Стојанче Ангелов во „G Carpet” - Канал 5

Забава

Стојанче Ангелов во „G Carpet”

Стојанче:  „Кај нас дома, режим има, жена ми го поставува!”

Стојанче Ангелов во „G Carpet”

Неделното издание на „G Carpet” му го посветивме на Стојанче Ангелов, поранешен генерал-мајор на специјалните единици на македонската полиција. Ангелов е роден во Штип. Во воениот конфликт 2001 година, бил командант во посебните единици во Тетово, потоа станал заменик командант на Тигрите. Бил учесник во Битката кај Арачиново, каде што бил и ранет. Во годините по воениот конфликт е постојано деградиран во чиновите. Стојанче во јавноста активно се залага за правата на македонските бранители.

Во нашата емисија „G Carpet” ја откриваме забавната страна на Ангелов со многу акција, анегдоти и вицеви.

На прашањето „Доколку сте мој генерал, каде би ме вклопиле мене?” Ангелов одговори: „Моментално сум директор на Центарот за управување со кризи и секој со завршен Факултет за безбедност е добредојден но, секако, ако ја помине селекцијата. Моментално работиме на еден проект за кој, се надевам, во наредните десетина дена ќе се распише оглас за прием и ќе има професионална селекција. За мене е сеедно дали сте во фустан или патолони јас ве гледам како личност и ја гледам вашата професионална страна”

„Кој е кај тебе дома врховен командант?”

„Кај нас нема команданти, дома кај мене има врвна семејна демократија. Сите заедно ги носиме одлуките и жена ми кажува како ќе биде.”

„Можевме да ве видиме и како во одело поминувате клисура со сајла. Тоа ли е опремата што треба да се носи за вакви активности?”

„Самата гледаност на овој клип покажува колку тој начин е добар или лош. Од друга страна, кога би бил во маскирна униформа би бил невидлив за камерата, така ќе се стопам во околината, јас таму пратив една многу силна порака – на нашата Македонија и треба една таква спасителна служба, ние имаме инзворедни кадри и тие луѓе треба да ги ставиме во системот за справување со кризи. И релевантно е во што сум облечен, тоа впрочем не ги намалува квалитетите на еден човек.”

Ги откривме и неговите пејачки квалитети, заедно кршевме цигли и одговори на различните предизвици кои му ги подготвивме. Читавме вицеви, твитови и анегдоти наменети за него.

„Многу луѓе во 2001 година изгубија членови на своето семејство, треба да се потрудиме да не се повтори такво нешто. Се’ може да се реши со разговор, нема потреба од насилство”

На прашањето дали дома кај него има поставено војнички режим, Ангелов рече: „Режим има но жена ми го поставува.”

„Во војска може да се научат многу работи но таа не влијае на тоа да се биде маж. Нема врска дали е феминизиран некој тоа не го прави помалку професионалец.”

„Околината во Ирак е стресна, опкружен си со туѓи луѓе. Македонскиот народ е питом, убав народ а таму дури не ни зборуваш на својот јазик”

„G Carpet”, недела (20. 06. 2021) со Стојанче Ангелов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Финансиската полиција поднесе кривична пријава за даночно затајување: Го оштетиле Буџетот за над 7 милиони денари

Првопријавениот М.Д и второпријавеното правно лице го оштетиле Буџетот на Република  Македонија во вкупен износ од 7.211.359,00 денари.

Финансиската полиција поднесе кривична пријава за даночно затајување: Го оштетиле Буџетот за над 7 милиони денари

Управата за финансиска полиција до Основното јавно обвинителство Скопје поднесе кривична пријава против едно физичко лице, управител и сопственик на едно правно лице, како и против самото правно лице, поради постоење основи на сомнение за сторени кривични дела „Даночно затајување“ од член 279 и “Фалсификување или уништување на деловни книги” од член 280 од Кривичниот законик на Република Македонија.

Првопријавениот М. Д. во својство на сопственик и управител на правното лице, во 2021 година, свесно и со однапред утврдена намера, со цел да се стекне со противправна имотна корист за себе и за второпријавениот правен субјект, преку фиктивно книжење извршил присвојување на наплатените парични средства од продажба на нафта и нафтени деривати во износ од 7.040.484,00 денари при што не пресметал и не платил данок на личен доход во вкупна вредност од 782.198,00 денари.

Дополнително, првопријавениот М.Д. преку фиктивно книжење извршил намалување на залихата евидентирана на конто 6630 во вредност од 7.040.484,00 денари, а воедно извршено е намалување на приходите на конто 7411 во износ од 3.222.664,00 денари, намалување на обврската за ДДВ евидентирана на конто 2301 во износ од 580.003,00 денари и зголемување на набавната вредност на продадената стока на конто 701000 во вредност од 3.425.798 денари, при што не пресметал и не платил данок на додадена вредност вкупна вредност од 1.653.677,00 денари, данок на личен доход во вкупна вредност од 782.198 денари и данок на добивка во вкупна вредност од 664.846,00 денари.

Исто така, првопријавениот М.Д. во 2024 година, свесно и со умисла евидентираната залиха на конто 6630 – „Стоки во продавница со стапка од 18% во износ од 12.630.670,00 денари ја присвоил за себе и не ја евидентирал во сметководствената евиденција на второпријавениот правен субјект како кусок, при што не пресметал и не уплатил данок на додадена вредност во износ од 1.925.177,00 денари и данок на личен доход во износ од 1.403.267,00 денари.

Со наведените дејствијаСо наведените дејствија првопријавениот М.Д и второпријавеното правно лице го оштетиле Буџетот на Република Македонија во вкупен износ од 7.211.359,00 денари.

Управа за финансиска полиција

Тагови: финансиска полиција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Политиката на изолација на Мицкоски најдобро се гледа на граничниот премин

Додека Христијан Мицкоски со државниот авион (што веќе го третира како приватен) оди на своите екскурзии,  македонските граѓани со децата, стојат со саати под жешкото сонце на граничните премини.

СДСМ: Политиката на изолација на Мицкоски најдобро се гледа на граничниот премин

Колони од повеќе километри.

Чекање од 4, 6, понекогаш и 10 часа.

Луѓе што сакаат само да стигнат до море.

Ова е реалната слика на политиката што ја спроведува организираната криминална група ВМРО-ОКГ.

Половина од Владата и голем дел од функционерите на ВМРО имаат бугарски пасоши.

Нивните семејства имаат бугарски пасоши.

Имаат фирми во Бугарија.

Имаат европски документи.

Тие и нивните најблиски минуваат преку посебен - ЕУ премин.

Тие си обезбедија Европа за себе.

За граѓаните на Македонија не им е гајле.

Единствената нивна грижа е што во буџетот сѐ помалку има пари за нови криминални тендери.

Тоа е најголемата грижа на „тендер-патриотите“.

Додека народот стои во колона, тие летаат.

Додека децата седат во прегреани автомобили, тие уживаат во привилегиите што си ги обезбедија преку бугарските пасоши.

Ова е нивна политика - изолација за народот, Европа за себе.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Нов потпорен ѕид во градинката „Кочо Рацин", инвестиција од 5,99 милиони денари

Општина Центар информира дека во кругот на градинката „Кочо Рацин" се отстранува стариот потпорен ѕид и на негово место се гради нов со должина од 37,26 метри и висина од 3,6 метри.

Герасимовски: Нов потпорен ѕид во градинката „Кочо Рацин", инвестиција од 5,99 милиони денари

Станува збор за ѕид кој беше стар 25 години, кој сега ќе биде заменет со конструкција од армиран бетон, со темели пошироки од претходните.

„И ова лето вложуваме во воспитно-образовната инфраструктура. Во моментов се работи и на поставување нова енергетски ефикасна фасада на училиштето „Кирил и Методиј", следно е спортската сала во училиштето „Коле Неделковски" и „Гоце Делчев“, а во тек се и санации во ООУ „Димитар Миладинов", рече градоначалникот Герасимовски.

Изградбата на ѕидот се изведува по сите важечки стандарди, со посебно внимание на квалитетот на материјалот и техничката изведба. Проектот е вреден 5.992.394,00 денари и ќе биде целосно завршен во рок од еден месец.

Со оваа инвестиција, Општина Центар продолжува со континуираниот процес на подобрување на инфраструктурата во училишните и предучилишни установи на својата територија.

Со почит,

Одделение за односи со јавност

Општина Центар - Скопје

Тагови: Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер