Сторија на Канал 5: По седум години, светна домот на Бојана - Канал 5

Живот

Сторија на Канал 5: По седум години, светна домот на Бојана

По цели седум години темнина и живот со свеќи и батерија во вечерните часови, конечно светлина во станот на Бојана Колева.

Сторија на Канал 5: По седум години, светна домот на Бојана

На нејзиното лице се појави насмевка, што и се врати довербата во најтешкото време во нејзиниот живот, некој помислил на неа и помогнал да живее нормален живот.

Бојана и ЕВН склучија договор големиот долг да го плаќа на рати и плус она што ќе потроши со новото вклучување на струја во нејзинот дом.

Од ЕВН велат дека креираат услуги и процедури со цел да се надминат проблемите кои ги имаат корисниците како Бојана.

„Корисниците се заведени со соодветни броеви и ЕВН нема увид дали одреден корисник е социјален случај поточно дали имаат или не доволно средства. Согласно овие процедури се надминуваат одредени недоразбирања со корисниците“, велат од ЕВН во писменото соопштение.

Таа внимателна, раскажува зимата е долга и мора да биде внимателна со потрошувачката на струја за да не направи нови големи долгови. Парното греење се уште не работи поради долгови. Бојана секој ден добива оброк од кетеринг фирма, која по сторијата на Канал 5 реши да и помогне. Таа работи, но примањата се недоволни за да ги покрие долговите.

Некогашната студентка по психологија верува дека постепено ќе ги среди долговите наследени од починатите родители и ќе има нов и подобар живот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Гугл ги повикува вработените да ја напуштат компанијата- понудата важи за пет земји

Google на Alphabet Inc. ја прошири својата програма за доброволно отпуштање во уште пет земји оваа година за да помогне во контролата на трошоците од големите инвестиции во вештачка интелигенција (ВИ).

Гугл ги повикува вработените да ја напуштат компанијата- понудата важи за пет земји

Компанијата понуди пакети за отпуштање на вработените во одредени сектори во Канада, Франција, Германија, Јапонија и Швајцарија во јуни, објави Ројтерс.

Гугл потврди дека програмата е проширена на меѓународно ниво, но не соопшти колку вработени ја прифатиле понудата.

„Некои од нашите тимови воведоа програма за доброволно отпуштање во 2025 година. Во јуни оваа година, ја проширивме оваа програма во неколку земји за да ги поддржиме важните активности што нè очекуваат“, изјави портпарол на компанијата.

Овој потег доаѓа во време кога големите инвестиции во вештачка интелигенција ги зголемуваат трошоците за технолошките компании и предизвикуваат загриженост кај инвеститорите.

Програмите за доброволно отпуштање се имплементирани во некои организациски единици на Google во Соединетите Американски Држави и Обединетото Кралство од минатата година.

Раководителите на компанијата претходно ги промовираа како опција за вработените кои повеќе не чувствуваат дека се усогласени со темпото на работа или со деловната насока на компанијата.

Финансискиот директор на „Алфабет“, Анат Ашкенази, постојано ги истакнуваше вештачката интелигенција и cloud computing како клучни области за вработување.

Вработените во „Гугл Клауд“ и неговата единица за вештачка интелигенција „ДипМајнд“ беа ослободени од претходните програми за доброволно заминување, а според „Ројтерс“, истото правило важи и за најновото проширување на програмата.

Тагови: гугл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Почнаа консултациите во Израел- претседателот Херцог разговара со партиите за избор на нов мандатар

Израелскиот претседател Исак Херцог ќе започне формални консултации со претставници на партиите што освоија места на предвремените парламентарни избори за да утврди кој има најголеми шанси да ја формира новата влада.

Почнаа консултациите во Израел- претседателот Херцог разговара со партиите за избор на нов мандатар

Израелскиот претседател Исак Херцог ќе започне формални консултации со претставници на партиите што освоија места на предвремените парламентарни избори за да утврди кој има најголеми шанси да ја формира новата влада на Израел, објави неговиот кабинет.

Консултациите ќе траат два дена, при што Херцог прво ќе разговара со претставници на помалите партии, додека средбите со лидерите на двете најголеми политички групи, сегашниот израелски премиер Бенјамин Нетанјаху и Гади Ајзенкот, се закажани за четврток вечер, објавува „Тајмс оф Израел“.

Според конечните резултати од изборите одржани на 27 октомври, ниту еден политички блок не го освои потребното мнозинство од 61 место во Кнесетот со 120 места.

Блокот на сегашниот премиер Бенјамин Нетанјаху освои 53 места, опозицискиот блок предводен од Гади Ајзенкот 48, додека арапските партии освоија вкупно 19 места.

Партијата Ликуд, предводена од Нетанјаху, освои 27 места, додека партијата Јашар на Ајзенкот освои 21.

Во блокот на Нетанјаху се вклучени и Обединетиот јудаизам на Тората и Оцма Јехудит со по седум места, како и Шас и Религиозната ционистичка партија со по шест места.

Опозицискиот блок, покрај Јашар, го сочинуваат партиите Заедно со 12 места, Демократите со осум и Нашиот дом Израел со седум места.

Арапските партии освоија вкупно 19 места, од кои Заедничката листа освои 11, а партијата Раам осум места.

Претседателот на Централната изборна комисија на Израел, судијата на Врховниот суд Ноам Солберг, денес му ги презентираше официјалните резултати од изборите на израелскиот претседател Херцог.

Тагови: Израел Исак Херцог

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ријана позира во провокативна долна облека за новата божиќна колекција (ФОТО)

Пејачката Ријана (38) претстави нова празнична колекција на долна облека за нејзиниот бренд „Savage X Fenty“ и повторно се најде во центарот на вниманието во кампањата.

Ријана позира во провокативна долна облека за новата божиќна колекција (ФОТО)

Таа сподели серија провокативни фотографии на Инстаграм кои го привлекоа вниманието на нејзините следбеници, пренесува „The Sun“.

Позира во чипкасто боди и танга

Ријана позираше опкружена со елки и подароци, носејќи црвено-црно чипкасто боди со длабоко деколте и танга. Изгледот го надополни со високи чорапи и црни чевли со високи потпетици. На една од фотографиите, таа му сврте грб на фотоапаратот за да ја покаже својата заднина.

„Бидејќи заслужувате нешто посебно оваа празнична сезона“, напиша таа покрај објавата.

Ги воодушеви своите следбеници

Фотографиите предизвикаа бројни реакции на социјалните мрежи, а обожавателите не престанаа со комплименти во коментарите.

„Прежешка си!“ напиша еден следбеник.

„Среќен Божиќ, мама!“ додаде друг.

„Навистина си многу, многу убава жена, љубов моја“, искоментира трет.

Изградба на успешно деловно царство

Ријана го лансираше брендот за долна облека „Savage X Fenty“ во 2018 година, а денес тој се проценува на над една милијарда долари.

Една година претходно, таа го основаше козметичкиот бренд „Fenty Beauty“, кој исто така постигна голем успех. Според претходните извештаи, брендот остварил приход од приближно 100 милиони долари во текот на првите 40 дена од работењето.

Иако во последните години повеќе им се посвети на деловните проекти и на своето семејство, Ријана продолжува да привлекува големо внимание од јавноста.

Тагови: долна облека Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер