 година, кога беше продолжена слична забрана за извоз на дизел, сугерира дека сегашната мерка лесно би можела да остане на сила по 31 јули ако темпото на поправки на рафинериите не се забрза.

Тагови: Дизел русија

Свет

Петгодишно дете успеало да избега од куќата на ужасот: Живеело во фекалии, влечел кебе натопено во урина

Голо 5-годишно момче од Пенсилванија храбро избегало од дом каде што го поминало поголемиот дел од времето заклучено во соба покриена со измет, претворена во импровизирана затворска ќелија.

Голо 5-годишно момче од Пенсилванија храбро избегало од дом каде што го поминало поголемиот дел од времето заклучено во соба покриена со измет, претворена во импровизирана затворска ќелија, додека неговите тројца старатели се уапсени за ужасното злоставување, објавува „Њујорк пост“.

Неидентификуваното 5-годишно дете било пронајдено голо и како талка на средина од улица во близина на неговиот дом во општината Сватара, кратко пред 7:30 часот наутро во петок, соопшти државната полиција на Пенсилванија.

Naked Pennsylvania boy, 5, escapes hell house after spending most of his life locked inside feces-covered room; 3 adults arrested https://t.co/3fRzh9o7kO pic.twitter.com/O1e3V4VE4p
— New York Post (@nypost) July 15, 2026

Загрижените минувачи го запреле момчето, кое носело само зелено ќебе натопено во урина, и останале со него додека не пристигнале службите за итни случаи, кои го пренеле во локалната болница на лекарски преглед.

Полицијата не открила како момчето успеало да избега од домот.

Истражителите утврдиле дека момчето дошло од напуштена куќа само неколку блока од местото каде што било пронајдено. По влегувањето во зградата, тие нашле сцена што ја опишале како навистина ужасна.

Полицијата соопшти дека пронашла услови типични за екстремно складирање во домот - ѓубрето било расфрлано насекаде, внатре имало стотици муви, а големиот број на натрупани работи го отежнувало движењето.

Во една спална соба, за која било утврдено дека му припаѓала на момчето, на вратата имало инсталирана порта за бебиња. На надворешната страна од рамката на вратата имало бројни пластични врвки, селотејп и дрвени штици прицврстени со завртки за да се спречи момчето да ја напушти собата, соопшти полицијата.

Изметот бил размачкан по ѕидовите и прозорците, додека во собата имало уништен кревет покриен со остатоци од храна. Подот од собата бил преполн со ѓубре и разни детски играчки.

A 5-year-old Pennsylvania boy escaped a hoarder home after being confined for years, leading to the arrest of three adults on child endangerment charges.

Read more, link in bio. #Pennsylvania #CrimeNews #USNews https://t.co/RCp3eJxkx4
— DC Brief (@DCBrief_) July 15, 2026

Полицијата утврдила дека момчето околу 90 проценти од времето го поминало заклучено во таа барикадирана соба, каде што му биле давани гранола плочки, житарки, сок, млеко и вода низ отворите на безбедносните порти.

Тројца возрасни во домот - идентификувани како Такер Хиги, 20, Џејд Шуи, 21, и Стефани Шафнер, 42 - наводно го капеле момчето само еднаш неделно, понекогаш и поретко.

Тројцата беа идентификувани како старатели на момчето, но нивната точна врска со детето не е откриена.

Шуи им кажа на полицајците дека момчето понекогаш останувало заклучено во соба до три дена без да излезе, принудувајќи го да врши нужда во собата, по што размачкувало измет по ѕидовите.

За да го пуштат момчето да излезе од собата, возрасните морале да исечат помеѓу пет и десет пластични врвки што ги држеле решетките заедно, потоа секој пат да ставаат нови врвки и да ги прицврстуваат со селотејп, призна Хиги.

Според истрагата, старателите ги купувале пластичните врвки на големо во локална продавница бидејќи често ги користеле.

Поради ужасните и крајно нехигиенски услови во куќата, вклучително и општата состојба на зградата, локалниот општински инспекторат ја прогласил куќата за непогодна за живеење и ја забранил нејзината употреба. Хиги, Шуи и Шафнер биле уапсени и сите биле обвинети за загрозување на благосостојбата на дете, соопшти полицијата.

Тагови: дете