Стоматолошка комора: Имавме неколку контроли, не беа констатирани неправилности - Канал 5

Здравје

Стоматолошка комора: Имавме неколку контроли, не беа констатирани неправилности

Имавме неколку контроли и не беа констатирани неправилности, изјави на денешната прес-конференција, претседателот на Стоматолошката комора, Маријан Денковски. 

Стоматолошка комора: Имавме неколку контроли, не беа констатирани неправилности

Прес-конференцијата следи откако министерот за здравство Азир Алиу во саботата информираше дека Министерството за здравство ги презема надлежностите за лиценцирање на Стоматолошката комора.

- Прво, бидејќи јавните овластувања согласно Законот за здравствена заштита, член 262, се многу широк поим и за поголемиот дел од страна на комисијата формирана од министерот за здравство воопшто нема ни вршено надзор, ниту пак која било комисија или кој било министер се имаат произнесено на кој било начин, Комора не може да знае зошто и во кој обем е т.н. времено одземање до исправање на неправилностите, односно да ги цитираме неговите зборови „до стишување на работите во Комората", кажа Денковски.

Беше посочено дека минатата недела имале интензивна комуникација со министерот за здравство, Алиу.

-Заклучокот беше дека, доколку има неправилности, Комората секако ќе ги вложи сите напори да се исправат. Исто така, сакаме да посочиме дека во меѓувреме, во наведениот период, за работењето на Комората се направени неколку надзори и контроли од страна на Министерството за здравство, ДСЗИ, Управа за јавни приходи, разни државни инспекторати и агенции и сл. и согласно записниците од направените надзори и контроли кои ги поседува Комората, нема утврдени неправилности во кој било сегмент во работењето на Комората, па ниту во делот на јавните овластувања кои се доделени со закон, наведуваат од Комората.

Денковски ги демантираше наводите дека на Комората и биле дадени насоки од министер, а дека таа не постапила.

-Информираме дека нема вистина во тоа и не е точно дека Комората не постапила, беше истакнато на пресот.

Притоа беше нагласено дека Комората веќе во текот на април постапила согласно насоките на министерот за здравство по сите точки кои биле наведени на пресот, за што, како што беше подвлечено, имале и документи и писмени докази.

Беше најавено дека уште денеска, претседателот Денковски ќе ги повикал на разговор и консултација претходните претседатели.

- За да го слушнеме и нивното мислење, зошто по она што знаеме засега, се работи за некои „незаконски" постапки на Комората уште од 2016 година, па дури и порано, односно од 2006 година. Исто така, ќе се направи средба со Лекарска комора зошто ако кај нас, во стоматологија, т.н. „незаконска" едукација вршеле околу 15-ина, како што беа наречени, нерегистрирани здруженија, во Лекарската комора, во системот на Континуирана медицинска едукација учествуваат или учествувале над 80 такви здруженија - меѓу кои доминираат членки на Македонско лекарско друштво, беше кажано на прес -конференцијата.

Понатаму, беше посочено дека се планирааат свикувања на вонредни седници на Извршниот одбор и на Собранието на Комората.

- По што, ќе ги информираме и членовите на Комората и медиумите, како и пошироката јавност, за официјалниот став, бидејќи согласно актите на Комората, само Собранието има надлежност за истиот. На крајот времето ќе покаже каде е вистината. Сите ние во Комората сме спремни на сите последици доколку имаме згрешено, но исто така доколку се потврди дека Комората нема финасиски или други криминали, сосема реално е да бараме и очекуваме јавно извинување до целокупната македонска јавност и целокупното членство на Комората, затоа што Комората постои и се состои од нејзините членови, докторите на стоматологија, беше потенцирано на прес-конференцијата.

Тагови: стоматолог

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Уште една страшна ноќ на Блискиот Исток: Америка го бомбардираше Иран, брзо следуваше одговор

САД извршија напади врз Иран осма ноќ по ред, а Техеран тврди дека возвратил со напади со беспилотни летала врз американски бази во Кувајт.

Уште една страшна ноќ на Блискиот Исток: Америка го бомбардираше Иран, брзо следуваше одговор

Соединетите Американски Држави, по наредба на претседателот Доналд Трамп, извршија напади врз Иран осма ноќ по ред, соопшти Централната команда на САД (CENTCOM). Како дел од тие напади, САД конкретно ја таргетираа иранската Револуционерна гарда, за која се верува дека во петокот извршила напад врз воена база во Јордан, при што загинаа најмалку двајца американски војници, соопшти Пентагон, пренесува „Си-би-ес њуз“ (CBS News).

Уште еден припадник на американските сили се води како исчезнат по иранскиот напад, додека неколку американски војници се ранети. САД исто така погодија ирански воени објекти за крајбрежен надзор и противвоздушна одбрана, поморски објекти, како и складишта за ракети и беспилотни летала, со цел да се ослабат воените капацитети на Иран, соопшти Централната команда (CENTCOM), потврдувајќи дека нападите завршиле околу 23:30 часот по локално време.

Потоа следувал и одговор од Иран.

Иран тврди дека извршил напади со беспилотни летала врз две американски бази во Кувајт. Иранската армија соопшти дека извела напад од големи размери со беспилотни летала врз два американски воени објекти во Кувајт, пренесува Ал Џезира.

Во соопштението пренесено од државниот радиодифузер IRIB, армијата наведе дека нејзините „разорни беспилотни летала го погодиле складиштето за муниција во кампот Ал Адири“, како и радарите на системот за противвоздушна одбрана „Патриот“ и радарите за противвоздушна одбрана во воздухопловната база „Али Ал Салем“.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски најави намалување на акцизи а цените на горивата повторно растат

Христијан Мицкоски вчера најави намалување на акцизите поради растот на цената на нафтата. Веќе денеска се очекува ново поскапување на горивата.

СДСМ: Мицкоски најави намалување на акцизи а цените на горивата повторно растат

Ова е уште еден доказ за реактивната и неуспешна економска политика на ВМРО-ОКГ.

Мицкоски и неговата влада постојано доцнат со мерките. Кога цените веќе скокнаа до плафон, тогаш излегуваат со најави за намалување на акцизи. Но, и тоа доаѓа предоцна.

Само кај Мицкоски секоја мерка наместо да ги намали цените, ги зголемува или нема никаков ефект.

Наместо да ги прифати предлозите на СДСМ за навремени и системски мерки за заштита на граѓаните од поскапувањата, ВМРО-ОКГ одбиваше да реагира - било намерно, било од незнаење и неспособност.

Резултатот е ист: цените на горивата, храната и основните производи постојано растат, а граѓаните плаќаат највисока цена.

Ова е систематска политика на Мицкоски и организираната криминална група ВМРО која доведе до економски колапс.

Наместо превентивни мерки и заштита на стандардот на граѓаните, добиваме доцни реакции и празни најави кои не ја решаваат кризата.

Граѓаните живеат во страв по секоја мерка на Мицкоски. Можат само да очекуваат нови поскапувања од ден на ден, додека ВМРО-ОКГ продолжува со истата политика на доцнење и неуспех.

Скопје, 19.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Илјадници луѓе на улиците на Киев. „Зеленски, разреши го врховниот командант на армијата“

Протестите на улиците на Киев поради разрешувањето на украинскиот министер за одбрана Михаило Федоров продолжуваат;.

Илјадници луѓе на улиците на Киев. „Зеленски, разреши го врховниот командант на армијата“

Протестите на улиците на Киев поради разрешувањето на украинскиот министер за одбрана Михаило Федоров продолжуваат; претседателот Володимир Зеленски изјави дека го слуша јавното мислење и дека разговарал и со Федоров и со врховниот комендант на војската, Олександр Сирски, пренесува новинската агенција ДПА.

Во видео-обраќање, Зеленски рече дека се подготвуваат одлуки поврзани со војската, но не наведе детали. Неколку илјади демонстранти, главно млади луѓе, во саботата трет ден по ред излегоа на улиците на Киев за да протестираат против разрешувањето на Федоров.

Нивното главно барање е Зеленски да го разреши Сирски. Како причина за разрешувањето на Федоров се наведува конфликт меѓу него и Сирски.

Функцијата министер за одбрана привремено ја презеде разузнавачот Евгениј Чмара. Сепак, Зеленски сè уште треба да ја поднесе кандидатурата на Чмара до парламентот и да добие потврда од пратениците.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер