Живот

Студија: Врската на човекот со природата се намалила за 60 проценти во изминатите 200 години

Врската на луѓето со природата се намалила за 60 проценти во изминатите 200 години, што се докажува со исчезнувањето на зборови како што се река, мов или цвет од многу книги, според најновата студија.

Истражувањето спроведено од професорот Мајлс Ричардсон од Универзитетот во Дерби покажува дека луѓето се изложени на ризик од „губење искуство во природниот свет“ доколку не се преземат нови мерки, објави „Гардијан“.

Компјутерските модели за предвидување сугерираат дека врската на луѓето со природата ќе продолжи да се намалува доколку не се воведат различни политики и промени во однесувањето, како што се изнесување на децата на отворено и радикално озеленување на урбаните средини.

Во истражувањето објавено во списанието „Earth“, Ричардсон, исто така, укажа на губењето на термините поврзани со природата од книгите во периодот од 1800 до 2020 година, при што трендот го достигна својот врв во 1990 година, но сега се забележуваат некои позитивни промени.

„Врската со природата сега е прифатена како клучна причина за еколошката криза“, наведува научникот, додавајќи дека оваа врска е од витално значење и за нашето ментално здравје.

Според него, трансформацијата е потребна ако сакаме да го промениме односот на општеството со природата.

Како што истакна научникот, иако зголемувањето на зелените површини во градовите за 30 проценти изгледа како напредок, истражувањата покажуваат дека на еден град можеби ќе му требаат 10 пати повеќе зелени површини за да го сврти трендот на слабеење на врската со природата.

Како што е наведено во заклучоците од студијата, поефикасни мерки се подигање на нивото на свест и поминување време со мали деца и семејства во природа.

Истражувањата покажаа дека жителите на британскиот град Шефилд поминуваат просечно само четири минути и 36 секунди дневно во природната средина.

Ричардсон заклучи дека клучна е работата со родителите и децата за да се фокусираат на престојот во природа.

Тагови: природа човекот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Камерон Дијаз по враќањето на глумата, има нов филм- ќе се појави кон крајот на годината

Камерон Дијаз го продолжува своето враќање кон глумата со новата акциона комедија „Лош ден“, која пристигнува на Нетфликс на 11 декември.

Заедно со датумот на премиерата, стриминг услугата ги објави и првите фотографии од филмот.

Во филмот, Дијаз игра самохрана мајка за која еден обичен ден се претвора во низа проблеми. Додека поминува низ она што може да биде најлошиот ден во нејзиниот живот, таа се обидува по секоја цена да го одржи ветувањето што ѝ го дала на својата ќерка.

Филмот е режиран од Џејк Шимански, познат по својата работа во познатата серија „Должност на жирито“, додека сценариото го пишува Лаура Солон. Бо Бауман е продуцент, а Солон и Марк Моран се извршни продуценти.

Дијаз ја предводи екипата во која се Даниел Брукс, Рензи Фелиз, Џон Хигинс, Марк Дуплас, Џесика Белкин, Ед О'Нил, Роб Кордри, Ајден Мајери, Бен Шварц, Рета, Ема Пирсон, П.Џ. Бирн, Шери Кола, Еди Патерсон и Бек Бенет.

Нетфликс сè уште не откри многу повеќе детали за заплетот, а првите фотографии даваат само краток увид во она што ги очекува гледачите.

Продолжува со враќањето по десетгодишна пауза

За Дијаз, Лошиот ден е уште еден проект по долго отсуство од Холивуд. Актерката, позната по филмовите „Сите се луди за Мери“, „Маската“, „Одмор“ и серијата „Чарлиевите ангели“, не снимала филмови речиси десет години.

Таа се врати на глумата со акционата комедија на Нетфликс „Назад во акција“, во која глумеше заедно со Џејми Фокс. Тоа беше нејзиниот прв филм по „Ени“ од 2014 година.

Сепак, 53-годишната актерка не сака однапред да утврди со кое темпо ќе продолжи нејзината кариера. Во интервју за списанието „Емпајр“, таа објасни дека сака да ја задржи слободата да одлучува за секој иден проект.

„Тешко е да се објасни. Ако кажам нешто, тоа веднаш станува голема приказна“, рече таа.

„Го задржувам правото никогаш повеќе да не снимам филм, но исто така и да прифатам улога доколку сакам. Не однапред одредувам ништо. Отворена сум за она што има смисла за мене и моето семејство во одреден момент“, додаде таа.

„Лош ден“ пристигнува на Нетфликс на 11 декември.

Тагови: Камерон Дијаз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И натаму многу топло време со температура до 38 степени, утре попладне дожд и грмежи

Утре претпладне времето ќе биде сончево и топло, а попладне и во вечерните часови наместа ќе биде нестабилно со пороен дожд, грмежи и засилен ветер, информираат од УХМР.

МАКСИМАЛНА ТЕМПЕРАТУРА

23 Попова Шапка, 30 Крушево, 31 Маврови Анови, 32 Берово, 33 Претор, 34 Охрид, Крива Паланка, Битола, Прилеп, 35 Тетово, 36 Струмица, Виница, 37 Кавадарци, Демир Капија, Гевгелија, 38 Скопје Зајчев Рид, Скопје Петровец, Штип, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес претпладне беше сончево и многу топло со мала до умерена локална облачност. Попладнето, во западните и централните делови на Македонија, имаше развој на нестабилност проследена со пороен дожд, град, засилен ветер и грмежи. До крајот на денот наместа ќе има услови за пороен дожд, грмежи и засилен ветер. Во вечерните часови временските услови ќе се стабилизираат.

ВРЕМЕТО УТРЕ

Претпладне времето ќе биде сончево и топло, а попладне и во вечерните часови наместа ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со засилен до силен ветер и појава на град. Минималната температура ќе биде во интервал од 15 до 21, а максималната ќе достигне од 32 до 38 степени.

Во Скопје, сончево и топло со мала до умерена облачност, во вечерните часови во делови во котлината ќе има услови за пороен дожд и грмежи. Ќе дува слаб до умерен ветер од јужен правец. Минималната температура ќе се спушти до 20, а максималната ќе достигне до 38 степени.

ВРЕМЕТО ВО НАРЕДНИТЕ ДЕНОВИ

До крајот на работната седмица ќе се задржи сончево и топло време со појава на умерена облачност во текот на денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожарите на Жеден и на Китка го обвија Скопје во чад, воздухот во градот меѓу најзагадените во светот

Пожарите во околината на Скопје, го обвија главниот град во густ чад и непријатна миризба...

Скопје попладнево се искачи на самиот врв по загаденост во светот..

Афродита Рамос ја имаме во живо.. Афродита, во претходното издание на вестите се јави од скопско Залениково, каде што гори на Китка.. Сега си на Водно..

Како изгледа главниот град доцна попладнево?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.