Стојанче Јовановски е осуден на 12 години затвор за насилство и наведување на самоубиство на неговата сопруга Ивана - Канал 5

Македонија

Стојанче Јовановски е осуден на 12 години затвор за насилство и наведување на самоубиство на неговата сопруга Ивана

Со пресудена максимална казна од 12 години, како збир од трите кривични дела за кои му се судеше на Стојанче Јовановски, прв пат во Македонија падна пресуда за делото наведување на самоубиство.

Стојанче Јовановски е осуден на 12 години затвор за насилство и наведување на самоубиство на неговата сопруга Ивана

Со пресудена максимална казна од 12 години, како збир од трите кривични дела за кои му се судеше на Стојанче Јовановски, прв пат во Македонија падна пресуда за делото наведување на самоубитво поради вршење семејно насислтво. Процесот го водеше судијата Ивица Стефановски, кој пред да ја соопшти пресудата рече дека овој случај влијаел врз свеста за сериозноста на семејното насилство и потребата од превенција за жртвите. Судијата Стефановски на предлог на јавната обвинителка Адела Бојчевиќ веднаш донесе одлука на Јовановски да му биде продолжен притворот до правосилноста на пресудата.

Обвинителката Адела Бојчевиќ во изјава за медиумите рече дека е задоволна од пресудата и дека Судот изрекол максимални казни за сите три кривични дела, но напомена дека казнената политика треба да е и построга.

И адвокатката на семејството на Ивана, Неда Чаловска е задоволна од пресудата, во која како што рече, првпат во Македонија се изрекува казна за наведување самоубиство при вршење семејно насилство.

Обвинетиот Јовановски по изрекувањето на казната судницата ја напушти со насмевка на лицето додека беше изведуван со полициска придружба и со лисици на рацете. Денешната пресуда е првостепена и одбраната на Јовановски има право на жалба, но неговите адвокати денеска не потврдија дали ќе ја обжалат пресудата, за што имаат рок од осум дена.

Судењето кое ја брануваше јавноста и привлече големо медиумско внимание, започна кон крајот на март, а во текот на постапката беа презентирани аудио и видео материјали, кои, според обвинителството, документираат случаи на физичко и психичко насилство. Животите на Ивана и шестгодишната Катја трагично згаснаа на втори март, со пад од шести кат, по долгогодишно психичко и физичко малтретирање.

YouTube video

Тагови: Стојанче Јовановски Тафталиџе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јувенстус со нова понуда за Емилијано Мартинез

Јувентус е блиску до ангажирање на еден од најдобрите светски голмани, Емилијано Мартинез.

Јувенстус со нова понуда за Емилијано Мартинез

Според Дејвид Орнштајн, доверлив новинар на „Скај Спортс“ и „Атлетик“, претставниците на клубот од Торино доставиле нова, подобрена понуда до Астон Вила, а договорот меѓу двата клуба е сè поблизу.

Јувентус е подготвен да плати пакет вреден 10 милиони евра, структуриран како фиксен износ од 7 милиони евра плус 3 милиони евра во вид на бонуси поврзани со учинокот. Сепак, клубот од Бирмингем во моментов инсистира на 10 милиони евра во загарантирани средства, па преговорите се фокусираат токму на структурата на плаќањето.

Личните услови не претставуваат проблем Орнштајн нагласува дека личните услови меѓу 33-годишниот аргентински интернационалец и „Старата дама“ воопшто не претставуваат пречка. Мартинез изрази силна желба да се пресели на стадионот „Алијанц“ и е подготвен да го прифати понудениот повеќегодишен договор.

Трансферот дополнително го поткрепува фактот што Астон Вила веќе е длабоко во преговори за ангажирање на голман-замена; следствено на тоа, се очекува клубовите да постигнат компромис и наскоро да го финализираат договорот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Пожарот во Белгија се шири кон Германија

Големиот пожар што беснее во областа Хај Фенс (High Fens) и во природниот резерват Хај Свомп (High Swamp) во источниот дел на Белгија се наоѓа на само три километри од германската граница.

Видео: Пожарот во Белгија се шири кон Германија

Ситуацијата во пограничниот град Моншау, во западна Германија, беше напната во текот на изминатата ноќ, а на жителите од некои делови на градот им беше препорачано да се подготват за напуштање на своите домови, пренесува „Блид“.

„Не може да се исклучат ризиците по здравјето предизвикани од чадот од пожарот. На жителите на Платевен, Лејлох и Калтерхерберг, западно од Месевего, им се препорачува да ги напуштат овие подрачја до 10 часот наутро и да престојуваат кај роднини и пријатели“, се наведува во соопштението на локалните власти.

Потврдено е дека градските власти на Моншау ќе отворат прифатилиште во општествениот центар во Имгенбројх, почнувајќи од 7 часот наутро, за сите оние што не можат самостојно да најдат алтернативно сместување.

Екипите за итни интервенции во Моншау не очекуваат огнот наскоро да се прошири на германска територија, но потврдуваат дека се во состојба на подготвеност.

„Секако, внимателно ја следиме ситуацијата. Ќе продолжиме континуирано да ја следиме и проценуваме состојбата, а по потреба ќе ангажираме и дополнителни противпожарни сили“, изјави Филип Кригер, командант на противпожарната служба во Моншау.

Од белгиска страна, евакуацијата на градовите Кихелшајд и Лејкауљ веќе е започната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МО: Утре во 19 часот, почесна артилериска стрелба по повод Денот на Армијата

Почесна артилериска стрелба по повод Денот на Армијата

МО: Утре во 19 часот, почесна артилериска стрелба по повод Денот на Армијата

Министерството за одбрана ги информираме граѓаните на Скопје, дека на 17-ти август 2026 година (понеделник), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во рамки на активностите кои се реализираат по повод одбележувањето на 18Август-Денот на Армијата.

Претходно, истиот ден, во 18.00 часот ќе биде извршена и пробна артилериска стрелба со истрелување на еден плотун од 6 артилериски орудија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер