Македонија

Стоилковски: Колку ќе чини дигитализацијата на Царовска?

Кога мафијата трга да спроведува нешто на сила, голема е веројатноста зад тоа да има лукративни пориви.

Мила Царовска спротивно на сите укажувања тргна во дигитализација која подразбира укинување на печатени учебници, тргна во одземање на книгите од рацете на децата, а за тоа поддршка има и од режимот на Зоран Заев. Сето укажува на можен голем финансиски момент.

Оттука, и Царовска и Зоран Заев мора да одговорат колку ќе чини овој зафат, инаку спротивен на сите укажувања во општеството?

Мила Царовска мора да одговори дали зад укинувањето на учебниците и наводната дигитализација не стои понуда од Хрватска?

Мила Царовска мора да каже дали тоа нема да чини десетици милиони годишно од и онака празниот буџет? Дали за ваков, според сите, неразумен зафат не стои и ангажирање на бројни невладини организации, надворешни советници и организации, за чиј што понатамошен ангажман не се познати критериумите?

Злоупотребите на европското знаменце, односно носење на закони по постапка којашто ги избегнува, го заобиколува патот до вистинско решение и дебати посочува само едно- на сокривање на вистината низ правните процедури.

За образовните реформи на Царовска во Собранието се организираа огромен број на јавни дебати со уште поголем број на релевантни титули, но тоа за Царовска, за МОН и за режимот на мафијата не беше доволно, ниту пак извадија поука од нив.

Сега се турка дигитализација, се укинуваат учебниците, а Царовска нема одговор за најобично прашање како мултимедијалните содржини кои што ги најавува ќе бидат достапни во онаа верзија на фотокопија, за најмалку 10 проценти од учениците, што во бројка се околу 25.000 ученици?

Ученици од социјално најранливата категорија оставени без реално образование, а со тоа и без реални шанси за подобра иднина.

Главното легитимно прашање коешто неминовно се наметнува е колку сето тоа ќе чини, дали зад сето ова нема контакти на Царовска со Хрватска, како и дали зад сиот овој неразумен зафат нема лукративност кај режимот на мафијата?

Образованието, основното и средното, во Македонија се законски задолжителни. Царовска и сега од законскиот образовен процес исклучува околу 25.000 ученици.

Образованието нема цена. Дигитализацијата на Царовска има- време е за вистинските прашања и за вистинските одговори.

Наум Стоилковски, портпарол на ВМРО-ДПМНЕ

Свет

САД изразија сочувство за смртта на иранскиот претседател

Соединетите Држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.

„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, рече портпаролот на Стејт департментот Метју Милер во соопштението.

Американскиот секретар за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.

„Не можам да шпекулирам што би можело да биде причината“, им рече Остин на новинарите.

Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.

Автомобилизам

Италијанската полиција заплени десетици возила на Фиат поради малото знаменце (ФОТО)

Италијанската финансиска полиција запленила десетици Фиат Тополини за кои што тврдат дека го имаат државното знаме.

Станува збор за возила кои всушност се склопуваат во Мароко.

Оваа заплена ја продолжува борбата меѓу италијанската премиерка Џорџија Мелони и производителите на автомобили.

Возилата биле блокирани на пристаништето во Ливорно поради наводно прекршување на таканаречениот закон „Произведено во Италија“, кој веќе го принуди Стелантис, матичната компанија на Фиат, да го преименува својот спортски автомобил „Алфа Ромео Милано“ во „Џуниор“.

Портпаролот на Стелантис ја потврди заплената, за која први објавија италијанските медиуми, вклучително и Ла Република.

Италијанската влада е во расправија со Stellantis околу плановите за намалување на работните места во земјата и префрлање на производството во земји со пониска цена. Минатиот месец, илјадници Италијанци се приклучија на штрајкот во близина на седиштето на производителот на автомобили во Торино во очекување на нов бран отпуштања.

Стелантис вели дека ќе ја отстранат малата налепница со италијанското знаме од автомобилот, која ја додале бидејќи проектот Тополино бил развиен во Торино. Производителот на автомобили негира дека сторил нешто лошо и рече дека секогаш комуницирал транспарентно за земјата во која се произведува Тополино.

Оригиналниот Topolino, италијански за Little Mouse, беше едно од првите масовно произведени возила произведени во Италија во 1930-тите. Се очекува фејслифтираната верзија да излезе во продажба по почетна цена од 9.890 евра.

Производителот на автомобили објави претходно овој месец дека ќе започне со продажба на возила од кинескиот партнер Leapmotor во Европа, како дел од глобалната експанзија, бидејќи се бори да ги намали трошоците за електрични возила.

Свет

Причина за падот на хеликоптерот со иранскиот претседател е технички дефект

Причината за хеликоптерската несреќа во која загина иранскиот претседател е техничка неисправност, објавија иранските државни медиуми.

Тие кусо изјавија дека до несреќата дошло по технички дефект и дека нема индиции за кривично дело, пренесува Вашингтон пост.

Да потсетиме, иранскиот претседател Ебрахим Раиси и неговиот министер за надворешни работи загинаа вчера во хеликоптерска несреќа. Иранската државна агенција првично ги наведе лошите временски услови во областа како причина за несреќата, поради која хеликоптерот се урнал на самиот врв на планината. После тоа се запалил, а останала само опашката.

притисни ентер