Култура

Студенти од Куманово снимија долгометражен филм „Приказ" во вонредни услови

Група студенти од Куманово снимија долгометражен филм – психолошки трилер насловен „Приказ", подготвен во вонредни услови поради пандемијата со Ковид-19.

Режисери се Николај Павловски и Марко Јовановски, а во екипата се 20 актери-аматери од различни етникуми и уште толку лица во продукција. Филмот е снимен на повеќе локации во Куманово, но и во Крива Паланка, Охрид и Струга.

– Беше исклучително голем предизвик да се сними филм во време на пандемија. Не само мерките, туку и стравот беше голем дека може да се заразиме и потоа да бидеме опасност за себе и за другите. Меѓутоа, се трудевме да испочитуваме сè колку што е можно повеќе. Носевме маски, држевме дистанца, миевме раце. Снимавме блиски кадри двајца по двајца, еден ден, па друг ден, а широките ги снимавме кога не важеа мерките за групно собирање. Интересно искуство е сепак, вели Николај Павловски, еден од режисерите.

Младиот актер Стефан Павличек, кој толкува споредна улога, рече дека филмот може да се класифицира како трилер, мистерија, драма на кумановски начин. Главниот лик ја истражува својата субјективна реалност, а филмот е исполнет со филозофија од Фридрих Ниче. Тоа било предизвик за младата екипа, мотивирани аматерски уметници да подготват филм.

Мислењето го дели и Јелена Стошевска која игра споредна улога. Таа вели дека екипата која го подготви филмот се млади талентирани луѓе, поточно студенти кои имаат голема почит кон уметноста и се залагаат да се забележи и развие уметноста во државата.

– Пораката е дека секој човек има свои тајни и гори внатре во себе тивко, но тој пламен може да стане поголем – да изгори и други луѓе, но и себеси. А пораката од екипата е дека сите можат, особено младите луѓе, кога сакаат нешто да постигнат – постигнуваат. Исто така, дека треба сите повеќе културно и уметнички да се ангажираат да творат и создаваат, порачува Николај.

Во зависност од условите, филмот е предвидено да биде прикажан во Центарот за култура „Трајко Прокопиев", а според најавите на студентите, во план е да конкурираат на британски фестивал за аматерски филмови.

За изработката на филмот, студентите добија поддршка од градоначалникот и општина Куманово.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: ВМРО-ДПМНЕ врати долг од 2,31 милијарди евра за две години, наспроти 806 милиони евра во времето на СДС и ДУИ

Фактите се мерат со бројки. Вратен долг (отплатена главнина) во првите 24 месеци од мандатот:

СДС–ДУИ: 49,6 милијарди денари - 806 милони евра вратена главнина на долг.

ВМРО-ДПМНЕ: 142,2 милијарди денари - 2,31 милијарди евра вратена главнина на долг.

Тоа се 2,87 пати или 187% повеќе средства насочени кон сервисирање на доспеаната главнина.

Важно е да се напомене дека средствата што ги исплаќа оваа влада се без исклучок земени во мандатот на претходната влада.

Одговорното управување со јавните финансии значи обврските да се сервисираат навреме, а истовремено да се обезбедат средства за функционирање на државата, инвестиции и развој.

2,31 милијарди евра вратена главнина за две години.

Бројките најдобро ја покажуваат тежината на обврските што државата ги сервисира.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лутиот Рио Фердинанд остро ги нападна фудбалерите на Јунајтед по дебаклот против Комо

Кога легендарниот Рио Фердинанд командуваше со одбраната на Манчестер Јунајтед, противничките напаѓачи тешко наоѓаа пат до голот на „Црвените ѓаволи“ од Олд Трафорд.

Сепак, времињата кога славниот англиски клуб влеваше страв кај своите ривали се одамна минато, а најновиот пораз дополнително го продлабочи незадоволството.

Вчера екипата на Комо – која до неодамна настапуваше во четвртиот ранг на италијанскиот фудбал – му одржа лекција на големиот Манчестер Јунајтед предводен од Мајкл Керик.

Ваквото издание го разбесни легендарниот Фердинанд, кој е познат по своите директни и остри коментари, па тој не го поштеди ниту сегашниот состав на Јунајтед.

„Поради појавувањето на Сеск Фабрегас на теренот, изгледавме како тим што добил на лотарија за да учествува во Лигата на шампионите. Во одредени моменти изгледаше како Комо да има 12 играчи на теренот. Бевме целосно безопасни во нападот. Во тимот немаше никаква енергија за трчање. Не бевме способни да извршиме притисок врз Комо. Без никаков план кога ја имавме топката во посед“, напиша Фердинанд на Твитер.

Сепак, легендарниот дефанзивец не сакаше да ги омаловажи заслугите на италијанскиот тим и неговиот тренер, Сеск Фабрегас, кого го пофали за начинот на кој го изградил тимот и ги спровел своите фудбалски идеи.

– Големи заслуги му припаѓаат на Сеск за начинот на кој го изгради овој тим, а исто така се гледа и како ги вградил своите идеи во екипата. Секој си ја знае својата задача и сите се максимално фокусирани, како со топката, така и без неа. Тие им додаваат топки на соиграчите дури и кога се под притисок – тоа е одличен пример за меѓусебна доверба.

Фердинанд не застана тука, туку продолжи со критики за состојбата во неговиот поранешен клуб. Тој е особено загрижен поради недостатокот на самодоверба, а како дополнителен проблем ги наведе и бројните повреди.

– Но, тоа не ни е никакво оправдување. Вечерва бевме слаби и во моментов изгледаме како тим што нема апсолутно никаква самодоверба – потребно е многу работа за да се промени ова... А да не зборувам воопшто за повредите! Разликата во буџетите дефинитивно не се одрази на разликата меѓу двата тима на теренот. Инаку, Нико Паз е одличен фудбалер.

Неговите зборови уште еднаш го покажаа степенот на незадоволство од ситуацијата во Манчестер Јунајтед, додека Комо продолжува да го привлекува вниманието на европската фудбалска јавност со своите настапи под водство на Фабрегас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Владата се фали со економски успеси, а народот едвај преживува!

70.358 денари за основни трошоци, над 85.000 денари за семејствата под кирија! А Владата без срам ни продава приказни за раст на платите и подобар животен стандард!

Кого лажете?! Родителите кратат од сопствените потреби за да ги прехранат децата, работниците живеат од плата до плата, а младите сè почесто ја бараат својата иднина надвор од Македонија!

Дури 10.200 денари разлика меѓу владината и синдикалната кошничка! За вас игра со бројки, за граѓаните храна на масата и неплатени сметки!

Ги одбивате конкретните предлози на ЛДП, а со ребалансот повторно нудите празни ветувања наместо вистинска помош.

Доста со економската пропаганда! Граѓаните не јадат проценти, не плаќаат сметки со прес-конференции и не живеат од вашите самопофалби!

Ако економијата ви цвета, зошто народот ви осиромашува?! Време е да престанете да се фалите и да почнете да одговарате!

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.