Балкан

Студентите во блокада со ултиматум до српската Влада: Бараат исполнување на две барања до сабота навечер

Студентите во блокада на високообразовните институции во Белград испратија доцна синоќа отворено писмо до Владата на Србија во кое бараат исполнување на две барања до 28 јуни 2025 година во 21 часот.

Првото барање е „во согласност со член 109 од Уставот на Република Србија, Владата да испрати образложен предлог до претседателот на Република Србија за распуштање на Народното собрание, со цел распишување вонредни парламентарни избори до 21:00 часот на 28 јуни 2025 година“.

Второто барање е „Владата да апелира до Министерството за внатрешни работи да го запре наводно пријавениот собир во Пионирски парк во Белград до 21:00 часот на 28 јуни 2025 година, во согласност со член 18 од Законот за јавни собири, што се однесува на член 8 од истиот закон“, се нагласува во објавата на студентите на Инстаграм.

„Сегашната влада доби мандат од српскиот Парламент, што не ја одразува моменталната политичка состојба во земјата. Режимот покажа дека повеќе нема капацитет да ја води земјата низ најголемата социо-политичка криза во изминатите неколку децении“, наведуваат студентите во отворено писмо.

„В сабота, на 28 јуни, ќе се одржи собир во Белград, каде што очекуваме присуство на голем број незадоволни граѓани, а не можеме да ги предвидиме следните чекори на граѓаните по официјалното завршување на собирот.“

Студентите го објавија на Инстаграм целото писмо што синоќа го испратија до Владата на Србија.

„Се гледаме на Видовден. Ултиматум. Готово е кога ние ќе кажеме дека е готово“, се вели на крајот од објавата со порака дека повеќе информации ќе бидат објавени на сите официјални страници на студентите во блокада.

Претседателот на Србија, Александар Вучиќ, изјави дека надлежните органи се решени да спречат каков било облик на насилство на протестот најавен за Видовден (28 јуни), наведувајќи дека не сакаат интервенција, но дека ја сметаат за извесна поради пораките изнесени на студентските пленуми.

„Апсолутно сме решени, не сакаме, не се радуваме на интервенција, а знаеме дека ќе мора да има таква бидејќи на секој нивни пленум се дискутира за брутално насилство“, рече Вучиќ.

Тагови: протест

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен.

ВРЕМЕН РЕЖИМ НА СООБРАЌАЈ: На ден 23.06.2026 г. сообраќајот на патниот правец Прилеп- Битола близу железничката пруга Лознани е спроведен времен режим на сообраќај, сообраќајот ќе се одвива со пренасочување од магистралниот кон регионалниот пат заради изведување на градежни работи на терен.

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Нестабилно време со дожд, грмежи и засилен ветер

Под влијание на циклонска активност од југоисток денес ќе имаме нестабилно време со дожд, грмежи и засилен ветер.

Локално процесите ќе бидат поинтензивни со пообилен пороен дожд, грмежи, силен ветер и појава на град. Минималната температура ќе биде во интервал од 14 до 20, а максималната ќе достигне од 27 до 35 степени.

Во Скопје времето ќе биде нестабилно со дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 17, а максималната ќе достигне до 32 степени.

Денес ќе се задржи нестабилно време со дожд, грмежи и засилен ветер. Поради големата енергија во атмосферата локално процесите ќе бидат поинтензивни со пообилен пороен дожд, силен ветер и појава на град. Во четврток и петок ќе има изолирана појава на нестабилност, а за време на викендот и почетокот на следната седмица времето ќе биде претежно сончево и топло.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Моника Зајкова и Бране Петрушевски во „Само вистина“

Вечерва во „Само вистина“ гости ќе бидат Моника Зајкова и Бране Петрушевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.