Судијката Даниела Алексовска Стојановска присуствуваше на дебата за реформи во правосудството - Канал 5

Македонија

Судијката Даниела Алексовска Стојановска присуствуваше на дебата за реформи во правосудството

Додека на улиците има протести со барања за нејзина одговорност, судијката Даниела Алексовска Стојановска се појави на настан за реформите во правосудството насловен „Патеки до интегритет и независност на правосудството“. 

Судијката Даниела Алексовска Стојановска присуствуваше на дебата за реформи во правосудството

Изјава за медиумите не даде.

Таму беше и претседателот на судскиот совет Александар Камбовски, кој во однос на постапките на судијката кажа дека нема да се избрзува со заклучоци, но најави дека ќе се извршат разговори со нејзе, воедно и ќе се увиди и предметот, па доколку има пропусти за истите ќе се поведе и постапка..

На дебатата присуствуваше и новата директорка на Академијата за судии и јавни обвинители Ирина Трајкоска – Стрезоски, која кажа свое мислење и за случајот со судијката.

За одговорност на судијата, мислам дека сега не би требало да станува збор, зошто судијата ја познавам лично, навистина е професионална, една од подобрите судии, работи согласно законите.. Сепак тоа е одлука на Судскиот совет, кој верувам дека ќе работи согласно законот.

Пресудата на Алексовска Стојановска, Васил Јованов да заврши во поправен дом наместо во затвор иако бил фатен со кокаин и марихуана за препродажба, е пред Апелација од ноември лани, распределен кај судијката Тања Милева, а одлука од таму најавуваат за десетина дена.

Новинарот Бранко Геровски вели дека во овој случај судијката направила бројни пропусти, оти одлучувала по свое убедување за личноста и состојбата на Јованов, без да побара стручни мислења и анализи.

Таа се впуштила во оценка на личноста на осудениот, се впуштила во оценка на семејните околности и тоа се се области за кои судијката не е стручна. Таа морала да прибави мислење пред да донесе една битна и значајна одлука. Тоа не се прави на начин што таа самата ќе одлучува, каде судијата ќе се потпре слободно на своето судиско убедување и на својата аматерска експертиза во областа во која не е стручна не е едуцирана и нема никаков сертификат. Има многу, битни, значајни пропусти, а за жал, ќе кажам дека погрешила, дека направила фатална грешка, покажаа настаните кои следеа потоа.

Инаку, ново светло за сомнежите за ваквата пресуда фрлаат и новите информации што ги објави Радио Лидер, според кои судијката и родителите на Васил Јованов биле куќни пријатели, а мајката на Васил била колешка со сопругот на судијката во фирма за телекомуникациски системи речиси 7 години, од јануари 2002г, до септември 2008г.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ќе заработат милијарди долари откако потпишаа нуклеарен договор со Саудиска Арабија

САД потпишаа значаен договор со Саудиска Арабија, што ќе ѝ овозможи да развива цивилна нуклеарна програма, во што ќе учествуваат и американски компании.

САД ќе заработат милијарди долари откако потпишаа нуклеарен договор со Саудиска Арабија

Текстот од договорот не беше објавен јавно, но американските медиуми објавија дека тој ќе ѝ дозволи на Саудиска Арабија да збогатува ураниум во иднина. Експертите велат дека ова создава ризик од идна нуклеарна пролиферација во веќе нестабилниот регион.

Министерството за енергетика на САД кажа дека покрај договорот за соработка, потпишан е и „двостран договор за заштитни мерки“.

Ова е првпат САД да ѝ помагаат на друга земја да збогатува ураниум на своја територија. објавата уследи среде ескалацијата на војната во иран, што сад ја започнаа во февруари за да го спречат да развие нуклеарно оружје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

ЕУ го одобри новиот пакет санкции против Русија по неколку недели натегања и преговори

Новиот 21 пакет санкции на ЕУ против Москва од Руската инвазија на Украина во 2022 година, вклучува одржување на сегашното ниво на горната граница на цената на руската нафта.

ЕУ го одобри новиот пакет санкции против Русија по неколку недели натегања и преговори

Преговорите за новите економски санкции воведени поради војната во Украина се одолговлекуваа откако неколку земји инсистираа на ублажување на поединечните елементи од пакетот.

На 22 јули беше објавено дека 27-те земји-членки на ЕУ донеле привремена одлука да го задржат горната граница на цената на руската нафта на 44 долари за барел во текот на една недела за да се спречи нејзиното автоматско зголемување.

Мерката има за цел да ги ограничи приходите на Москва од глобалниот извоз на сурова нафта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром со јавен повик за пријавување штети од силното невреме

Општина Аеродром започнува постапка за обесштетување на граѓаните што претрпеа материјална штета предизвикана од силното невреме што го зафати подрачјето на Град Скопје на 21 јули 2026 година.

Општина Аеродром со јавен повик за пријавување штети од силното невреме

По одржаниот координативен состанок во Град Скопје, Општина Аеродром веднаш формира Комисија за утврдување на фактичката состојба и ја започна постапката за прием на барања, како предуслов за обесштетување на граѓаните, што ќе се реализира во соработка со Владата и со Градот Скопје.

Образецот за пријавување штета е достапен во просториите на Општина Аеродром, а може да се преземе и од официјалната веб-страница на следниов линк:

https://shorturl.at/L3rcJ

Образецот, заедно со потребната документација, се доставува во Архивата на Општина Аеродром секој работен ден од 8:00 до 15:00 часот, во рок од 30 дена од денот на настанување на штетата.

Кон барањето задолжително да се приложат и следниве документи:

Важешка лична карта или патна исправа (фотокопија);

Доказ за сопственост (фотокопија од имотен лист);

Фотографии од локацијата по претрпената штета;

Записник од МВР за настанатата штета;

Општина Аеродром ги повикува граѓаните навремено да ги поднесат своите барања, со цел постапката за утврдување на штетите да се реализира ефикасно и во најкраток можен рок. Сите поднесени пријави ќе бидат разгледани во согласност со законските процедури.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер