Стјуардеса им дели свеќички на патниците среде турбуленции: Умираме? (ВИДЕО) - Канал 5

Живот

Стјуардеса им дели свеќички на патниците среде турбуленции: Умираме? (ВИДЕО)

Летањето со авион не е секогаш релаксирачко, а тоа на потешкиот начин го научила Јула Вадини, тиктокерка која не можела да го сокрие стравот кога стјуардеса ѝ подаде свеќичка непосредно пред авионот да влезе во турбуленции.

Стјуардеса им дели свеќички на патниците среде турбуленции: Умираме? (ВИДЕО)

Јула патувала за Богота Сан Хозе Дел Гуавиаре, Колумбија и во еден момент збунето гледала како стјуардесите им делат електрични свеќички на патниците, без никакво објаснување.

Збунета и уплашена во исто време почнала да се прекрстува и да се моли додека држела свеќата, а потоа прашала: „Умираме? додека турбуленции го потресуваат авионот. „Бев убедена дека ни дадоа свеќи бидејќи знаеја дека ќе пропаднеме“, напишала таа подоцна.

Во видеото што таа го сподели, се слуша порака на шпански: „Ве молиме останете седејќи со врзан појас додека светлата се вклучени и особено внимавајте на упатствата“. Откако френетично ја анализирала ситуацијата и сѐ што ја опкружувало, Јула почувствувала големо олеснување кога авионот безбедно слетал на својата дестинација.

@jula.vadini Colombians, is it usual for companies to give out candles? 🕯️ I was on my way to San Jose de Guaviare ! #flight #planeincident #plane #crash #turbulence #colombia #bogota ♬ original sound - jula.vadini

Во натписот на објавата на Инстаграм, Јула праша: „Колумбијци, дали е вообичаено авиокомпаниите да ви даваат свеќи?

Видеото кое таа го сподели брзо стана вирално и собра повеќе од 1,6 милиони прегледи. Луѓето ѝ ја објаснија причината на Јула во коментарите. „Да, овде во Колумбија имаме празник познат како Día de las velitas или Ден на свеќите, кога палиме свеќи. Тоа е важен ден за многумина од нас затоа што палиме свеќи за да изразиме желби“, објасни еден корисник. Друг додаде: „Бидејќи на 7 декември го славиме Денот на свеќите. Тоа е традиција каде што палиме свеќи и правиме желби“.

„Не, но и јас ќе го мислев истото. Веднаш ќе заклучев дека ќе паднеме“, „ЛОЛ, и јас тотално ќе ме фатеше паника“, коментираат некои.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија воведува ограничувања: Стотици населби под највисоко ниво на предупредување

Екстремната топлина и ниското ниво на водата на Дунав предизвикаа проблеми со водоснабдувањето во Унгарија. Ограничувања на водата се воведени во повеќе од 600 населби.

Унгарија воведува ограничувања: Стотици населби под највисоко ниво на предупредување

Екстремна суша и долготраен топлотен бран сè повеќе ја погодуваат Унгарија, каде што ограничувања на водата за пиење се воведени во стотици населби. Властите предупредуваат дека последиците од високите температури не влијаат само на водоснабдувањето, туку и на енергетската инфраструктура.

Според унгарската влада, мерки од прво ниво се воведени во 465 населби, мерки од второ ниво на 151 место, додека најстрогите ограничувања се на сила во 13 населби.

Ниското ниво на водата на Дунав е особено загрижувачко. Нивото на реката во Пакш се спушти на само 135 сантиметри, поради што властите преземаат дополнителни мерки за да обезбедат стабилно работење на нуклеарната централа Пакш.

Дополнителни лебдечки пумпи се инсталирани на пумпните станици, додека резервни единици се распоредени во пристаништето и на копно за да се обезбеди непречено ладење на објектите.

Работната група за одбрана ја разгледува состојбата со снабдувањето со енергија и последиците од недостигот на вода, додека метеоролозите предвидуваат дека екстремните температури ќе продолжат.

Највисокото предупредување за топлотен бран, ниво три, би можело да остане на сила, а нов бран на екстремна топлина се очекува од 6 до 11 август.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужасна несреќа во Германија: Се судрија два трамваи, десетици повредени

Повеќе од 25 лица се повредени денес во судир меѓу два трамваи во западниот германски град Гелзенкирхен, при што три лица се во критична состојба, соопштија локалните власти.

Ужасна несреќа во Германија: Се судрија два трамваи, десетици повредени

Според првичните информации, трамваите се движеле еден по друг во близина на стадионот на Шалке кога првиот трамвај одеднаш закочил, објави Билд.

Полицијата соопшти дека трамвајот, кој се користел за обука, нагло застанал, а потоа трамвајот со патници се удрил во него.

„Околу 25 лица се повредени, од кои седум потешко. Тројца од седумте се во сериозна состојба“, изјави портпаролката на полицијата за Билд.

На повредените им е укажана прва помош на местото на настанот, а оние со потешки повреди се однесени во болници.

Областа околу Курт-Шумахер-Штрасе, главната сообраќајница во градот, беше затворена во двата правци по несреќата.

Една лента беше повторно отворена за сообраќај во шпицот доцна попладне.

Причината зошто тренинг трамвајот одеднаш закочил сè уште не е утврдена, а специјално обучен тим е на лице место за да ја испита несреќата.

Тагови: Германија трамвај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Како што му пукна меурот од сапуница „мигранти за пари“, така на талогот на СДС му пука и најновата хистерија - прифаќање на француски предлог

​Со секој изминат ден СДС и нејзините челници се повеќе и појасно се препознаваат и кажуваат дека тие се талогот во општеството којшто го труе народот со песимизам, дефетизам, со тези дека ова држава нема да успее.

ВМРО-ДПМНЕ: Како што му пукна меурот од сапуница „мигранти за пари“, така на талогот на СДС му пука и најновата хистерија - прифаќање на француски предлог

И тоа го прават со единствена цел да се убие надежта кај народот, и таа малку што му останала по многубројните национални предавства и порази што му ги приредија токму тие, како Андреј Жерновски кои 20 години се во политика без ниту еден ден работен стаж во реален сектор.

Жерновски упорно ја турка темата и шири хистерија дека се водат тајни преговори за евроинтегративниот пат на државата, иако беше демантиран од надлежните институции.

Ама и таа тема, како и темата мигранти за пари ќе им пукне како меур од сапуница и ќе им остане само хистеријата и лагите.

Како што лажеа државата само што не банкротира, ама еве ја две години власт предводена од ВМРО-ДПМНЕ, Македонија не само што не банротира туку таа економски се консолидира, инвестира во капитални проекти, зголемува плати и пензии. Така лажат и за се останато.

Несудениот амбасадор и неуспешен градоначалник на Центар, можеби посакува, но ниту ќе биде прифатен францускиот предлог, којшто предавничката СДС слепо го прифати за ден повеќе да остане на власт, ниту ќе има отстапки од веќе утврдени позиции.

На Македонија местото и е во Европската Унија како рамноправна членка и почитуван рамноправен партнер, со зачувано национално достоинство и национални идентитетски обележја.

Така да, залудни им се обидите на талогот во СДС, кој го труе народот и сака да им ја убие надежта, да претстават дека сите се како нив и дека за власт и пари се спремни на секакви отстапки и предавства.

Заедно со народот ваквите предавници во СДС, ВМРО-ДПМНЕ ќе ги победи. Затоа што свежи се уште предавствата од СДС под раководство на Зоран Заев, кои се сега верни приврзаници на Филипче, како што е Жерновски, и тоа нема никогаш да се заборави.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер