Стопанственици: Неработна недела ќе предизвика отпуштања и неизвесност

Прогласувањето недела за неработен ден од октомври ќе донесе сериозни проблеми и негативни последици за голем дел од секторите на кои ќе им биде забрането да работат на овој ден.

Со тоа што не се влезени во групата на работници кои смеат да работат во недела некои од секторите најавуваат дека ќе претрпат штети и до 70% од падот на прометот и ќе мора да отпуштат и до 30% од вработените како вишок.

Секторите како градежништво, фармација, секторот за преработка на млечни, кондиторската индустрија, алкохолни и безалкохолни пијалаци и спортските обложувалници се само дел од секторите кои се директно погодени од новиот предлог закон според кој тие не смеат да работат во недела. Градежниците се жалат дека тие се условени од времето и временските услови како и од роковите за изведба, млечната индустрија не смее да го остави млекото не преработено како и други преработувачки процеси кои не смеат да имаат прекин во работата но сепак не се предвидени во законот дека смета да работат и да платат повисоки дневници и давачки кон државата туку ќе мора да го запрат процесот целосно во недела.

Стопанствениците своите аргументи против можноста на некои клучни сектори да работат и во недела со плаќање на давачките и повисоки плати на дваесетина страни до владата и сите релевантни претставници ги испратиле во два наврати во февруари и во април но нивните ставови и забелешки се пожалија дека не се земени во предвид при подготовката на законот.

Мрачните тајни на Меган Маркл ги зачудија Британците!

Во книгата „Дворјани: Скриената моќ зад круната“, од Валентин Лоу, чии делови излегоа во јавноста благодарение на британскиот магазин Тајм, не престануваат да ја шокираат светската јавност.

Американката Меган Маркл, која се омажи за принцот Хари во 2019 година и за која од почетокот се сомневаа дека можеби не е вистинскиот избор за кралското семејство, беше убедена дека со стекнување на титулата од моќното семејство на Обединетото Кралство, ќе стане „ Британската Бијонсе“, но таа набргу откри дека ги мрази строгите правила на дворот, па сензационално ја напушти должноста војвотка од Сасекс, се тврди во новата книга „Дворјани: Скриената моќ зад круната“ од авторот Валентин Лоу.

Експлозивни пасуси од тоа дело објави британскиот „Тајм“ наведувајќи дека поранешната актерка се надевала дека сите ќе ја облетуваат, но се разочарала кога сфатила дека тоа е далеку од вистината.

Книгата, исто така, открива дека покојната кралица Елизабета Втора прва го прифатила напуштањето на должноста од страна на Меган и Хари, и тоа им го открила на другите членови на семејството на посебен самит во Сандрингем.

Лоу открива дека кралицата сакала сите четири кралски домаќинства да работат заедно со цел да се најде решение за новонастанатата ситуација и да се избегне скандал од големи размери.

Во следните денови се одржале состаноци во Кларенс Хаус, тогашниот дом на принцот Чарлс, а потоа разговорите се префрлиле во Бакингемската палата. Во нив бил вклучен бил и Сајмон Кејс, приватниот секретар на принцот Вилијам, а негова задача била да „посредува помеѓу завојуваните страни“. Разговорите вклучувале разгледување на пет можни сценарија, вклучувајќи по еден месец активности годишно за војводата и војвотката од Сасекс во склоп на семејството, или преземање само мал број ангажмани. Како дел од тие опции, би важеле општите правила за неносење одлуки за финансиска или материјална добивка, било за себе или за пријателите.

- Мислам дека Меган мислеше оти ќе биде Бијонсе од Велика Британија. Како дел од кралското семејство би добила популарност каква што ја има американската пејачка. Во меѓувреме таа откри дека во семејството постојат толку многу правила кои ѝ се смешни, но поради кои не може да ги прави работите што ги сака како приватно лице – посведочи поранешен инсајдер од палатата.

Инаку, Лоу открива и дека принцот Хари за идејата да го напушти Лондон со сопругата, прв му соопштил на својот татко Чарлс, и тоа преку е-пошта.

Покрај тоа, Лоу тврди дека Маркл се согласила на бомбастично интервју со американската новинарка Опра Винфри, во кое таа и нејзиниот сопруг Хари жестоко го нападнале кралското семејство, дури шест месеци пред да ја напуштат Британија.

- За време на австралиската турнеја, на Меган не ѝ беше јасно зошто мора да се насмевнува и да се ракува со луѓето. Мрмореше дека не може да верува оти ја принудуваат да го прави тоа без да ѝ платат – стои во книгата чии откритија продолжуваат да ја изненадуваат британската јавност.

Ја препознавате ли оваа пејачка?

По неа денес лудува цел регион, а песните ѝ се толку популарно што се слушаат на секој чекор!

На Tикток почна да кружи снимка на која една од најпопуларните пејачки на нашите простори се појавува во сосема непрепознатливо издание.

Харизматичната словенечка пејачка Сенида во последните неколку години ја освои публиката ширум регионот и повеќето ги засакаа нејзините песни, специфичниот глас и посебниот музички правец, кој не го прилагодуваше на трендовите што „носат пари“. За кратко време се покажа дека овој музички правец е одлично пртифатен, особено кај помладите генерации.

@eminentan2 ZAPRATI ME DA VIDIS KO JE SLEDECI😱 #fyp #foryoupage #fypシ #viral #senidah ♬ original sound - L i d i j a ✌

Градејќи го својот простор на музичката сцена, Сенида го формираше и својот стил на облекување и шминкање. Меѓутоа, кога се во прашање хируршките корекции на физичкиот изглед, се чини дека малку им „подлегнала“ на трендовите, па така беше забележало дека пејачката направила неколку интервенции за да изгледа токму онака како што сите ја знаеме денес.

На ТикТок кружи снимка од Сенида пред операциите, но нејзините фанови не се ниту изненадени ниту разочарани.

Иако повеќето се согласија дека Сенида изгледа прекрасно во секое издание и има природна убавина, имаше и коментари што се однесуваа на тоа дека секому му е потребно мало дотерување и дека таа не е ниту прва ниту последна што го прави тоа.

Позната ѕвезда на филмови за возрасни проговори за шокантните работи во Холивуд!

Актерката Мејтлан Ворд позната на пошироката јавност по својата улога во серијата „Boy meets world“ откако ја отвори вратата на Холивуд, филмската индустрија за која сите актерки сонуваат, таа се сврте кон индустријата за еротски филмови. 

Своето неверојатно искуство таа го опишала во книгата „Како порно индустријата ме спаси од Холивуд“.

Актерката се осврнала на периодот на снимањето на серијата што ја направи ѕвезда, опишувајќи го искуството како многу збунувачко.

- Во серија како „Boy meet word“ би можела да бидам секси и провокативна. Во некои сцени носев минимална облека и сите беа воодушевени што во некои кадри имав онолку облека колку што би имала за дечкото во спалната соба. Ако носев такви работи во јавноста или би ме фотографирале некаде, продуцентите и индустријата на Дизни ќе ме пикираа. Особено Мајк Џејкобс, тој беше многу упорен во тоа дека девојките мора да изгледаат невино – истакна актерката.

Според оваа актерка, искуството од снимањето на серијата ѝ пречело да ја истражи својата сексуалност.

- Сето тоа ми беше многу збунувачко. Ми пречеше во откривањето која сум и какви желби имам, и тоа траеше многу долго - открива познатата актерка на филмови за возрасни.

Актерката Мејтлан Вард влезе во порно индустријата во 2006 година. За многу кратко време таа се најде на самиот врв во филмовите за возрасни. Таа продолжи да снима филмови и стекна голема слава кај публиката од таа содржина.

Актерката открива и дека тоа што го заменила Холивуд со порно индустријата ја ослободило од притисокот со кој се соочуваат жените поради стареењето.

-Во текот на раните 2000-ти, притисокот во Холивуд беше страшен. Сите беа во паника дека набргу, како стареат, кариерата ќе им заврши, дека нема да добиваат атрактивни улоги и дека ќе заминат во заборав. Холивуд сака убави и млади жени, сè друго за нив има рок на траење. Секако, тоа не е случај со мажите, тие би можеле да бидат ѕвезди и на 60 или 70 години. Холивуд е многу суров кон стареењето, додека јас тоа не го чувствувам во порно индустријата – открила актерката.

Таа се надева дека нејзината приказна ќе доведе до некаков напредок во елитната филмска индустрија.

притисни ентер