Живот

Столчето ѝ се преврте на водителка на вести, сите зборуваат за нејзината реакција (ВИДЕО)

Инцидент за време на вестите на RCN во Колумбија стана вирален, истакнувајќи го неверојатниот професионализам на водителката.

Новинарката Роси Лемос одеднаш го изгуби столчето, но нејзината смиреност и способност да се однесува како сè уште да седи го привлекоа вниманието и пофалбите на илјадници корисници на социјалните мрежи.

Таа самата се пошегува за себе

Лемос известуваше за дневните вести кога столчето се лизна и се преврте наназад, оставајќи ја во незгодна ситуација, практично „во воздух“. И покрај гласниот пад на столчето, водителката остана целосно смирена, свиткувајќи ги колената и одржувајќи го своето држење за гледачите да не забележат што се случило. Таа не престана да известува и продолжи со вестите како да не се случило ништо необично.

@magasrevista Cuando la vida te pone a prueba, el verdadero estilo es mantener la actitud. Así lo demostró la periodista Rossy Lemos (@rossylemos), quien en plena emisión de Noticias RCN vivió un inesperado incidente con su silla, pero supo mantener el equilibrio y la elegancia, ganándose la ovación de las redes. #tv #directo #improvisación #televisión #periodista ♬ sonido original - Magas

По вестите, Роси Лемос се огласи на социјалните мрежи и ја коментираше ситуацијата со хумор. Таа рече дека тоа биле „најдолгите секунди во нејзиниот живот“ и се пошегува дека „речиси се нашла во вестите“ во својот текст.

Многумина ја пофалија нејзината професионалност

Видеото од моментот кога столчето падна брзо се прошири на интернет, предизвикувајќи лавина од коментари во кои, додека се шегуваа, истовремено се фалат професионализмот и смиреноста на колумбиската новинарка. Корисниците особено ја забележаа нејзината способност да се снајде во непредвидлива ситуација со таква природност што повеќето гледачи веројатно дури и не забележаа што се случи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД и Иран се договориле да го прекинат последниот бран судири и да се вратат на преговарачка маса

Иран и Соединетите американски држави постигнале договор за прекин на последниот бран меѓусебни судири во Персискиот залив

Иран и Соединетите американски држави постигнале договор за прекин на последниот бран меѓусебни судири во Персискиот залив и да ги продолжат разговорите согласно меморандумот за разбирање што неодамна го потпишаа двете страни, потврдил американски функционер за неколку светски медиуми.

Веста за постигната согласност за прекин на непријателствата, како што наведуваат медиумите, ги зголемува надежите дека привремениот мировен договор меѓу Вашингтон и Техеран може да опстане и покрај меѓусебните вооружени судири во последните денови. Американскиот новински портал „Аксиос“, повикувајќи се на неименуван висок американски функционер, објави дека разговорите меѓу претставиците на Вашингтон и Техеран треба да продолжат утре, во главниот град на Катар, Доха.

Засега не е познат ставот на Техеран во врска со наводите кои доаѓаат од страна на извори од американската администрација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со грант од еден милион евра од Светска банка ќе се прави проект за реформи во Железницата

Со еден милион евра грант од Светската банка ќе се прави проект за реформа во железничкиот сектор.

Договорот за грант го потпишаа вицепремиерот Александар Николоски и директорката на Светска банка за Македонија, Керол Межеван.

Договорот како што најави вицепремиерот Николоски треба да даде поддршка во реформата во преструктурирање на Македонски железници – транспорт со цел создавање на функционално претпријатие.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Владата прави анализа на цените на прехранбените производи по што ќе се знае какви мерки ќе има за нивно намалување

Владата прави детална анализа на цените на прехрнабените производи по што ќе се знае дали и какви мерки ќе бидат применети со цел нивно намалување.

Премиерот Христијан Мицкоски вели лично тој се занимавал со тоа прашање и во моментов работат на методоглоија на идентификување на оние 600 -7 00 произовди кои влијаат врз потрошувачката кошничка.

Одговарајќи на новинарско прашање дали може да се очекува намалување на цените на храната, Мицкоски вели дека Владата темелно навлегува во проблематиката. Ова доаѓа откако пред една недела во владата се одржа средба со претставници на најголемите маркети во државата, а според најавите во деновите кои следат ќе има и средби со добавувачите и производителите..

„Јас лично еве ви велам работам на методологија на идентификување на тие 600 – 700 производи кои што статистички се мерат и директно на нив ќе одиме ако треба фактура по фактура и еден по еден производ ќе ги анализираме каде можеме да покачиме и како така што ова е една темелна операција што лично ја водам и очекувам мнпогу скоро да имаме резултати кои ќе бидат видливи на терен. “- Христијан Мицкоски – претседател на Влада.

Во однос на цените на нафтените деривати Мицкоски вели очекува и по денешната одлука на Регулаторната комисија за енергетика, македонските граѓните да точат бензин и гориво по најниски цени, споредбено со земјите од регионот.

Во меѓувреме Цените на нафтата на светските берзи денеска повторно пораснаа по неколкудневните пресметки меѓу САД и Иран, кои ја истакнаа кревкоста на нивниот привремен мировен договор и повторно ја забавија испораката на енергенси преку Ормускиот теснец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.