Студија: Кафето може да го зголеми ризикот од рак на хранопроводот ако се пие жешко - Канал 5

Здравје

Студија: Кафето може да го зголеми ризикот од рак на хранопроводот ако се пие жешко

Кафето е еден од најчесто консумираните пијалоци во светот, но постојат различни информации за неговото влијание врз здравјето.

Студија: Кафето може да го зголеми ризикот од рак на хранопроводот ако се пие жешко

Некои студии сугерираат дека популарниот пијалок ги намалува шансите за добивање рак, додека други - вклучувајќи го и панелот за истражување на рак на Светската здравствена организација - го откриле спротивното. Сепак, вистината е нејасна поради тоа како биле спроведени постарите експерименти, велат научниците.

Она што се претпоставува е дека кафето може да го зголеми ризикот од рак, но само ако го пиете многу топло, што би значело дека топлиот чај може да има сличен ефект.

Затоа, експертите од Кембриџ ги споредиле гените на повеќе од 360.000 луѓе во Велика Британија и Финска и го проучувале ризикот од развој на 22 типа на рак во текот на 11 години. Тие се обиделе да ги објаснат факторите кои можеби ги искривуваат претходните истражувања за неговата штетност.

Она што забележале е дека луѓето кои признале дека пијат кафе, пиеле и повеќе алкохол, па се посомневале дека овој фактор можеби е клучот. Меѓутоа, анализата на генетиката на учесниците покажала дека оние гени кои се поврзани со тенденцијата за пиење кафе не се нужно поврзани со навиките како што се пушењето или пиењето.

д-р. Стив Берџес и тимот затоа велат дека гледањето на ДНК на волонтерите го олеснува одредувањето дали кафето предизвикува рак. Податоците покажале дека луѓето за кои генетски се смета дека имаат поголема веројатност да пијат кафе имаат речиси три пати поголеми шанси да развијат рак на хранопроводникот. Не била пронајдена таква врска за кој било друг вид на рак.

„Најверојатната причина за поврзаноста помеѓу пиењето кафе и ракот на хранопроводникот е тоа што истурањето топла течност низ грлото прави одредена штета“, вели др. Бурџис, водач на студијата. Оваа идеја е поддржана од претходната студија спроведена во 2019 година, која покажала дека пиењето чај на температура над 60 степени Целзиусови го зголемува ризикот од рак на хранопроводникот.

„Важно е да се земе предвид дека нашата студија не докажува причинско-последична врска помеѓу пиењето кафе и ризикот од рак на хранопроводникот, таа само обезбедува силни докази кои сугерираат дека постои некаква врска“, додаде д-р. Бурџис, пишува The Daily Mail.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авионска несреќа близу Сиетл, по падот авионот се запалил

Лекарите се борат за животот на лице кое се здоби со тешки повреди при падот на авион на компанијата „Кенмор ер“ (Kenmore Air) во близина на Сиетл.

Авионска несреќа близу Сиетл, по падот авионот се запалил

Според властите, сите 11 патници биле спасени од авионот, а четири лица биле повредени.

Авионот, кој бил на пат кон пристаништето Роч на островите Сан Хуан, се урна во морето во четврток вечерта во близина на островот Сиуша, по што авионот се запалил.

Според „Кенмор ер“ (Kenmore Air) и Крајбрежната стража, авионот полетал од Сиетл околу 17:15 часот и принудно слетал во заливот Шелоу Беј, по што се запалил.

На снимките и фотографиите од местото на несреќата се гледаат делови од авионот расфрлани по карпите и во водата, додека од остатоците се издига голем столб од црн чад.

Четири лица се повредени, од кои едно е во критична состојба. Две лица се пренесени во медицински установи во Белингем, додека две се пренесени на островот Оркас на медицинска проценка.

Канцеларијата на шерифот на округот Сан Хуан соопшти дека повредите вклучуваат „повреди на главата, скршеници и расекотини“. Островот Сиуша е мал остров северно од островот Оркас и се наоѓа на околу 6,5 километри јужно од поморската граница меѓу САД и Канада.

Иако превезуваат релативно мал број патници, хидроавионите се суштински дел од летните небеса над Сиетл; стотици од нив секојдневно полетуваат и слетуваат на езерата Јунион и Вашингтон, упатувајќи се кон островите во Салишкото Море или изведувајќи панорамски летови.

Во моментот на несреќата, низ областа минувале невремиња со грмотевици, при што ударите на ветерот достигнувале брзина од 12 до 20 милји на час, а видливоста изнесувала околу 10 милји, изјави Харисон Радемахер, метеоролог од Националната метеоролошка служба.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Импресивен концерт на Камерниот оркестар на НОБ и маестра Чадловска

За мене „Охридско лето“ е секогаш посебна свеченост. Овој фестивал го доживувам како свој, како да сум дома и секогаш ми е огромна чест кога доаѓам тука.

Импресивен концерт на Камерниот оркестар на НОБ и маестра Чадловска

По неколкуте успешни гостувања на одлични солисти и ансамбли со различна жанровска програма за кои публиката покажа голем интерес, синоќа репертоарот на класична музика на 66. „Охридско лето“ повторно беше исполнет со импресивен настап на Камерниот оркестар на Националната Опера и Балет под диригентската палка на Бисера Чадловска и сопранот Наде Талевска која беше солист на вечерта.

Професионализмот и големиот креативен потенцијал на уметниците ги одразуваше не само нивните индивидуални квалитети, туку и префинетоста во заедничкото музицирање што беше видливо уште при првата композиција од репертоарот, меланхоличната мелодија „Хризантеми“ од Џакомо Пучини.

Диригентката Бисера Чадловска, како и секогаш, и овојпат покажа голема уметничка зрелост, креативност и енергичност.

-За мене „Охридско лето“ е секогаш посебна свеченост. Овој фестивал го доживувам како свој, како да сум дома и секогаш ми е огромна чест кога доаѓам тука. Изведовме неколку композитори, Џакомо Пучини, Бенџамин Бритн, Џовани Батиста Перголези, но и македонски автори како Ристо Аврамовски, Драган Шуплевски и Дамир Имери. Програмата беше специјално креирана за фестивалот „Охридско лето“, рече маестра Чадловска, која од 2022 до 2024 година беше и музички селектор на „Охридско лето“, а во 2021 година ја диригираше програмата на свеченото отворање на 61. издание на фестивалот.

Маестра Чадловска редовно диригира со Симфонискиот и Оперскиот оркестар во Националната опера и балет, но, како што кажа, првпат со Камерниот оркестар на најголемата национална установа од областа на културата во земјава.

Камерниот оркестар на Националната опера и балет е формиран во 2010 година и е составен од истакнати музичари и солисти на Оркестарот на НОБ. Во своето постоење настапувал на бројни сцени надвор од Македонија, а во својот репертоар секогаш отстапува голем простор за македонските композитори.

Тагови: Охридско лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран ги нападна Бахреин и Кувајт

Бахреин и Кувајт утринава соопштија дека биле цел на ирански напади со ракети и беспилотни летала.

Иран ги нападна Бахреин и Кувајт

Сирените за воздушна опасност беа активирани во Бахреин само неколку часа откако американската војска соопшти дека ја завршила тринаесеттата ноќ на напади врз Иран, објави Ал Џезира.

Кувајтската војска соопшти дека во текот на ноќта ја активирала противвоздушната одбрана за да се спротивстави на иранските напади со ракети и беспилотни летала.

Кувајт е една од неколкуте земји од Заливот кои се цел на ирански напади откако пред две недели повторно избија судири меѓу САД и Иран.

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер