Судијата Беџети разрешен поради корупција и „црната листа“ на САД - Канал 5

Македонија

Судијата Беџети разрешен поради корупција и „црната листа“ на САД

Апелцискиот судија Енвер Беџети ја нарушил довербата на јавноста во судството и судската власт како и во правната држава и владеење на правото, што го прави истиот недостоен за вршење на судиската функција.

Судијата Беџети разрешен поради корупција и „црната листа“ на САД

Ова е наведено во решението со кое Судскиот совет и формално го разреши Беџети откако тој се најде на американската „црна листа“ поради корупција во врска со предметите што се водеа против ексдиректорот на УБК, Сашо Мијалков.

-Советот најде дека судијата Е.Б. сторил потешка дисциплинска повреда што го прави недостоен за вршење на судиската функција, поради потешка повреда на јавниот ред и мир и други посериозни форми на недолично однесување со кое се нарушува угледот на судот и неговиот углед, од причини што истиот е ставен на „црна листа“ од Стејт департментот на Соединетите Американски Држави, како судија кој е вмешан во значителна корупција преку примање мито за предмети поврзани со поранешниот директот на УБК С.М....стои во решението на Судскиот совет.

Судскиот совет, кое било донесено во мај, но досега не беше објавено бидејќи тој поднел жалба. Во меѓувреме беше суспендиран од судиската функција а Врховен го потврдил решението на седница од 3 септември, и истото на 22ри било доставено до Судски совет кој потоа го објавил во Службен весник со што постапката правосилно е завршена.

Инаку, Беџети во своја одбрана навел дека предметот Тврдина – Таргет го држел во фиока подолго време поради пандемијата и големиот број други предмети по кои постапувал за што веќе бил парично казнет.. За него недолично однесување подразбира судија во алкохолизирана состојба, а тоа што се нашол на американската „црната листа“ го смета за еднострана одлука.

-Соопштението од Стејд Департментот на САД е акт донесен од политичко тело на странска држава и не е акт донесен од судски орган. Самата постапка која е водена од политичкиот орган Стејд Департментот на САД е едностарана постапка без засегнатото лице да е запознато дека против него се води било каква постапка.-Одговор на Беџети во постапка пред Судски совет.

На „црната листа“ на САД, Беџети се најде на крајот од минатата година заедно со поранешниот вицепремиер Артан Груби под сомнение за примање мито и одолговлекување предмети поврзани со ексдиректорот на УБК, Сашо Мијалков. Груби пак е во бегство од јануари годинава откако против него беше отворена постапка за злоупотреби во Државна лотарија.

Во јануари годинава Обвинителството соопшти дека отворило предистрага во која освен Беџети и Груби, се истражува и дали во чувањето во фиока на предметите поврзани со Мијалков учествувало и трето лице. Но оттаму се уште нема известување до каде е постапката.

YouTube video

Тагови: Судски совет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Во Франција пронајдени тела на пет бебиња

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка ја откри вистината за нејзината врска со фудбалерот

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху ја напушти Белата куќа по средбата со американскиот претседател Трамп

Израелскиот премиер Бенјамин Нетанјаху денеска ја напушти Белата куќа по средбата со американскиот претседател Доналд Трамп, која, според Белата куќа, била „позитивна и продуктивна“.

Нетанјаху ја напушти Белата куќа по средбата со американскиот претседател Трамп

„Претседателот Трамп ги заврши средбите во Овалната соба со претседателот (на Украина, Володимир) Зеленски и со премиерот (на Израел, Бенјамин) Нетанјаху. Двете средби беа позитивни и продуктивни“, напиша портпаролката на Белата куќа, Керолајн Ливит, на платформата „Икс“ (X) по одвоените средби на Трамп со Нетанјаху и Зеленски, пренесува Си-ен-ен (CNN).

Израелски функционер запознаен со средбата меѓу Нетанјаху и Трамп ги потврди оценките на Белата куќа, наведувајќи дека „средбата беше многу позитивна и се одржа во добра атмосфера, во присуство на високи претставници на администрацијата“.

Тој додаде дека лидерите ја потврдиле својата заедничка цел – „на Иран во никој случај да не му се дозволи да поседува нуклеарно оружје“. Двајцата лидери разговараа и за партнерството меѓу Израел и Соединетите Американски Држави, кое е „посилно од кога било“, како и за разни можности на Блискиот Исток. Двете средби се одржаа без присуство на медиумите.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер