Студентски протести во Србија во повеќе од 30 градови, се бара распишување предвремени избори - Канал 5

Балкан

Студентски протести во Србија во повеќе од 30 градови, се бара распишување предвремени избори

Студенти и граѓани денеска во Белград и во уште 30-на градови во Србија одржуваат протести на кои бараат одржување предвремени избори за Парламентот, јави дописникот на МИА.

Студентски протести во Србија во повеќе од 30 градови, се бара распишување предвремени избори

Во Беград блокиран е Бранков мост од 18 часот , па се до 21:16 часот како и мостот Газела. Под слоганот „Стани Србијо“ (Востани Сербије), тие повикаа на колективна акција низ целата држава, седум месеци по падот на бетонската настрешница на железничката станица во Нови Сад, кога загинаа 16 лица, а едно лице е тешко повредено.

На протестите студентите во блокада скандираат - „Сакаме правда, сакаме вистина, сакаме избори“, „Сакаме избори“, „Пумпај“ и „Исполнете ги барањата“, „Шарена револуција, шарена лага“, „Нема еволуција без револуција“. Носат и знамиња на факултетите.

Студентите во блокада имаат и на овие протести поддршка од граѓани.

Според претходните најави на студентите на социјалните мрежи, протестите ќе се одржат денеска во 32 градови во Србија.

Протестот под слоганот „Сакаме избори“ прво беше најавен само во Пожаревац, но студентските и граѓанските организации на други места одлучија да организираат собири или да ги одложат своите протести за денеска и на тој начин да се приклучат на колективната акција низ целата земја.

Студентите во блокада во Србија најавија протести за денеска низ државата каде еден од слоганите е „Децентрализацијата се вчитува“. Нивната цел е да покажат дека цела Србија е обединета во политичката борба и дека гласот на помалите градови е слушнат.

На почетокот на мај, студентите побараа одржување вонредни парламентарни избори, поради „длабоко вкоренета корупција“ додека институциите не се во можност слободно да работат на нивните барања.

Претседателот на Србија, Александар Вучиќ, на 16 мај изјави дека изборите ќе се одржат во следната година и пол и дека ќе бидат објавени кога надлежните институции ќе донесат одлука за тоа.

Утврдувањето на кривичната и политичката одговорност за загинувањето на луѓето при падот на настрешницата на железничката станица во Нови Сад е во фокусот на барањата на студентите.

Тагови: избори протест Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Заврши ли времето на Нетанјаху- Ајзенкот е новиот мандатар за состав на владата на Израел

Израелскиот претседател Исак Херцог ја започна прес-конференцијата со изјава дека одржал консултации со претставници на сите партии, по израелските избори кои резултираа со политичка блокада.

Заврши ли времето на Нетанјаху- Ајзенкот е новиот мандатар за состав на владата на Израел

Тој ги опиша разговорите како „тешки и длабоки“, објави Скај Њуз.

„Стана јасно дека сите граѓани на Израел, без оглед на нивните ставови, начини на живот или верувања, имаат еднаков глас, независно од тоа од која страна или партија доаѓаат“, вели тој.

„Основното прашање е: кој има најголеми шанси да формира влада?

„Затоа, во својство на претседател, одлучив мандатот за формирање влада да му го доделам на претседателот на партијата ‚Јашар‘, Гади Ајзенкот.“

За контекст: Како што веќе известувавме, Бенјамин Нетанјаху се бори да остане на функцијата, откако неговата верско-националистичка коалиција го загуби мнозинството на изборите одржани на 27 октомври.

Опозицискиот кандидат Ајзенкот, поранешен началник на Генералштабот, настапи како главен ривал, предводејќи блок од партии кои имаат за цел да го сменат израелскиот премиер со најдолг стаж на власт.

Тагови: Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црна Гора затвори 23 од 33 поглавја, договорот за пристап во ЕУ се очекува во јуни

Со затворањето на поглавјата 1 – Слобода на движење на стоки и 12 – Безбедност на храна, ветеринарна и фитосанитарна политика, Црна Гора стигна до 23 привремено затворени од вкупно 33 поглавја од преговорите.

Црна Гора затвори 23 од 33 поглавја, договорот за пристап во ЕУ се очекува во јуни

Со затворањето на поглавјата 1 – Слобода на движење на стоки и 12 – Безбедност на храна, ветеринарна и фитосанитарна политика, Црна Гора стигна до 23 привремено затворени од вкупно 33 поглавја од преговорите, така што остануваат уште десет до крајот на преговорите.

Владата и европските институции најавија дека целта е сите преостанати поглавја да бидат затворени до крајот на годината, додека премиерот Милојко Спајиќ очекува во јуни следната година да го потпише Договорот за пристапување кон Европската Унија.

Две нови поглавја беа затворени на 30. Меѓувладина конференција меѓу Црна Гора и Европската Унија во Брисел, каде што црногорската делегација ја предводеше Спајиќ.

Тој по средбата рече дека затворањето на поглавјата 1 и 12 претставува продолжување на резултатите на европскиот пат.

„Додека годината се ближи кон крајот, ние даваме резултати. Секоја реформа бара голема посветеност, резултатите се тука. Нашиот фокус останува непроменет – владеење на правото, силни институции, подобар животен стандард“, рече Спајиќ.

Тагови: ЕУ Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма над Црното Море: Откриени се дронови кај Змискиот остров, подигнати се шпански ловци и хеликоптери

Две воздушни цели беа откриени денеска на неколку десетици километри од Змискиот остров, во украинскиот воздушен простор, по што авиони и хеликоптери на шпанските вооружени сили беа распоредени од романската воена база „Михаил Когалничеану“.

Драма над Црното Море: Откриени се дронови кај Змискиот остров, подигнати се шпански ловци и хеликоптери

Две воздушни цели беа откриени денеска на неколку десетици километри од Змискиот остров во Црното Море, во украинскиот воздушен простор, по што авиони и хеликоптери на шпанските вооружени сили беа распоредени од романската воена база „Михаил Когалничеану“ за да ја следат ситуацијата, објави романското Министерство за одбрана (MApN).

Жителите на источниот дел од романскиот округ Тулча, исто така, добија предупредување преку системот RO-Alert, објавува Digi 24.

Романското Министерство за одбрана изјави дека нивниот радарски систем за надзор на воздушниот простор прво открил воздушна цел на околу 30 километри источно од островот Змија, во украинскиот воздушен простор.

Два авиони F-18 на шпанските воздухопловни сили, вклучени во мисија за воздушен надзор, полетаа од воздухопловната база „Михаил Когалничеану“.

Националниот воен команден центар го информираше Генералниот инспекторат за вонредни ситуации, по што до жителите на источниот дел на Тулча во 14:02 часот беше испратена порака RO-Alert.

Романското Министерство за одбрана подоцна објави дека целта исчезнала од радарот источно од Сулина.

Потоа радарскиот систем детектирал нова воздушна цел на околу 55 километри западно од островот Снејк, по што два хеликоптери NH-90 на шпанските вооружени сили полетале од истата база.

Воздушната тревога завршила во 15:26 часот, а RO-тревогата била испратена само до жителите на источниот дел од округот Тулча.

Според Инспекторатот за вонредни ситуации на Тулча, немало повици до службата за итни случаи 112.

Тагови: хеликоптери Црното Море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер