Сторија на Канал 5: Во Скопје има уште еден јораганџија кој шие рачно - Канал 5

Живот

Сторија на Канал 5: Во Скопје има уште еден јораганџија кој шие рачно

Старите занаети во Македонија полека заминуваат во историјата. Се помалку занаетчии ги одржуваат во живот, а еден од нив е Нусрет Агуши, последниот занаетчија во Старата скопска чаршија кој рачно шие јоргани.

Сторија на Канал 5: Во Скопје има уште еден јораганџија кој шие рачно

Улицата на јорганите во старата скопска чаршија, на која во минатото цутел овој занает, во последните неколку години претставува само спомен за убавите времиња.. Денес останат е само дуќанот на Нусрет Агуши, кој со рачно шиење на традиционалните јоргани почнал да се занимава од самото детство, бидејќи како што вели, била првата прилика за некаква заработка во животот.

Во неговата работилница има јоргани со најразлични бои и уникатни шари, рачно везени и навлаки за перници со најразлична содржина.

„Тогаш ми се укажа првата прилика со ваков занает. Ми се допадна на почетокот и еве веќе повеќе од 20 години го работам овој занает,- Нусрет Агуши, јорганџија.

Прво се крои материјалот, па се шие на машина, се полни со памук, волна или пердуви и последно се шие рачно. Вака накратко изгледа процесот на изработка на еден еднослоен јорган, за чија подготовка потребни се три дена.

Странските туристи, кои се чести посетители на Старата скопска чаршија, со воодушевување ги доживуваат јорганите од овој мајстор.

„Тие се воодушевени од ова, затоа што ова е рачна изработка. Ова машина не може да го изведе. Многу им е мерак, ги сликаат, но за жал не можат да земат, затоа што се тешки,- Нусрет Агуши, јорганџија.

Но, за жал, вели Нусрет, работата му е многу намалена и се помалку муштерии доаѓаат кај него.

„Слабо, преслабо. Се држиме само со поправка на јорганите кои луѓето си ги чуваат дома. Апелирам, да не се фрлаат јорганите затоа што тоа е природно нешто. Ќе го бараат, а нема да можат да го најдат а го имаат дома. Целата енергија во една куќа е во таквите јоргани,- Нусрет Агуши, јорганџија.

Агуши е песимист дека неговиот занает ќе опстои во иднина. Што поради слабата работа, што поради се пореткото користење на јорганите. Нови времиња, нови правила, раскажува овој скопски јорганџија.

-Моите деца не сакаат да се занимаваат со овој занает. Синот се занимава со спорт, ќерката со нешто друго. Но, не им е мерак. Фатиле со нешто друго да се бават. Никој не сака да доаѓа, да види, да прашува за овој занает. Мислат дека како ова да не постоело, како нешто готово цело време да имало,- Нусрет Агуши, јорганџија.

Освен на јорганџиството, лоша иднина се предвидува и самарџиството, грнчарството и изработката на филиграни, кои како занаети, ќе останат во меморијата на повозрасните генерации.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Паника во Ниш: Ученик влегол во училиште со пиштол и имал список за отстрел- уапсен е маж за ширење лажна вест

Припадници на Министерството за внатрешни работи во Ниш, по наредба на Основното јавно обвинителство во Ниш, го уапсија М. Ј. (1979) од овој град.

Паника во Ниш: Ученик влегол во училиште со пиштол и имал список за отстрел- уапсен е маж за ширење лажна вест

Припадници на Министерството за внатрешни работи во Ниш, по наредба на Основното јавно обвинителство во Ниш, го уапсија М. Ј. (1979) од овој град, поради постоење основи на сомнение дека сторил кривично дело предизвикување паника и неред, додека против Б. И. (1973) од овој град, осомничен за истото кривично дело, во редовна постапка е поднесена кривична пријава, објави Телеграф.

М. Ј. е осомничен дека вчера од својот профил на социјалните мрежи споделил лажни информации дека ученик во средно училиште во Ниш донел пиштол во училиште и дека имал список на луѓе за отстрел, што предизвикало загриженост кај родителите и учениците.

Оваа објава, како што се сомнева, е преземена од профилот на Б. И., кој бил достапен за мал број луѓе.

На М. Ј. му е одредено притвор до 48 часа и ќе биде приведен во Основното јавно обвинителство во Ниш со кривична пријава.

Тагови: отстрел ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дрон погоди нуклеарна електрана во Русија- итно се огласи МААЕ

Меѓународната агенција за атомска енергија (МААЕ) соопшти дека дрон удрил во ладилна кула во нуклеарната централа Курск во Руската Федерација.

Дрон погоди нуклеарна електрана во Русија- итно се огласи МААЕ

Се наведува дека електраната работела во времето на нападот, но нејзиниот режим на работа не се променил и немало пожар.

Генералниот директор на МААЕ, Рафаел Гроси, изјави дека сите напади врз нуклеарните постројки се „неприфатливи бидејќи можат да ја загрозат нуклеарната безбедност, без оглед каде се случуваат“.

Генералниот директор Гроси, исто така, го повтори својот повик за максимална воена воздржаност за да се спречи ризикот од нуклеарна несреќа.

Тагови: дрон електрана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Добила отказ зашто се заканувала дека ќе ја убие колешката, судот пресуди во нејзина корист- ќе добие и отштета

Порано оваа година, една компанија во покраината Зеланд во Холандија отпушти жена поради закана дека ќе убие колешка.

Добила отказ зашто се заканувала дека ќе ја убие колешката, судот пресуди во нејзина корист- ќе добие и отштета

„Подобро да не ја сретнам, бидејќи ќе ја средам“, рекла жената, по што била отпуштена.

Сепак, Окружниот суд на Зеланд и Западен Брабант пресуди дека отказот без претходна најава е престрога казна за заканата и ѝ наложи на компанијата да ѝ исплати на жената повеќе од 10.000 евра.

Жената почнала да работи во финансиската администрација на организацијата на почетокот на 2024 година. Во февруари 2026 година, таа била суспендирана поради, како што рекол работодавачот, лоши резултати.

Таа била обвинета за вознемирување, заплашување и намерна саботажа и поткопување на колегите. Таа имала конфликт со колешката поради озборувања, објавува NL Times.

По суспензијата, жената морала да му го предаде компјутерот на ИТ менаџерот, кој ја испратил до излезот. На излегување, таа рекла: „Подобро да не ја сретнам, бидејќи ќе ја фатам. Можеш да ѝ го кажеш тоа“.

Работодавачот верувал дека жената се осврнува на колешката со која се расправала. Таа била отпуштена веднаш поради таа изјава, врз основа на тоа дека станува збор за „сериозна закана за насилство“.

Отпуштената вработена се обратила на суд, тврдејќи дека таквата казна е прекумерна и неоправдана. Таа изјавила дека нејзината изјава не се однесува на некое конкретно лице и дека била емоционално вознемирена бидејќи суспензијата дошла како целосно изненадување за неа.

Работодавачот, од друга страна, тврдел дека заканувачката изјава не била изолиран инцидент и дека колегите и клиентите претходно се жалеле на нејзиното однесување.

Окружниот суд Зеланд-Западен Брабант пресуди во корист на жената. Судот утврдил дека нејзината изјава била „заканувачка и неприфатлива“ и дека нејзиното објаснување дека не мислела на некој конкретен колега не било веродостојно. Сепак, судот ги зел предвид олеснителните околности.

Судијата сметала дека е „разбирливо“ што жената била вознемирена од суспензијата и дека ја дала заканувачката изјава „во жештината на моментот“.

Судот, исто така, не ги зел предвид претходните жалби за нејзиното однесување, бидејќи тие не биле наведени како причина за отпуштањето. Покрај тоа, работодавачот не можеше да докаже дека овие жалби некогаш биле покренати до жената.

Затоа, судот го поништи отказот со моментално дејство.

Жената не сакаше да се врати на работа бидејќи во меѓувреме веќе нашла друга работа, па судот ѝ наложи на компанијата да ѝ исплати повеќе од 10.000 евра. Оваа сума вклучува законска отпремнина од речиси 2.700 евра, отказен рок од повеќе од 4.300 евра и дополнителни 3.500 евра за неоправдано отпуштање.

Жената побара 47.000 евра отштета, но судот ѝ досуди значително помал износ бидејќи наскоро нашла нова работа, па нејзините финансиски загуби биле ограничени.

Тагови: колешка отказ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер