Балкан

Студентката повредена на протестот во Белград во стабилна состојба, деканите го осудија нападот

Стабилна е состојбата на студентката која вчера беше повредена кога патничко возило ја прегази на протест во Белград, велат лекарите.

На возачот, кој се товари за кривично дело тешко убиство во обид, му е одредено задржување до 30 дена.

Управите на сите факултети на Универзитетот во Белград заеднички најостро го осудија „бруталниот“ напад врз студентката.

Во соопштението се истакнува дека овој бесмислен чин на насилство претставува директен напад не само врз еден млад човек, туку и врз целата академска заедница и врз демократските вредности кои факултетите ги негуваат и ги бранат.

-Остануваме обединети во одбраната на правото на нашите студенти на безбеден и достоинствен протест, порачаа деканите на 31 факултет на Универзитетот во Белград.

Министерот за внатрешни работи Ивица Дачиќ соопшти дека возачот на автомобилот и претходно бил регистриран како сторител на различни кривични дела и бил осудуван седум пати.

Инцидентот се случи вчера околу пладне во близина на улицата Рузвелтова во Белград, каде студенти кои ги блокираа околните факултети учествувајќи во акцијата „Застани Србија“, со која им се оддава почит на загинатите во несреќата во Нови Сад. На објавените снимки се гледа како девојка стои на тротоарот пред семафор на раскрсницата, кога автомобил влета на тротоарот и ја удри. Возачот не застанал, туку продолжил да вози носејќи ја девојката на покривот и по неколку секунди таа паднала од покривот на автомобилот на улица. Возачот на автомобилот не останал на местото на инцидентот, туку побегнал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се избегнува „Табановце“, се повеќе се користи граничниоот премин Пелинце - Прохор Пчински

Воведувањето на системот „Сејф сити“ и наплатата на сообраќајните казни за странски возила предизвикува промени во изборот на граничните премини кон Србија.

На видеата објавени на социјалните мрежи се гледаат колони возила на вториот граничен премин Пелинце – Прохор Пчински, кој има само една лента и е далеку од коридорот 10, во обид да ги избегнат гужвите на Табановце и евентуалните казни што ги чекаат.

Но, според информациите од МВР, наскоро на сите гранични премини ќе се издаваат платните налози. За 6 месеци од стартот на Сејф сити, пола од вкупно направените прекршоци, или околу 180.000 ги сториле странски возачи, а само на 19 и 20 август над 5.500, во најголем дел за пречекорување на дозволената брзина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утринава се пукало во Арачиново – ранети се двајца во „Шкода“

Се пукало во Арачиново утринава, повредени се двајца во „Шкода“.

МВР соопшти дека во 5:45 минути во СВР Скопје било пријавено дека на ул„18“ во селото се слушале истрели од огнено оружје. Полициски службеници од полициското одделение Арачиново и единицата за интервентна полиција при СВР Скопје излегле на местото и констатирале дека од огнено оружје било пукано во патничко возило „Шкода“ со скопски регистарски ознаки во кое биле 34 годишниот И.И. и 42-годишниот Ш.И. Притоа, тие се здобиле со повреди и биле пренесени во јавна здравствена установа „Св.Наум Охридски“ за укажување на лекарска помош. се преземаат мерки за расчистување на настанот. – сооошти МВР.

Тагови: Арачиново

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

И Бугарија ја одбележа 123 годишнината од илинденското востание – Јотова: Историјата е заедничка

Бугарија нема да се откаже од Бугарите во Македонија и ќе продолжи да ги штити нивните права, порача бугарската претседателка Илијана Јотова.

Таа учествуваше на одбележувањето на 123-годишнината од илинденското востание, кое Бугарија го нарекува илинденско-преображенско. Јотова оцени дека историјата е заедничка и не треба да биде повод за поделби.

-Колку многу омраза и поделби денес во Македонија се зборува за Бугарите. А, историјата ни е заедничка, што има да делиме. И денес, провокации, понижување. Тоа е наша работа, на политичарите, но тоа е работа и на сите граѓани да се спротивстават на таа омраза и поделбите. Ние вас нема да ве предадеме, нема да се откажеме од вас и ќе ги чуваме вашите права. – изјави Јотова.

Тагови: Јотова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.