Европа

Судири меѓу полицијата и земјоделците на протестите во Брисел

Како што јавија белгиските медиуми, до инцидентот дошло кога дел од демонстрантите почнале да фрлаат со камења, петарди, други тврди предмети, но и земјоделски производи, како компири и цвекло, врз полицајците и кон зградата на Парламентот.

Белгиската полиција употреби солзавец и водни топови за да ги разбие насилните земјоделци, кои во рамките на денешните земјоделски протести во Брисел со трактори го блокираа плоштадот „Луксембург“ пред Европскиот парламент.

Како што јавија белгиските медиуми, до инцидентот дошло кога дел од демонстрантите почнале да фрлаат со камења, петарди, други тврди предмети, но и земјоделски производи, како компири и цвекло, врз полицајците и кон зградата на Парламентот, со цел да ги пробијат полициските блокади.

Полицијата соопшти дека на ваквите провокации полицајците одговориле со употреба на водни топови, а потоа фрлиле и солзавец.

Според најавите на организаторите, на денешните протести се очекува учество на околу 10.000 земјоделци од 40 до 45 национални земјоделски здруженија од цела Европа, вклучително и од Белгија, Ирска, Италија, Полска, Словенија, Франција, Чешка, Шведска и Шпанија.

Земјоделците бараат поголем земјоделски буџет, посилни трговски заштитни мерки за земјоделството и помали ограничувања на земјоделското производство.

Европската федерација на земјоделци, која е меѓу организаторите на протестите, соопшти дека се решиле на ваквиот потег затоа што „само малку работи се промениле во корист на земјоделците“ од претходната серија демонстрации што беа организирани во периодот од неколку месеци до средината на минатата година.

- Тука сме со јасна порака. Европа става клуч на европското земјоделство, изјави претседателот на фламанскиот Сојуз на земјоделците (ББ), Лоде Сејсенс за белгиската телевизија ВРТ.

Тој нагласи дека земјоделците протестираат против европските регулативи што ги попречуваат инвестициите и дозволите, против предложената повеќегодишна финансиска рамка на ЕУ за периодот од 2028 до 2035, со која, според него, заедничкиот земјоделски буџет се намалаува за повеќе од една петтина, како и против „нефер трговските договори“, како што е оној за слободна трговија со јужноамериканските земји од асоцијацијата Меркосур. Инаку, Европската комисија планира да го потпише Договорот со Меркосур во текот на претстојниот викенд.

- Сакаме подобра регулатива за да можат земјоделците да реинвестираат, да се модернизираат и да станат поодржливи. Сакаме правна сигурност. Сакаме договори за фер трговија што нема да ги стават во неповолна положба нашите земјоделци или да ги измамат потрошувачите. И сакаме силен буџет, додаде Сејсенс.

Други земјоделски претставници посочија дека иако креаторите на политиките во ЕУ велат дека земјоделството е од стратешка важност за Унијата, сепак нивните предлози и постапки не го одразуваат ваквиот став. - Бараме акција, а не зборови, порачаа тие.

Главниот земјоделски протест започнаа во близина на Ботаничката градина во поширокото централно подрачје на Брисел, од каде земјоделците се упатија кон т.н. европски кварт за да стигнат до зградите на Европската комисија и Советот на ЕУ, а од таму и на плоштадот „Луксембург“ пред Европскиот парламент, каде според планот протестите треба и да завршат.

Во меѓувреме, групи земјоделци со трактори блокираа крстосници и булевари на повеќе локации низ централниот дел на Брисел, создавајќи застои и проблеми во одвивањето на сообраќајот.

Белгиските медиуми јавија дека помали инциденти денеска имало уште пред почетокот на протестите. Така, група земјоделци мавале со камења по полицајци пред Европскиот парламент, а на неколку локации биле запалени огнови на улиците и имало обиди за пробивање на полициските блокади, поради што накратко полицијата реагирала и со водни топови.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Случајот„Државна Лотарија“влезе во судница: Груби и уште седуммина на обвинителна клупа

Поранешниот прв вицепремиер Артан Груби седна на обвинителна клупа откако против него и седум други лица беше поднесено обвинение за злоупотреби при набавка во Државна лотарија.

По шест месеци во домашен притвор утринава беше спроведен во скопскиот Кривичен суд. Но наместо низ главниот влез на судската зграда каде вообичаено ги спроведуваат обвинетите кои се со мерка домашен притвор, со полициско возило Груби беше спроведен преку гаражите на судот. Во истрагата за случајот беше осомничен за проневера во службата но обвинителството го преквалификува делото во „злоупотреба на службената положба и овластување“, за кое е предвидена поблага казна, односно од 1 до 5 години затвор.

-Вториот обвинет, кој имал реално влијание во раководењето со АД Државна лотарија, во својство на одговорно лице, претседавал со седница на Влада на Р. С. Македонија во својство на собрание на Државната лотарија и предложил вака дополнетата точка на дневен ред да се усвои, иако бил свесен дека одлуката не е во надлежност на Владата како Собрание на Акционерското друштво, стои во обвинението. - ОЈО Скопје

Првообвинет во случајот е поранешниот генерален директор на Државна Лотарија, Перперим Бајрами кој е во бегство и за кој се уште има активна потерница. Обвинети се и поранешниот генерален секретар на Влада, Методија Димовски, потоа поранешниот претседател и членови на надзорниот одбор Скендер Мехмети, Бојан Јанев, Фатмир Рамаданоски, Александар Димитриоски и Башким Авди.

Во случајот „Државна лотарија“ обвинети се вкупно осум лица:

Перпарим Бајрами – поранешен генерален директор и претседател на Управниот одбор на „Државна лотарија“ – во бегство.

Артан Груби – поранешен прв вицепремиер

Методија Димовски – поранешен генерален секретар на Владата

Скендер Мехмети – поранешен член/претседател на Надзорниот одбор

Бојан Јанев – поранешен член на Надзорниот одбор

Фатмир Рамаданоски – поранешен член на Надзорниот одбор

Александар Димитриоски – поранешен член на Надзорниот одбор

Башким Авди – поранешен член на Надзорниот одбор.

Сите се товарат за исто кривично дело – злоупотреба на службената положба и овластување. Според обвинението во текот на 2023 и 2024 година заеднички презеле дејствија со кои ги пречекориле границите на своите посебни овластувања и должности и со намера на „Државна лотарија“ ѝ нанеле штета од 8,2 милиони евра.

Пред судот обвинението го застапуваат обвинителите Даниел Коцев и Александар Давчевски од скопското обвинителство. Вина кај обвинетите ќе докажуваат со 231 матертијален доказ и 7 сведоци. На денешното прво рочиште на обвинетите им беа доставени доказите и беше договорена диманиката на рочиштата.

Со оглед на тоа дека се работи за обвинителен предлог и предмет кој се суди по скратена постапка, судијката Билјана Шуплиновска Јовевски им остави простор од десетина дена на одбраната да ги разгледа доказите и следно рочиште закажа за 7 септември.

Сега обвинетиот поранешен прв вицепремиер Артан Груби кој во случајот го застапуваат двајца адвокати, Гоце Ристевски и Владимир Доневски, речиси една година беше во бегство. Во декември 2024 година преку граничниот премин Блаце кон Косово пеш ја преминал границата иако бил на стоп листа. На 23 февруари годинава во утринските часови се појави на истиот гранничен премин каде беше уапсен, но по распитот наместо во затворски притвор кој првично се бараше, обвинителството кое тогаш објасни дека е поради безбедносни причини, побара куќен притвор, мерка која ја определи Кривичниот суд.

Тагови: Груби

Европа

Лидерката на германската АФД: Ќе го укинеме еврото, ќе ги затвориме границите и ќе излеземе од Шенген

Копретседателката на ултрадесничарската Алтернатива за Германија -АФД, Алис Вајдел, изјави дека доколку партијата влезе во федералната влада, ќе бара Германија да ги напушти еврозоната и шенгенскиот договор.

Копретседателката на ултрадесничарската Алтернатива за Германија -АФД, Алис Вајдел, изјави дека доколку партијата влезе во федералната влада, ќе бара Германија да ги напушти еврозоната и шенгенскиот договор, затворање на националните граници и значително заострување на миграциската политика..

Вајдел тоа го изјави во интервјуто за германската телевизија Зе-Де-Еф..

„На Германија ѝ беше значително подобро пред воведувањето на еврото“, рече Вајдел тврдејќи дека заедничката европска валута ја ослабела германската економија и го намалила богатството на домаќинствата..

Во однос на миграцијата, таа најави затворање на германските граници и излез на Германија од Шенген-зоната..Таа се заложи и за поголем број депортации и ограничено доделување германско државјанство. На национално ниво испитувањата на јавното мислење на афд ѝ даваат поддршка од 27 отсто, додека владеачката Це-Де-У има 22 отсто од гласачите..

Тагови: Германија

Европа

Европската комисија одобри 6,1 милијарда евра помош за одбраната на Украина

Европската комисија денеска одобри дополнителни 6,1 милијарди евра финансиска помош за украина за купување нови одбранбени системи.

Средствата се наменети за воздушна одбрана, ракети, муниција и радари.. Овој нов пакет помош се надоградува на претходно одобрените 16 милијарди евра за опрема. Од оваа сума, досега се исплатени 8,35 милијарди евра, пишуваат светските медиуми..

„Додека Русија ги интензивира своите напади, ние се залагаме да ѝ помогнеме на Украина да го заштити својот народ и своето небо. Европа стои со Украина и ние ќе ѝ го испорачаме она што ѝ е потребно, кога ѝ е потребно“, соопшти претседателката на Европската комисија, Урсула Фон Дер Лајен..