Судбината на Дончо Ацев Симоноски, таткото на херојот Мирче Ацев: Се што е машко во фамилијата загинало во турско и во НОВ - Канал 5

Македонија

Судбината на Дончо Ацев Симоноски, таткото на херојот Мирче Ацев: Се што е машко во фамилијата загинало во турско и во НОВ

Судбината на Дончо Ацев Симоноски, таткото на херојот Мирче Ацев: Се што е машко во фамилијата загинало во турско и во НОВ, а тој молел за пензија.

Судбината на Дончо Ацев Симоноски, таткото на херојот Мирче Ацев: Се што е машко во фамилијата загинало во турско и во НОВ

-Во јули 1946 година, властите во НР Македонија донеле Закон за илинденски пензии, со којшто биле опфатени прво околу 1.800 лица, а кратко потоа тој број се спуштил на околу 1.270 ветерани кои биле вклучени во македонските националнореволуционерни борби од илинденскиот и предилинденскиот период. Во првите години од постоењето на современата македонска држава, неколку илјади луѓе, барајќи илинденска пензија, ги раскажале своите животни приказни... Овие документи се непроценливо значаен извор, прво - за македонската национална историја, и второ - за животната драма на засегнатите луѓе.

Истражувачот Кочо Топузоски, во својата книга „Ветераните на Илинден“ (изд. „Панили“, Скопје, 2017), пренесува дел од тие документи.

Меѓу сите овие ветерани е и Дончо Ацев Симоноски од село Ореовец, Прилепско. Тој бил од познатото прилепско бунтовно и револуционерно семејство Ацеви - татко на познатиот македонски национален херој од Втората светска војна, партизанот Мирче Ацев. Дончо е познат како правнук на месниот херој Симон, кој своевремено го изгонил турскиот паша - тиранин, со што селаните од Ореовец си ја вратиле земјата во свој посед. Синот-единец на Симон, Аџи-Костадин, како ајдук бил убиен од Отоманците, а еден од неговите синови, пак, Аце - како трговец бил ограбен и убиен од турски арамии-платеници.

Аце имал шест сина и три ќерки: Мирче, Илија, Дончо, Петар (Петре), Ордан, Ѓорѓи (Гога), Ануша, Султана и Анастасија. По смртта на татко сѝ, Мирче, Илија, Петре и Анастасија, не можејќи да се прехранат - во различни временски периоди, неколкупати одат на печалба во Бугарија.

Молбата за илинденска пензија на тогаш речиси 80-годишниот Дончо е архивирана во телата на прилепската локална власт во 1951 година. Тука, Дончо истакнува дека бил учесник во Илинденското востание во 1903 година.

Со молбата, приложена е и негова биографија напишана од двајца соборци од Илинденското востание, како што вели Дончо во молбата. На почетокот на биографијата се наведува:

„Роден 1872 година, во село Ореовец, околија Прилепска, сега постојано место на жителство - с. Ореовец. Земјата (на Дончо, н.з.) од 200 декара, се наоѓа во СРЗ (Сојуз на работнички задруги). Семејството му се состои од 3 члена, од кои еден е работоспособен.“

- Јас почнав да работам во организацијата уште во 1895 година. Мене ме организираше мојот брат Мирче Ацев војвода, а потоа и Петре Ацев. Мојата работа прво се состоеше во тоа што уште во 1895. отидов (како) четник во четата (на) војводата Мутафов, раскажува Дончо во својот животопис.

Тука се говори за бугарскиот поручник Васил Мутафов, кој со свои 160 борци и востаници учествувал во Мелничките четнички акции на Македонскиот комитет во 1895., а загинал на 7 јули истата година, кај селото Дебочица, Горноџумајско. Дончо Ацев раскажува како потоа влегол во Прилепската чета на Гоце Делчев, а по нејзиното растурање, се вратил дома во Прилепско, каде што дејствувал како началник на селската милиција на ВМРО.

- Мојот брат Мирче падна убиен во село Уланци, Кавадаречко, во 1900 година, но пред тоа дојде брат ми Петре Ацев и истепаа многу Турци. После смртта на Мирчета, Петре и Гоце Делчев дојдоа кај мене и пак излегоа (како) војводи, а јас паднав в затвор. Во 1902 година бев пуштен од затвор по амнестија, а бев осуден на 4 години. Штом се прибрав в село, уште вечерта брат ми Петре дојде со четата од 40 души и одма ме зеде со него. Постојано бев во неговата чета, а мојата чета беше организирана уште пред да влезам во затвор, се присеќа Дончо.

Во 1903., се движел низ Ореовец и околните села - Лениште, Плетвар, Крстец и Присат. Пред востанието, се планирал напад на турска единица кај местото Долна Каменица, но не дошле доволно комити и немало доволно оружје.

- Чета водев и (имав) борби со Турците сѐ до 1905 година... Амнестијата (мисли на преминувањето во легална дејност по Младотурската револуција, 1908., н.з.) се даде само за простите четници, а за војводите - не... Отидов во Бугарија, а оттука во Америка каде останав до 1910 година, а после си дојдов во моето село Ореовец, па тогашната власт ме стави под надзор. После доаѓањето на Србите - тие ме забркаа, но јас бегав, продолжува Дончо.

Во Кралска Југославија, вели, „живеел дома“, т.е. останал неактивен револуционер и се занимавал со земјоделство. Токму во тоа време, според истражувачот Коце Солунски, Дончо се оженил со Пара, со која имал 4 ќерки и 3 сина. Семејството било релативно имотно, а имале и куќа во Прилеп. После четирите девојчиња, во 1915. се родил и најстариот од нивните синови - славниот Мирче Ацев.

- За време на окупацијата на Бугарите, ми загинаа два сина - Мирче Ацев и Димче Ацев. Јас бев постојано под надзор, ме интернираа заедно со жена ми, и така - постојано на маки. Никаква помош како илинденец немам добиено ниту во бивша Југославија, ниту пак, во (бугарската) окупација, но само маки и мачење, подвлекува Дончо.

Тој ја завршува својата биографија со потпис. Инаку, овој малку познат македонски војвода поднел две молби за илинденска пензија - првата била одбиена, но жалбата од 1948 година му е уважена, а и втората молба потоа му е прифатена. Според истражувачот Топузоски, по жалбата од 1948., Дончо земал пензија од 1.500 динари - само половина од тогашниот максимум. По молбата од 1951., износот му е зголемен, но повторно, не земал максимални, тогаш - 8.000 динари. Топузоски укажува дека тоа е понижување за овој илинденец.

„Зошто е тоа така, не може ниту да се претпоставува, зашто Дончо Ацев Симоноски не само што лично имал значајно учество во илинденскиот и предилинденскиот период, туку и тројца од неговите браќа како војводи загинале во националнореволуционерните борби. Покрај тоа, двајца негови синови загинале во НОВ (Народноослободителната војсна, н.з.)... Сѐ што е машко од семејството Ацеви загинува во борбите за ослободување - од почетокот до средината на 20. век“, нагласува Топузоски.

Синот на Дончо - Мирче Ацев (крстен по неговиот чичко) е меѓу првите прогласени Народни херои. Топузоски нагласува дека овој однос на властите кон Дончо, зачудува, бидејќи новата народна власт - тогаш, на почетокот, сите свои принципи ги градела врз основа на илинденските револуционерни традиции.

Истражувачот го посочува и податокот дека Дончо поседувал 200 декари обработливо земјиште коешто ѝ го отстапил на раната тнр. „колективизација“, т.е. на Сојузот на работнички задруги. Овој податок можеби е во линија со наводите на истражувачот Солунски, кој вели дека семејството на Дончо не било сиромашно, па можеби и затоа тој добил пониска пензија од други свои илинденски соборци. /МИА

Тагови: Историја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Меланија се појави во јавноста, прв пат по сторијата за Трамп и убавата блондинка: Слушнав дека ме баравте (ВИДЕО)

Првата дама на САД, Меланија Трамп, се пошегува за медиумските шпекулации за нејзиното едномесечно отсуство од јавноста, како и за вниманието насочено кон Натали Харп, една од блиските соработници на американскиот претседател Доналд Трамп.

Меланија се појави во јавноста, прв пат по сторијата за Трамп и убавата блондинка: Слушнав дека ме баравте (ВИДЕО)

„Добар ден. Слушнав дека ме баравте. Еве ме“, рече Меланија со насмевка на почетокот од настанот во Градината со рози во Белата куќа.

Таа и нејзиниот сопруг се држеа за раце додека одеа од Овалната соба до подиумот, а американскиот претседател Доналд Трамп седеше во публиката додека Меланија зборуваше.

Настанот беше организиран за да се одбележи донацијата од IndyCar и Fox Corporation за колеџ стипендии, пред трката IndyCar низ улиците на Вашингтон, која ќе ја одбележи 250-годишнината од американската независност.

Но, сите очи беа вперени во Меланија, која последен пат беше видена во јавноста на финалето на Светското првенство на 19 јули.

Поранешната манекенка, по потекло од Словенија, пропушти голем број други настани од висок профил, вклучувајќи ја и одложената вечера на дописниците од Белата куќа на 24 јули, иако присуствуваше на оригиналната вечера во април, која беше прекината од вооружен човек.

Анализата на американската телевизија NBC во понеделник покажа дека Меланија Трамп имала значително помалку јавни појавувања за време на нејзиниот втор мандат. Досега, таа имала околу половина помалку јавни појавувања отколку во истиот период од нејзиниот прв мандат.

Враќањето на Меланија во јавноста доаѓа и во време на шпекулации за жестоко лојалната извршна асистентка на Трамп, 35-годишната Натали Харп.

Белата куќа реагираше жестоко оваа недела откако кандидат за Сенат од Демократската партија праша зошто Харп е една од ретките луѓе што тајно го напуштиле Ер Форс Уан со претседателот во Турција по безбедносна закана.

Харп речиси постојано била покрај Трамп за време на неговиот втор мандат. Понекогаш таа пишува објави на социјалните мрежи и печати информации, што ѝ го донесе прекарот „човечки печатач“.

Харп не беше синоќа видена на настанот во Градината на розите во Белата куќа.

Тагови: Доналд Трамп Меланија Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Тесла повлекува три милиони возила поради безбедносни причини

Американската технолошка компанија „Тесла“ ќе повлече речиси три милиони од своите електрични возила во Кина поради проблем со електронските рачки на вратите, кои можат да престанат да работат во некои несреќи.

Тесла повлекува три милиони возила поради безбедносни причини

Кинеската државна администрација за регулирање на пазарот соопшти дека дефектот може да ги спречи патниците брзо да го напуштат возилото по несреќата и да им го отежни на спасувачките екипи да стигнат до нив, објави „Блумберг“.

Проблемот е поврзан со електрично контролираните, рамни рачки на вратите што се инсталирани во возилата на „Тесла“.

Како дел од повлекувањето, „Тесла“ ќе го модифицира софтверот на возилата така што прозорците автоматски ќе се спуштаат по судир, додека на возилата ќе бидат поставени налепници што ја покажуваат локацијата на механизмите за рачно отворање на вратите во случај на вонредна состојба.

Проблемот на „Тесла“ со електричните рачки на вратите стана особено контроверзен по серија несреќи во кои патниците беа заробени во возила што се запалија.

„Блумберг“ претходно објави најмалку 15 смртни случаи во 12 несреќи во кои патниците или спасувачите не успеаја да ги отворат вратите на автомобилите на „Тесла“ по судирот и пожарот.

Кина оваа година дополнително ги заостри правилата за електричните автомобили, станувајќи првата земја што забрани скриени рачки на вратите на електричните возила.

Повлекувањето на моделите на Тесла е дел од поширока кампања во Кина што опфаќа 4,27 милиони електрични возила од девет производители.

По Тесла, најголем број возила ќе бидат повлечени од Xiaomi, со 390.435 автомобили, како и Lipmotor, со 371.200 возила.

Тагови: возила тесла

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Навивачка акција во Мадрид- низ целиот град е пречкртан бројот 19 (ФОТО)

Навивачите на Атлетико Мадрид очигледно немаат трпение со Хулијан Алварез. 

Навивачка акција во Мадрид- низ целиот град е пречкртан бројот 19 (ФОТО)

Од утрово, околината на клупскиот тренинг центар во Мајадахонда беше облепен со пораки насочени против една од најголемите ѕвезди на тимот. На столбовите околу тренинг центарот се појавија натписите „Хулијан фуера“, односно „Хулијан, замини“, како и симбол на сообраќаен знак со вкрстениот број 19, кој Алварез го носи на дресот на Атлетико Мадрид.

Фотографиите ги објавија и шпанските медиуми, меѓу нив и Мундо Депортиво. Дел од навивачите многу јасно ставија до знаење што мислат за неговата желба да го напушти клубот ова лето. Реакцијата не дојде ненадејно. Односот меѓу Алварез и дел од навивачите беше нарушен за време на Мундијалот, кога Аргентинецот јавно објави дека сака да го напушти Атлетико.

„Мислам дека трансферот би бил најдобар за сите. Сакам да го остварам мојот сон“, изјави тогаш Алварез. Тој не го кажа името на Барселона, но во Шпанија немаше многу сомнеж за кој клуб станува збор. Веќе еден ден по неговата изјава, Мундо Депортиво пишуваше за навивачите на Атлетико кои се снимаа како го палат неговиот дрес.

Тој ја сака само Барселона, а Атлетико нема да го пушти таму

Сага оттогаш стана една од најголемите зделки во овој преоден рок. Барселона го сака 26-годишниот аргентински напаѓач, Алварез ја сака Барселона, но Атлетико одбива да преговара за негова продажба на директен ривал.

Според информациите на Кадена СЕР, понудата на Барселона била околу 100 милиони евра. Атлетико не го прифати, а извршниот директор Мигел Анхел Гил Марин во текот на летото јавно објави дека клубот нема да прифати 100, 150 или 200 милиони евра за Алварез. Неговата откупна клаузула изнесува 500 милиони евра, а договорот му трае до 2030 година.

Дополнителен проблем за сите инволвирани се појави изминативе денови. Во петокот, AS ја опиша ситуацијата како „неповратна“ и објави дека Алварез ја отфрлил можноста за преселба во Арсенал. Се вели дека спортскиот проект на англискиот шампион и финалист во Лигата на шампионите од минатата сезона е привлечен за него, но Алварез не сака повторно да живее во Англија.

Според АС, важна причина е неговото семејство и проблемите што би ги имале неговите членови со визите и подолг престој во таа земја. Тој имаше слични тешкотии за време на неговиот престој во Манчестер Сити. Неговата желба е Барселона. Проблемот е што ова е единствениот клуб на кој Атлетико категорично одбива да го продаде.

Тој не одби да тренира

Шпанскиот AS донесува важен детал поврзан со однесувањето на Алварез во текот на целата сага. Наспроти тврдењата кои се појавија во дел од странските медиуми, Аргентинецот не се декларира како незадоволен играч кој одбива да ги исполни своите обврски.

АС наведува дека по Светското првенство се вратил во клубот токму кога било договорено и дека немало бојкот на тренинзите или бунт. Тој во изминатите 11 дена тренира нормално во Мајадахонда, иако шпанскиот весник го опишува неговото расположение како сериозно и прилично мрачно.

Алварез разговарал и за својата ситуација со Диего Симеоне. Кадена СЕР извести дека средбата била мирна. Напаѓачот му повтори на тренерот дека би сакал да си замине доколку се отвори можност за трансфер, додека Симеоне одговори дека клубот смета на него и дека стручниот штаб ќе му помогне во спортскиот дел.

Тој претходно имаше сличен разговор со спортскиот директор Матеу Алемани. Одговорот беше ист: Атлетико смета на него, а вратата на Барселона останува затворена. Кадена СЕР нагласува дека Алварез нема намера да предизвика конфликт за да изнуди трансфер.

Соиграчите се со него, но сметаат дека треба да им се извини на навивачите

Интересно е и расположението внатре во соблекувалната. Кадена СЕР објави дека Алварез има поддршка од соиграчите, но и дека дел од тимот смета дека треба јавно да им се извини на навивачите поради начинот на кој започна целата приказна за време на Мундијалот.

Алварез веќе им призна на соиграчите дека направил грешка во начинот на кој се справил со целата приказна околу Барселона и им порача дека се додека е член на Атлетико ќе биде целосно посветен на тимот. Првиот вистински тест за неговиот однос со трибините допрва доаѓа. Алварез не беше во составот за победата од 2-0 против Малага во првото коло од Ла Лига, но причината, според Симеоне, не бил пеналот.

Нему му треба уште малку тренинг за да биде во најдобра состојба. Тој е нашиот најдобар офанзивен играч“, изјави Симеоне пред натпреварот. По Светското првенство, Алварез подоцна се приклучи на подготовките и се уште не беше доволно подготвен за игра. AS пренесува дека тој би можел да биде во тимот во недела против Виљареал на Метрополитен.

Доколку игра, тоа ќе биде негова прва средба со навивачите на Атлетико од летото на која јавно побара да си замине. Пораките што се појавија околу тренинг центарот во петокот даваат прилично добар показател за тоа каков дочек би можел да го чека.

Тагови: Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер