Здравје

Студија: Грижата за внучињата добро влијае врз менталното здравје

Истражувањата покажале дека постарите луѓе ќе се чувствуваат помалку осамени ако ги одведат своите внуци на игралиште или повремено ги земаат од училиште.

Имено, во едно истражување биле анализирани податоците на речиси 200.000 испитаници од 21 земја и било утврдено дека редовното чување внуци од децата позитивно влијае на менталната благосостојба.

За разлика од нив, оние кои сами се грижеле за болен брачен другар се чувствувале поосамено, пишува The Guardian.

„Гледаме јасни наоди дека грижата за внуците има позитивно, додека грижата за болен сопружник има негативен ефект врз осаменоста“, рече Самиа Ахтер-Кан од Кралскиот колеџ во Лондон.

Научниците прегледале 28 претходни студии во кои биле вклучени 191.652 испитаници од 21 земја на возраст над 50 години за да ја анализираат врската помеѓу чувството на осаменост и неплатената грижа.

Едно истражување покажало дека оние постари од 60 години кои ги чуваат своите внуци во просек 12 часа неделно имаат 60% помали шанси да се чувствуваат осамено од оние кои не го прават тоа.

Истражувањата покажале дека волонтерските активности имаат ефект и на пониско чувство на осаменост. Спротивно на тоа, грижата за болен сопружник или роднина е постојано поврзано со повисоки нивоа на осаменост и изолација. Авторите сугерираат дека грижата за партнерот може да предизвика чувство на изолација доколку нема поддршка од другите членови на семејството или организацијата.

Авторите на студијата нагласуваат дека постои „голем контраст помеѓу различната нега“ и дека во некои контексти тоа е скапа и оптоварувачка активност, додека во други е профитабилна и значајна.

„Ние имаме тенденција да ги гледаме постарите луѓе како приматели на грижа и трошоци за општеството во однос на пензиите и здравствените проблеми. Но, тие имаат важна улога во однос на грижата и волонтерството и претставуваат вистинска предност за нашето општество“, рече Ахтер- Кан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ана Стојаноска заврши на 16. место на детската Евровизија во Малта, победи Ерменија

Македонската претставничка ана Стојаноска заврши на 16. место на детската Евровизија, која се одржа синоќа во Малта.

Со песната „Идната јас“, младата пејачка од Струга освои вкупно 57 поени, од кои 51 од публиката, но доби само шест од стручното жири.

Победник на 24. издание на детската Евровизија е 13-годишната Наре од Ерменија, која со песната „Бу!“ освои 202 поени. Второто место го освои Шпанија, а трета беше Франција. За победникот одлучуваа гласовите на националните жирија и публиката, со еднаков удел од по 50 проценти во конечниот резултат.

Музиката за „Идната јас“ ја напиша Никола Мицевски, а текстот е на Илчо Нечовски од групата „Дупер“. Песната зборува за соништата, растењето и откривањето на сопствениот идентитет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Подводната пештера Врело во кањонот Матка стана најдлабоката подводна пештера во светот истражена од човек-нуркач

Подводната пештера Врело во кањонот Матка стана најдлабоката подводна пештера во светот истражена од човек-нуркач, откако полскиот истражувач Бартломеј Питала се спушти на длабочина од 338 метри, заедно со македонските нуркачи.

Пештерата Врело на Матка испиша светска историја.Полскиот нуркач Бартломиеј Питала достигна длабочина од 338 метри, поставувајќи нов светски рекорд. Успехот е резултат на заедничката експедиција на нуркачи од Македонија,Полска и Италија.

Девет часа под вода за историски подвиг. Полскиот нуркач рекордот го постигнал на 16 октомври, надминувајќи ја претходно истражената длабочина за 51 метар. По подвогот, тој кажа дека немал никакви проблеми со видот, ниту пак почувствувал вртоглавица. Вели дека се чувствувал удобно и на толку голема длабочина, а секоја секунда од деветчасовното нуркање му останала врежана во сеќавањето.

,,Експедицијата во Матка во 2026 година заврши со извонредно достигнување – истражување на пештерата до длабочина од 338 метри под вода, со што таа стана најдлабоката подводна пештера во светот истражена од човек. Искрено, сè уште не можам целосно да го сфатам тоа. Но, да, сега ова е најдлабоката истражена подводна пештера во светот, а ова беше и најдлабокото нуркање.

Сепак, рекордите и самата длабочина не беа нашата цел, нели? Нашата цел беше истражувањето. Сакавме да одиме подлабоко од границата до која стигнавме минатата година, кога експедицијата ја завршивме на 287 метри.“

Дополнително Матка продолжува да ги привлекува туристите од целиот свет. Странските посетители се воодушевени од природните убавини, а многумина изразуваат желба одблиску да ја запознаат и пештерата.

Експедицијата откри два нови подводни канала и над 150 метри нови ходници, а македонските нуркачи за првпат поставија и воздушна комора на длабочина од девет метри. Зад рекордот стоеја 12 безбедносни нуркачи, со поддршка од медицински тимови, МВР и полцииската единица „Тигар“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Избори во Србија: Незапаметени редици од рано наутро пред избирачките места, излезноста над 46% до 14 часот

Со огромна излезност и без посериозни инциденти и неправилности поминува изборниот ден во Србија, која гласа на предвремени парламентарни избори..

Главната битка се води меѓу владејачката СНС предводена од Александар Вучиќ и Студентската листа, додека останатите партии и коалиции се борат да го поминат изборниот праг од 3 проценти за да влезат во парламентот...

Во Белград е Михаило Донев.. Михаило, од рано утринава се гледа незапамтен интерес за гласање, кои се последните податоци за одѕивот?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.