Стојаноски: Буџетот за 2024 е досега историски највисок, составен така за да може да се искраде - Канал 5

Македонија

Стојаноски: Буџетот за 2024 е досега историски највисок, составен така за да може да се искраде

Во понеделник, 4-ти декември од 10 часот почнува разгледувањето на Буџетот на Република Македонија за 2024-та година.

Стојаноски: Буџетот за 2024 е досега историски највисок, составен така за да може да се искраде

Ова е добра вест затоа што претставува последниот буџет што ќе имаат можност да го претстават криминалното дуо ДУИ – СДС.

Вклучително со Буџетот за 2024-та година, СДС и ДУИ во периодот од 1 јуни 2017 година потрошија т.е. планираат да потрошат над 30 милијарди евра.

Со тие пари можеше да се изгради нов Клинички центар, да се заврши започнатиот во Штип, можеше да се гасифицираат домаќинствата, да се заврши автопатот Кичево – Охрид, Скопје – Блаце, но и да се започне изградба на нови автопатски делници. Со 30 милијарди евра можеше студентите на ФИНКИ и ФФК да имаат современи услови за настава и учење, да има нови и реконструирани студентски домови, можеше постојната железничка инфраструктура да биде реконструирана, а пругата кон Бугарија да е во завршна фаза.

Можеше да се направи многу, но избраа да испумпуваат пари преку РЕК Битола и ТЕЦ Неготино, да си изнајмуваат простор од себе преку Државна лотарија, да ја крадат скапата биолошка терапија од Клиниката за онкологија.

Можеше многу работи да се направат, но избраа да крадат и да остават пустош зад себе.

Буџетот за 2024та година е досега историски највисок, нереален, предизборен и составен така за да може неколку жесеци пред изборите да се искраде и подели помеѓу бизнисмените од власта. Ништо од макроекономските проекции не е точно, како што не беше ни изминатите години.

Повторно ќе се обидат да направат предизборен поткуп и да си ги остварат личните бизнис интереси додека народот ќе живее уште посиромашно, а стопанството ќе продолжи да тоне.

Македонија денес претставува земја со најнизок економски раст во регионот. Корона криза и војна во Украина се реалност која ги погоди сите економии во регионот, но нашата Влада најлошо се снајде и тоа е факт кој го нотираат сите меѓународни финансиски организации. Инфлацијата во изминатите 2 години надмина 30%, а кај храната и електричната енергија кои се неопходни за нормално функционирање достигна и над 50%.

На само еден месец до 2024-та година задолжени сме како никогаш до сега. Прашање на денови е кога јавниот долг ќе надмине 9 милијарди евра, пари кои ќе треба да ги враќаме ние, а и нашите внуци.

Само за камати во 2024-та година ќе се исплатат над 270 милиони евра, историски највисок износ за оваа намена. Владеењето на СДС и ДУИ скапо ги чини граѓаните, но за 6 месеци секој од нас ќе има можност да им испрати порака од позади параванот со својот глас.

Почитувани,

Пратеничката група на ВМРО–ДПМНЕ и Коалицијата за Обнова на Македонија поднесе 250 амандмани со кои за последен пат ќе се обидеме да ги вразумиме колегите пратеници од мнозинството дека владиниот буџет треба да биде за граѓаните, а не за бизнис зделките склучени на Илинденска, Бихакќа и Мала Речица.

Ќе инсистираме да се прифатат амандманите кои се однесуваат на намалување на ДДВ за храната, струјата, огревното дрво, но и намалување на неколкукратно зголемената акциза за горивата.

Ќе бараме за студентите зголемување на субвенцијата за студентски оброк, но и стипендиите. Во соработка со граѓанскиот сектор поднесовме амандмани кои се однесуваат на мерки за намалување на аерозагадувањето кое е алармантно.

Поднесовме и низа амандмани кои се предлози на синдикатите, стопанските комори, организациите на работодавачите, на потрошувачите.

Граѓаните знаат дека дуото СДС – ДУИ е сидро кое ја влече државата „напред“, ама кон дното.

Важно е дека се ближи денот кога ќе започне обновата на Македонија, рече Бојан Стојаноски, пратеник на ВМРО-ДПМНЕ..

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер