Страшна закана на ММА борач: Ништо лично, ќе се обидам да те убијам

Љубителите на ММА спортот едвај ја чекаат оваа борба од која со добра причина се очекува многу.

Имено, на 9 април на UFC 287 ќе се натпреваруваат двајца познати борци Хорхе Масвидал и Гилберт Барнс.

Во пресрет на овој меч, американскиот борец му испрати брутална порака на Барнс:

- Ништо лично, брат, само ќе се обидам да те убијам. Навистина ми се допаѓаш, дури и ќе ти ја дадам раката и можеби ќе те гушнам, а можеби ќе одиме на вечера после борбата. Во кафезот ќе се обидам да те убијам и буквално ќе дадам сѐ од себе за да го направам тоа, бидејќи знам дека и тој ќе излезе против мене на идентичен начин - објави Масвидал.

Обвинителот на Менхетн: Трамп создаде лажно очекување дека ќе биде уапсен

Окружниот обвинител на Менхетен денеска соопшти дека Доналд Трамп создал лажни очекувања за неговото апсење и ги навел конгресните републиканци да се мешаат во истрагата на обвинителството.

„Вашето писмо е истрага без преседан за локална тужба што е во тек. Писмото дојде токму кога Доналд Трамп создаде лажни очекувања дека ќе биде уапсен следниот ден и неговите адвокати ве повикаа да интервенирате“, напиша во писмото окружниот обвинител Алвин Брег до тројца републиканци во Домот.

Големата порота свикана од Брег во јануари почна да слуша докази за улогата на Трамп во поткупувањето на порно ѕвездата Сторми Даниелс пред претседателските избори во 2016 година, на кои победи Трамп. Даниелс, позната порно актерка и режисерка чие вистинско име е Стефани Клифорд, изјави дека добила пари во замена да молчи за сексуалната врска што ја имала со Трамп во 2006 година.

Поранешниот адвокат на Трамп, Мајкл Коен, рече дека ги добил парите по налог на Трамп за да купи молк за вонбрачната врска на тогашниот претседателски кандидат. Трамп тврди дека е невин и дека истрагата е политички мотивирана.

Во писмото од канцеларијата на Брег се наведува дека претседателите на три конгресни комисии побарале доверливи информации за тековната кривична истрага, што според законот е доверлива информација.

„Барањата наведени во писмото се незаконска инвазија на суверенитетот на Њујорк“, им напишал главниот советник Лесли Дабек на претседателот на Комитетот за правосудство Џим Џордан, на претседателот на Комисијата за надзор Џејмс Комер и на претседателот на административниот комитет Брајан Стил.

Таткото на починатата 6- годишна Јана: Лекарите ѝ дадоа гликоза додека имаше 9- ка шеќер

„Мојата Јана која во септември ќе наполнеше шест годинки почина поради лекарска грешка бидејќи докторите на 9 –ка шеќер во крвта и дадоа ѝ дадоа гликоза во инфузија после што ѝ се крена шеќерот на 19.“ 

Ова во изјава за Канал 5 го вели триесет и шестгодишниот Стојче Христовски, од битолско Кравари, татко на девојчето што вчера попладне почина, неколку часа откако со неговата сопруга го однеле во битолската болница поради симптоми на настинка. Христовски раскажува дека со неговата сопруга сведочеле на она што се случувало откако настанале компликациите по првата инфузија, кога лекарите спремиле втора, ама не можеле да ја боцнат поради тоа што вените на детето му прскале.

„До колата си одеше, добра беше, влезе во автомобилот и отидовме до болница. За да не се мачи, дека беше омалаксана на раце ја однесов до детското одделение. Веднаш докторката рече да направиме крвна слика, направивме, а го измерија и шеќерот, беше 9-ка. Дури, во лабораторија ни напоменаа за шеќерот. Го вратив во детско одделение детето. Му дадоа гликоза, 100% гликоза, сопругата беше внатре, знаеше што ѝ ставаат. Протече инфузијата, но состојбата се влоши... Шеќерот се крена 19...Ви кажаа зошто? Ништо не ни кажаа, девојчето почина, а тие не ни кажаа од што, од срцето, мускулно заболување, не знам што. Детето немаше никакво заболување, немаше проблем, си играше, трчаше, не се задишуваше...

Христовски обвинува дека лекарите не знаеле што да прават па телефонски барале консултации. Вели, повеќе од два часа чекавме да ни кажат дека моето дете повеќе не е живо, а за утеха ни раскажуваа за сличен случај со двегодишно дете кое починало пред два месеци. Тој ни потврди дека обдукцијата е завршена, а семејството чека да ги види резултатите.

Директорот Обедниковски во телефонски разговор за Канал 5 не сакаше да ги коментира тврдењата дека девојчето починало од инфузија, но кажа дека примало, а по застојот на срцето на девојчето, имало обиди за реанимација кои траеле 40 минути.

Од Обвинителството за Канал 5 велат дека по насоки на јавен обвинител се превземаат дејствија за испитување на конкретниот случај, се обезбедува комплетната медицинска документација, а се чекаат и резултатите од обдукцијата. Кога ќе се заврши со постапките ќе има детали.

Тоти: Почина татко ми, а потоа разбрав дека жена ми ме изневерува, ништо не е исто

Еден од најдобрите италијански фудбалери на модерната ера и принцот од Рим, Франческо Тоти (46), призна дека по разводот минатата година и смртта на неговиот татко поради последиците од корона, паднал во депресија.

Светскиот шампион со Италија и играчот кој целата своја кариера ја помина во саканата Рома минатото лето се разведе од поранешната сопруга Илара Бласи со која беше 20 години, од кои 17 години во брак. Причината била неверство, а Тоти рекол дека доказите ги нашол во нејзиниот мобилен телефон.

„Поради короната го изгубив татко ми, а сопругата не беше со мене. Го проверив нејзиниот мобилен телефон за да потврдам, нешто што никогаш не сум го направил и ги најдов пораките. Не можев да спијам повеќе. Се преправав дека сѐ е во ред, но тоа повеќе не бев јас“, призна Тоти.

Познатиот Италијанец е во врска со својата нова девојка Ноеми Боки, додека Блази почнала да се гледа со германскиот претприемач Бастијан Мулер. Тоти и Блази имаат три деца: Кристијана, Изабел и Шанел.

притисни ентер