Страв од егзекуции во Иран, Трамп му се заканува на Техеран - Канал 5

Страв од егзекуции во Иран, Трамп му се заканува на Техеран

26 годишниот Ерфан Солтани би можел да стане првиот демонстрант официјално егзекутиран поради учество во актуелните протести во Иран. 

Страв од егзекуции во Иран, Трамп му се заканува на Техеран

Иранските власти најавуваат забрзани судски постапки и смртни пресуди за уапсените демонстранти чиј број според надворешните набљудувачи се проценува на над 18 илјади. Се уште е нејасно дали судењата би биле јавни, но шефот на иранското судство Голамхосеин Мохсени посочи дека целта е да се има итен ефект врз населението за да се спречат дополнителни демонстрации во земјата.

-Ако некој изгорел, обезглавил и запалил друго лице, тогаш мораме многу брзо да ја завршиме нашата задача. Ако нашата работа се одложи, тогаш е можно истите мерки што ги преземаме денес да немаат ист ефект два месеци подоцна. Ако преземеме нешто денес, ефектот ќе биде различен отколку за два месеци,- - Голамхосеин Мохсени Еџеи- Шеф на иранското судство.

Пораката на Мохсени доаѓа откако претходно официјален Техеран ги предупреди земјите од регионот дека во случај на американски напад врз Иран, како акт на одмазда ќе ги нападне американските воени бази на нивните територии. Американскиот претседател Трамп пак, кој изминатиот период отворено калкулира со воена интервенција, најави дека евентуални егзекуции на демонстранти со сигурност ќе наидат на одговор од Соединетите Држави. Иако не прецизираше каква форма би имал потенцијалниот американски одговор, сепак тој јавно ги охрабри демонстраните да истраат во протестите и испрати порака дека „помошта е на пат“.

-Не сум слушнал за бесење, ако го обесат, ќе видите работи кои, не знам од каде доаѓате и какви мисловни процеси имате, но ќе бидете среќни. / Што мислите со тоа? Ќе преземеме многу силна акција ако направат такво нешто. Ќе преземеме многу силна акција./ Едно е да имате протести, но кога ќе почнат да убиваат илјадници луѓе, а сега ми велите дека ќе има бесења, ќе видиме како ќе излезе тоа за нив. Но, нема да биде добро, - Доналд Трамп – Претседател на САД.

Официјални бројки на загинати во неколку три неделните демонстрации нема, но тие според американската организација за човекови права надминува две и пол илјади, иако има и информации за над 10 илјади жртви. Од земјата која речиси цела недела е без интернет и со ограничени телекомуникации, постепено излегуваат видеа од преполни мртовечници. Протестите кои почнаа кон крајот на декември поради економската криза важат за еден од најголемите предизвици на актуелниот режим откако дојде на власт за време на исламската револуција во 1979 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поранешна амбасадорка на Белгија во Србија откри што направила ЕУа во ноќта на поразот на Вучиќ

Поранешниот српски претседател Александар Вучиќ ги повлече војската и полицијата од Пионирскиот парк во Белград во изборната ноќ, по притисокот од Европската унија, која се обиде да спречи судири што би можеле да прераснат во граѓанска војна.

Поранешна амбасадорка на Белгија во Србија откри што направила ЕУа во ноќта на поразот на Вучиќ

Ова го изјави Дениз де Хаувере, поранешната белгиска амбасадорка во Србија, во интервју за телевизијата „Инсајдер“.

Според неа, Европската унија активно ги следела настаните во Србија пред парламентарните избори на 25 октомври, на кои „Студентската листа“ ја победи СНС на Вучиќ и стави крај на неговото долгогодишно владеење.

„Сигурно сте слушнале дека токму благодарение на Европската унија, Вучиќ ги повлече војниците и полицијата од Пионирски парк. Унијата изврши притисок врз него да не започнува нешто што би можело да заврши со граѓанска војна. Тоа значи дека ЕУ многу внимателно следи што се случува“, изјави Де Хаувере.

Во изборната ноќ, владата на Вучиќ распоредила голем број припадници на безбедносните сили околу зградата на Претседателството и Републичката изборна комисија во Белград. Ваквото распоредување на војската и полицијата го зголемило стравот од можни судири по објавувањето на изборните резултати. Де Хаувере смета дека Европската унија не само што ги набљудувала настаните, туку презела и чекори за да спречи насилство.

Поранешната амбасадорка изјави дека Европската унија е подготвена да им помогне на новите власти во Србија во спроведувањето на реформите и во зачувувањето на политичката стабилност. „Сега не е време за одмазда или за расчистување сметки со политичките противници, туку за работа на реформирање на институциите. Европската унија е тука и е подготвена да помогне“, рече Де Хаувере.

Таа ја истакнала важноста од одржување на функционирањето на економијата и обезбедување стабилна политичка ситуација за време на транзицијата на власта.

Де Хаувере, која служеше како белгиски амбасадор во Белград од 2006 до 2011 година, го обвини Вучиќ дека во Брисел зборувал поинаку за Европската унија отколку што со години им зборувал на граѓаните на Србија.

Според неа, на средбите со европските претставници тој се претставувал како политичар посветен на европските интеграции, додека во Србија тврдел дека Брисел поставува неправедни барања.

„Се разбира, тоа беше лага. Но, тоа функционираше некое време – сè додека критиките не станаа навистина пресилни“, изјави поранешната амбасадорка. Таа оцени дека ваквата политика придонела за назадување на демократијата во Србија и дека, со текот на времето, ЕУ престанала да прави отстапки пред Вучиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Дончиќ ја зема таблата од рацете на тренерот и ја нацрта акцијата за кош

Нов фанастичен меч на еден од најдобрите светски кошакари Лука Дончиќ во НБА. 

Видео: Дончиќ ја зема таблата од рацете на тренерот и ја нацрта акцијата за кош

Утрово Лука Дончиќ и Лос Анџелес Лејкерс го победија Феникс со 131–123. Словенечкиот кошаркар постигна 43 поени, предводејќи ги уште еднаш Лејкерс до нивната 12-та победа во сезоната, во вкупно 14 одиграни натпревари.

За време на натпреварот, Дончиќ повлече необичен потег. На еден тајмаут Лука ја зема таблата од рацете на еден од помошните тренери, Линдзи Хардинг и сам ја нацрта акцијата што сакаше Лејкерс да ја одиграат во следниот напад.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зајкова: Да не ви паднало на памет да ги штитите!

„Да не ви паднало на памет да ги штитите!!! Итно да се постапи и да одговара за обид за убиство, а сите што му давале инструкции во неговата паника (согласно сведочењата неговиот татко и мислам беше тетка) да одговараат за помагање….

Зајкова: Да не ви паднало на памет да ги штитите!

По последниот случај на насилство врз жена, во кој девојка претепана и без свест беше оставена на улица пред маркет во Охрид, а според пишувањата на медиумите, членови на семејството на насилникот се обиделе да ја „заташкаат“ работата, со објава на социјалните мрежи се огласи и претседателката на ЛДП и пратеничка во Собранието, Моника Зајкова.

„Да не ви паднало на памет да ги штитите!!! Итно да се постапи и да одговара за обид за убиство, а сите што му давале инструкции во неговата паника (согласно сведочењата неговиот татко и мислам беше тетка) да одговараат за помагање…. Не ме интересира што функции имаат неговите, ниту од која партија се! Девојката можеше да заврши како следна жртва на фемицид! “, пишува Зајкова во својата објава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер