Судењето за убиствата на Вања и Панче продолжува в петок со завршни зборови на одбраната на Палевски - Канал 5

Македонија

Судењето за убиствата на Вања и Панче продолжува в петок со завршни зборови на одбраната на Палевски

Судењето за грабнувањето и убиствата на Вања Ѓорчевска и Панче Жежовски влезе во завршница. Денеска дел од одбраната ги даде заршните зборови. 

Судењето за убиствата на Вања и Панче продолжува в петок со завршни зборови на одбраната на Палевски

Aдвокатот на Велибор Манев побара од судот да го ослободи од обвиненијата за убиствата а да го казни само за грабнувањата. Боре Видевски кој и претходно негираше вина, денеска преку својата одбрана побара ослободителна пресуда. Неговиот адвокат адвокат тврдеше дека целиот случај е конструиран и дека обвинението се темели на признание изнудено со полициска тортура.

-ЈО во сета оваа постапка се базираше само на претпоставки, само врз основа на конструирани изјави. Конкретен доказ за вмешаност на обвинетиот Боре Видевски во овој кривично правен настан не видовме,- изјави – Бојан Манев – Адвокат на Боре Видевски.

Ослободителна пресуда за двете убиства и едно од грабнувањата побара и одбраната на Влатко Кешишев. Евентуална вина, како што посочи, може да сноси само за грабнувањето на Вања, но секој потег го направил под притисок на Љупчо Палевски. Побара од судот да има предвид дека поради неговото каење и совест биле пронајдени телата на убиените.

-Нема преземени никакви дејствија ниту како извршител ниту како соизвршител за извршување на ваквите кривични дела. Особено судот да ги има предвид неговиот страв, и заложништвото од првообвинетиот Палевски. Самиот Кешишев потврди дека имал учество во делот на грабнување на Вања,- изјави – Игор Ефремов – Адвокат на Влатко Кешишев.

За одбраната на Александар Ѓорчевски, таткото на Вања, обвиненителството не успелано да докаже вина кај него. Неговиот адвокат вели дека докажале дека Александар критичниот период постапил на начин на кој би постапил секој родител во ситуација кога се трага и бара неговото исчезнато дете.

-Јас очекувам, и тоа треба да го направи судот да донесе ослободителна пресуда за Александар особено поради тоа што застапникот на обвинението немаше доблест да го повлече обвинението иако е свесен очигледно дека нема докази изјави– Владимир Туфекџиќ – Адвокат на Александар Ѓорчевски.

Уште едно роќиште за случајот е закажано за во петок кога својот завршен збор ќе го даде одбраната на првообвинетиот Љупчо Палевски Палчо. Потоа и сите обвинети ќе имаат можност самите да се изјаснат по што судијата Ивица Стефановски ќе треба да закаже роќиште за изрекување на пресуда.

YouTube video

Тагови: Вања и Панче Љупчо Палевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер