Свет

Столтенберг: Ми беше тешко да му кажам „не“ на Зеленски

Поранешниот генерален секретар на НАТО, Јенс Столтенберг, објасни зошто Северноатлантската алијанса не воведе зона на забранети летови над Украина на почетокот на руската инвазија во 2022 година.

Поранешниот генерален секретар на НАТО во своите мемоари го опишува „болниот момент“ во февруари 2022 година кога го отфрли очајното барање на украинскиот претседател Володимир Зеленски за воведување зона на забранети летови над земјата, објави украинска Правда.

Столтенберг рече дека се плашел оти нивниот разговор може да биде последниот телефонски повик на украинскиот претседател, бидејќи Западот стравува за неговиот живот.

„Ме повика од бункер во Киев кога руските тенкови беа многу блиску. И рече: „Ја прифаќам вашата одлука да не испраќате копнени трупи на НАТО, иако не се согласувам со тоа. Но, ве молам затворете го воздушниот простор. Не дозволувајте руски авиони, беспилотни летала и хеликоптери да влезат и да нè нападнат“, се присети Столтенберг.

Столтенберг потсети дека НАТО навистина го затворил воздушниот простор над одредени земји од причини за заштита на цивилите, особено над Босна и Херцеговина или над северниот дел на Ирак, каде што беше потребно да се заштитат Курдите.

Сепак, тогашниот генерален секретар на Северноатлантската алијанса го отфрли барањето на Зеленски.

Тој ја објасни својата одлука да го отфрли со фактот дека, во случај на затворање на небото над Украина, НАТО ќе мора да ги уништи руските системи за воздушна одбрана во Белорусија и Русија, бидејќи западните ловци нема да можат да летаат над Украина ако бидат цел на руските ракети за воздушна одбрана.

„И ако има руски авион или хеликоптер во воздухот, ќе мора да го собориме, а потоа ќе избувне целосна војна меѓу НАТО и Русија. А ние не сме подготвени за тоа. Како што рече Бајден, кој во тоа време беше претседател на САД, нема да ризикуваме Трета светска војна заради Украина“, призна Столтенберг.

Тој се сеќава дека му било „болно“ да го прекине тој телефонски разговор со Зеленски, „знаејќи дека неговиот живот е во опасност“.

Тагови: Володимир Зеленски Столтенберг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Мицкоски да не си игра со иднината на земјата бидејќи ќе му судат следните генерации

Утринава пратеникот и претседател на СДСМ од Собранието Венко Филипче предупреди дека ако скршнеме од патот кон европската унија ќе следи период на години на сиромаштија, распродадена земја за туѓи интереси , и иселување.

Тој предупреди дека 4 земји меѓу кои Црна Гора и Албанија добија патокази и во план е да влезат во унијата до 2030 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Сега е официјално: Кристијано Роналдо објави дека ја напуштил репрезентацијата

Најплатениот светски фудбалер, 41 годишниот Кристијано Роналдо официјално го објави своето заминување од португалската фудбалска репрезентација, откако претходно го напушти тренинг-кампот на тимот.

Роналдо ја соопшти одлуката на Инстаграм, наведувајќи дека таа уследила по прес-конференцијата на селекторот Жорже Жесус и разговорот со претседателот на Португалската фудбалска федерација.

„По прес-конференцијата на селекторот и разговорот со претседателот на Португалската фудбалска федерација, одлучив да го напуштам тренинг-кампот на репрезентацијата.

Во соодветно време, на португалскиот народ ќе му ја откријам вистината за причините за моето заминување од репрезентацијата, на која отсекогаш сум ѝ бил посветен. Сега е време да им посакам многу среќа на Португалија и на сите мои соиграчи“, напиша 41-годишниот Роналдо.

Според извештаите, Роналдо го напуштил кампот само неколку часа откако Жезус зборувал за играчите кои се загреваат, но не добиваат шанса за игра.

Во таа прилика, тренерот конкретно го спомнал капитенот на Португалија. „Кога играч се загрева 20 или 30 минути, а не влегува во игра, никој не е среќен. Особено Кристијано. Особено Пеле или Марадона“, рекол Жезус.

Роналдо го држи рекордот на сите времиња за Португалија со 234 настапи и 146 постигнати гола. Со националниот тим, тој го освоил Европското првенство во 2016 година, како и Лигата на нации во 2019 и 2025 година.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски во Брисел: Во фокус европската интеграција, планот за раст и инфраструктурните проекти

Заменик-претседателот на владата и министер за транспорт, Александар Николоски, е во дводневна работна посета на Bрисел, каде што учествува на официјални средби организирани од европската комисија.

На средбите се разговара за актуелните економски и политички прашања, реализацијата на инфраструктурните проекти, планот за раст, како и за процесот на интеграција и проширување на Европската унија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.