Стрип-уметноста во подем, промовирани десет изданија - Канал 5

Култура

Стрип-уметноста во подем, промовирани десет изданија

Ајвармен - првиот автентичен македонски суперхерој, јунакот Војдан и македонски револуционери, се меѓу стрип-ликовите создадени од претежно млади автори кои со креативност и ентузијазам за само неколу години ја афирмираа деветтата уметност во Македонија.

Стрип-уметноста во подем, промовирани десет изданија
Издавачката куќа „Стрип квадрат“ од Скопје денеска промовираше 10 стрип-изданија кои со поддршка на Министерството за култура ги има објавено во една и пол година, колку што постои. Пет се стрип-сликовници од едицијата „Револуционери“ (Храброста на Гоце, Пиринскиот цар, Првиот претседател, Јунакот од Мечкин Камен и Учителот од Смилево), стрип-изданијата Ајвармен, Војдан, Бесмртната вода, Чуварот на вечната светлина и стрип-антологијата Различни светови, кои ги претставија стрип-авторите Игор Јовчевски, Никола Темков, Давор Драмиќанин и Диме Иванов-Димано.

Министерката за култура Елизабета Канческа-Милевска на промоцијата истакна дека стрип уметноста во последните децении била занемарена и стрипови се појавувале инцидентно, а само во последните две години десеткратно се зголемил бројот на стрип-проекти што аплицирале и добиле поддршка преку годишните програми на Министерството.

- Стрипот во Македонија успеа да се избори за своето заслужено место и да го пронајде вистинскиот пат до својата публика како уметност на текстуално-ликовниот израз. Денеска стрипот ги достигнува највисоките граници на медиумската креативност и навистина радува податокот што во експанзијата на македонска стрип-сцена во последните години особено доминираат младите автори кои со својата инспирација и креативниот дух секојдневно ни ја откриваат возбудата на своите нови авантуристички светови. Нивниот ангажман резултираше со создавање на првите автентични македонски стрип-херои како главни јунаци на стриповите кои денеска ги промовираме, рече Канческа-Милевска, очекувајќи со нив стрип културата да се доближи до младите.

Промоторот Душко Кралевски е задоволен што некогашните „цртани романчиња“ сега се третираат како што заслужуваат. - Сум ја следел оваа дејност и во неа сум наоѓал вредности. За разлика од некои кои ја сметаа за супкултура, за нешто помалку важно и помалку вредно. Со текот на времето почнуваат да се афирмираат автори и стрипот да го зазема своето место во културата, рече Кралевски.

Подлога на едицијата „Револуционери“ е македонската историја од илинденскиот период, епска фантастика има во „Војдан“, кој е поврзан со битката на Беласица, елементи од македонскиот фолклор содржат „Бесмртната вода“ и „Чуварите на вечната светлина“, комична приказна за костимираниот стрип јунак Ајвармен.

Ајвармен е Дарко кој се преобразува во суперхерој кога ќе изеде специјални пиперки. Негов противник е Томатон. Стрип-сценаристот Драмиќинан рече дека во стрипот се вклучени седум автори. Со Игор Јовчевски ликот го создале пред 7-8 години, по примерот на американските суперхерои, но овој е автенетичен, македонски. Во кратки епизоди Ајвармен веќе бил претствен на стрип-фестивали и добил награди, како и позитивни критики на форумите. Тоа им укажало, рече Драмиќанин, дека Ајвармен има потенцијал и е дојдено времето за стрип-албум, а авантурите на Ајвармен ќе продолжат.

Диме Иванов-Димано, авторот на Војдан, рече дека го инспирирала историјата која Македонија ја има во изобилство. - Светот прави надувани јунаци, лажни кралеви, а ние имаме 40 илјади години историја, рече Димано.

Игор Јовчевски од „Стрип-квадрат“ истакна дека се случува ренесанса во стрип-уметноста во Македонија, но дека успеале благодарение на институционалната поддршка.

- Сфативме дека како поединци и со самофинансирање не се може, па решивме да отвориме издавчка куќа за полесно да го пробиваме патот. Почнавме со „Храброста на Гоце“ во 2013, аплициравме кај Министерството за култура за откуп и бевме изненадени од целосната поддршка, без која тешко дека ова ќе беше, рече Јовчевски.

„Стрип-квадрат“ планира да објави едиција за антички кралеви која, како и „Револуционери“, веројатно ќе има пет наслови. Стратегијата во иднина, рече Јовчевски, ќе има две насоки: да промовираат млади автори, кои немаат каде да го покажат својот цртачки талент, и да објавуваат стрип-антологии, каде што ќе ги претставуваат, како што рече, македонските антологиски стрип-автори, како Диме Иванов-Димано, Љупчо Филипов итн. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриено зошто портпаролката на Трамп беше отпуштена по само пет дена

Закарија беше отпуштена од функцијата портпаролка на Белата куќа по само пет дена на работа.

Откриено зошто портпаролката на Трамп беше отпуштена по само пет дена

Кејти Закарија беше отпуштена од функцијата портпаролка на Белата куќа по само пет дена на работа, по критиките за нејзиното прво интервју со новинарите и прашањата за нејзиното прикажување како адвокат, иако не го положила правосудниот испит, објавува „CBS News“.

Службеник изјави за „CBS“ дека Закарија била невообичаено изолирана во текот на неделата и не ги извршувала своите должности како портпаролка на очекуваниот начин.

„Никој не мислеше дека ќе остане доволно долго за да биде вклучена во вистинското донесување одлуки“, рече помошник на Белата куќа.

Закарија, која беше избрана од американскиот претседател Доналд Трамп да ја замени Каролин Левит, се најде под оган по нејзиниот прв и единствен брифинг во Белата куќа во вторник, за време на кој таа читаше подготвени изјави околу десет минути, а потоа одговараше на прашања од новинари од три медиуми.

Прашањата за нејзините професионални квалификации привлекоа дополнително внимание.

Закарија дипломирала на Правниот факултет на Универзитетот Пепердин, но не го положила правосудниот испит во Калифорнија во 2011 година, тврдење што го изнела.

Таа ги негираше тврдењата дека се претставила како адвокат, велејќи дека никогаш не тврдела дека има лиценца за практикување адвокатура.

Според извори запознаени со дискусиите, се очекува Закарија наскоро да заземе друга позиција во администрацијата на американскиот претседател Доналд Трамп.

Во петокот, Трамп за нејзината позиција рече дека ја советувал да размисли дали сака да продолжи како прес-секретар во Белата куќа.

„Тие беа толку груби кон неа“, рече Трамп, осврнувајќи се на медиумите, додавајќи дека ѝ рекол да ја преиспита својата одлука, со оглед на нејзиното семејство и притисокот под кој се наоѓаше.

Пократок мандат од Скарамучи

Закарија му се заблагодари на Трамп и ја изрази својата поддршка за американскиот претседател во објава на социјалните мрежи.

„Беше чест да работам за него“, напиша таа.

Белата куќа сè уште не објавила кој ќе ја наследи како прес-секретар во Белата куќа.

Нејзиното заминување потсетуваше на краткиот мандат на Ентони Скарамучи, кој помина само 11 дена како директор за комуникации во Белата куќа за време на првиот мандат на Трамп, потсетува американскиот телевизиски канал.

„Рекордите се тука за да се соборат, но јас не уживам во страдањето на другите“, напиша Скарамучи на социјалната мрежа „X“.

Извор: Б92

Тагови: Доналд Трамп Кејти Закарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Microsoft“ ги изненади сите со својот најмал „Xbox“ контролер

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери ​​со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Паника во Русија: Шпионски авион кружел со часови во близина на границата

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер