Судири меѓу белгиската полиција и прокурдски демонстранти во Брисел - Канал 5

Европа

Судири меѓу белгиската полиција и прокурдски демонстранти во Брисел

Припадници на белгиската полиција синоќа во Брисел се судрија со група демонстранти учесници на протестите за поддршка на Курдите во Сирија.

Судири меѓу белгиската полиција и прокурдски демонстранти во Брисел

Собирот се одржа на плоштадот Луксембург пред Европскиот парламент со цел да се изрази протест против сирискиот лидер Ахмед ал-Шара и нападите врз припадниците на курдската заедница во североисточна Сирија од страна на владините сили.

Мирниот протест ескалираше кога полицијата ги спречи демонстрантите да тргнат кон Турската амбасада во Брисел, при што дел од нив се судрија со полициските припадници.

Според полицијата, до судирите дошло кога демонстрантите почнале да фрлаат со камења и други предмети кон полициските припадници, при што се повредени неколкумина полицајци и се оштетени неколку паркирани возила.

Полицијата употреби солзавец за да ги растера демонстрантите и да ги спречи да се упатат кон влезот на Европскиот парламент, се наведува во полициското соопштение.

Портпаролката на полицијата Илсе Ван де Кир во изјава за „Брисел Тајмс“ вели дека била неопходна „повремена употреба на солзавец за да се сопре толпата, за да се држи ситуацијата под контрола и да се спречи каква било ескалација“.

Протестот организиран од здруженија на курдската заедница во Белгија беше најавен како мирен собир со цел да се привлече вниманието на ЕУ на она што сириската Влада им го прави на Курдите, чии борци учествуваа во акциите на западните сили против припадниците на Исламската држава (ИД).

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

Во изминатите 24 часа најмногу дожд во Битола, Демир Капија и Виница

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер