Луѓето кои земале седум дена одмор од платформите како ТикТок, Инстаграм, Твитер и Фејсбук изјавиле дека се чувствуваат подобро, покажа студијата на Универзитетот во Бат.

Истражувачите го поделиле примерокот од 154 луѓе на возраст од 18 до 72 години во две групи - на едната ѝ бил даден пристап до социјалните мрежи, а на другата не. Испитаниците користеле социјални медиуми во просек осум часа неделно пред студијата.

Користејќи три признати тестови, истражувачите ги процениле нивните нивоа на анксиозност и депресија и доброто расположение. Од нив беше побарано да го рангираат својот договор со изјави како „Се чувствувам оптимист за иднината“.

За да се измери депресијата, на учесниците во истражувањето им биле поставувани прашања, вклучително и „колку често сте биле вознемирени во изминатите две недели поради мал интерес или задоволство во вршењето на работите“. Анксиозноста се следи со помош на скала за општо анксиозно растројство, која одредува колку често на лицето му пречи чувството на нервоза или е „на работ“ и не може да престане да се грижи.

За оние кои направиле еднонеделна пауза од социјалните мрежи, се покажало дека нивното добро расположение се искачило од просечните 46 на 55,93 на скалата за ментална благосостојба Ворвик-Единбург.

Нивоата на депресија во оваа група паднале од 7,46 на 4,84 на прашалникот за здравјето на пациентите, додека анксиозноста паднала од 6,92 на 5,94 на скалата. Главниот автор на истражувањето, др. Џеф Ламберт рече дека тие резултати укажуваат на умерено подобрување на депресијата и благосостојбата и скромно подобрување на анксиозноста.

„Многу од нашите испитаници пријавија позитивни ефекти од исклучувањето од социјалните мрежи преку подобро расположение и помалку анксиозност“, рече д-р Ламберт. „Тоа сугерира дека дури и мала пауза може да има влијание.“

„Се разбира, социјалните мрежи се дел од животот и за многу луѓе тие се незаменлив дел од тоа кои се и како комуницираат со другите“, додаде тој. „Но, ако поминувате часови „скролајќи“и чувствувате дека тоа негативно влијае на вас, можеби е важно да го намалите вашето време на мрежата за да видите дали тоа ќе помогне“.

„Скролањето“ низ содржината е најчестата активност што ја вршат корисниците на социјалните мрежи.

Резултатите од истражувањето ги поддржуваат претходните истражувања во САД и Велика Британија кои ја поврзуваат редовната употреба на социјалните медиуми со повисока стапка на депресија и анксиозност. Но, не е утврдено дали употребата на социјалните медиуми води до проблеми со менталното здравје, се вели во извештајот, или дали постоечките чувства на инфериорност ги принудуваат луѓето да бараат потврда за сопствената вредност на интернет.

Научниците се надеваат дека во иднина ќе го проучат влијанието на празниците на социјалните мрежи врз одредени сегменти од населението, како што се помладите луѓе и оние со физички и ментални здравствени проблеми.

Истражувањето е објавено во списанието Cyberpsychology, Behavior and Social Networking.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.