Судири на иранските универзитети поради протестите против Хамнеи - Канал 5

Свет

Судири на иранските универзитети поради протестите против Хамнеи

Иранските безбедносни сили и полицајци во цивилка се обидоа синоќа да ја преземат контролата врз универзитетите низ Иран за да ги задушат студентските протести кои се одржуваат четврти ден против врховниот лидер ајатолахот Али Хамнеи.

Судири на иранските универзитети поради протестите против Хамнеи

Иранските безбедносни сили и полицајци во цивилка се обидоа синоќа да ја преземат контролата врз универзитетите низ Иран за да ги задушат студентските протести кои се одржуваат четврти ден против врховниот лидер ајатолахот Али Хамнеи, додека во Женева се подготвува нова рунда разговори за нуклеарната програма на Иран.

Според извештаите од теренот, на некои факултети избувнале судири, а на социјалните мрежи биле објавени видеа од тепачки меѓу членови на паравоената милиција Басиџ и студенти на Универзитетот за наука и технологија во Техеран, објавува Гардијан.

Возила со митралези биле фотографирани пред Универзитетот во Техеран, додека протести биле снимени и во Машхад.

На другите универзитети, на студентите кои претходно учествувале во протестите им е забранет влез, а администрациите објавија прекин на наставата во живо.

Речиси 80 проценти од иранските универзитети веќе се префрлија на онлајн настава, делумно за да се спречат студентите да се собираат и да протестираат против владата и сузбивањето на јануарските демонстрации.

На снимки од Универзитетот за уметности во Техеран, може да се слушнат слогани како „Ќе се бориме, ќе умреме, ќе го вратиме Иран“, „Политичките затвореници мора да бидат ослободени“ и „Хамнеи Захак, ќе те закопаме жив“, алудирајќи на митски тиранин од персиската традиција, објаснува британскиот весник. Генералниот обвинител на Иран, Мохамед Мохеби Азад, повика на решителна акција против демонстрантите.

„Надлежните институции мора брзо да ги идентификуваат поврзаните елементи и да преземат решителни и законски мерки против нив. Секогаш кога системот е на патот на преговори, одредени струи, под водство на непријателот, се обидуваат да ја запалат внатрешната атмосфера“, рече Азад.

Демонстрациите се случуваат пред третата рунда разговори за нуклеарната програма на Иран, закажана за утре во Женева помеѓу иранскиот министер за надворешни работи, Абас Арагчи, и специјалниот претставник на САД, Стив Виткоф.

Разговорите, посредувани од Оман, се сметаат за клучни, бидејќи американскиот претседател Доналд Трамп го засилува своето воено присуство во регионот, вклучително и распоредување дополнителни поморски и воздушни сили. Аналитичарите велат дека успехот на разговорите зависи од тоа дали САД се подготвени да му дозволат на Иран да збогатува ураниум за ограничени цивилни цели, како што се медицински материјали.

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер