Свет

Стјуардеса е задржана во болница во Виена под сомневање за коронавирус

Способноста за ширење на коронавирусот се зголемува и се очекува да се зголеми бројот на заразени, соопшти денеска Националната кинеска здравствена комисија.

Досега, 56 лица починале од коронавирусот. Само во Кина, потврдени се околу 2000 луѓе, а повеќе од 40 случаи се потврдени во други земји. Скоро 60 милиони луѓе во Кина се целосно или делумно изолирани.

Националната комесарка за здравство, Ма Ксиоу, на прес-конференција рече дека знаењето за вирусот е ограничено.

Според неа, инкубацијата се движи од еден до 14 дена, а со вирусот може да се заразат други во овој период, што не било случај со САРС, што исто така потекнува од Кина ,каде убил скоро 800 луѓе ширум светот во 2002 година и 2003 година.

Ќе бидат засилени напорите да се спречи експанзијата што досега вклучуваше ограничување на патничкиот сообраќај и откажување на масовни настани, рече Ма.

Лекарите се сомневаат дека првиот случај на инфекција со коронавирус се појави и во Виена. Станува збор за стјуардеса која е во Виена од 24 јануари, а пред тоа била во градот Вухан.

Таа во моментов е во изолација во болницата во Виена.Таа е кинески државјанин која бил примена во болницата со симптоми на грип.

Тестовите ќе бидат завршени за 48 часа за да се утврди дали таа е заболена од коронавирус, јавуваат австриските медиуми.

Македонија

ДИК донесе заклучок за конечност на резултатите од првиот круг на претседателските избори

Државната изборна комисија на денешната седница донесе заклучок за конечност на разултати за избор на претседател на Република Северна Македонија, прв круг.

Според заклучокот, за изборите одржани на 24.4.2024 година, вкупен број на избирачи запишани во избирачки список имало 1 814 317 гласачи од кои гласале 905 622. Неупотребени гласачки ливчиња биле 908 720, важечки ливчиња 881 040, а неважечки ливчиња 24 560.

Конечните резултати покажуваат дека кандидатот за претседател Стево Пендаровски добил 180 499, Гордана Силјановска Давкова 363 085, Стевчо Јакимовски 8 121, Бујар Османи 120 811, Билјана Ванковска 41 331, Арбен Таравари 83 337 и Максим Димитревски 83 855.

Во вториот круг на избори за претседател што треба да се одржат на 8 мај ќе се гласа за кандидатите за претседател Стево Пендаровски и Гордана Силјановска Давкова.

За претстојните избори за претседател, до Државната изборна комисија пристигнале акредитации од 52 домашни набљудувачи, 11 меѓународни и пет странски новинари, истите доставиле барање и за изборите за пратеници во Собранието, соопштија на денешната седница на ДИК.

На денешната седница ДИК ги усвои и записниците од 97 и 98 седница.

Регион

Благодатниот оган и оваа година од Ерусалим ќе пристигне во Грција

Претставници на грчката Влада и оваа година се очекува да отпатуваат за Ерусалим и на Велика сабота во Грција да го донесат светиот благодатен оган, што подоцна ќе биде пренесен во сите делови на земјата, јави дописничката на МИА од Атина.

Грчките авиокомпании „Ејџиан ерлајнс“, „Олимпик ер“ и „Скај експрес“ соопштија дека со редовни и вонредни летови, светиот оган ќе патува низ цела Грција откако во попладневните часови в сабота од Ерусалим ќе пристигне на атинскиот аеродром, што ќе биде во организација на грчката Влада.

Македонија

Мицкоски: По осми мај започнува трансформација на Македонија со новата Влада

„По осми мај започнува трансформација на Македонија со новата Влада предводена од ВМРО-ДПМНЕ“

„Според оваа емоција што ја чувствувам овде и онаа емоција и енергија што ја чувствувам насекаде низ Македонија значи дека на 8-ми мај ќе ни донесе историски резултат, подобар од оној кој што се случи на првиот круг на претседателски избори. Сепак 2:1 резултат во однос на освоени гласови помеѓу идниот претседател професорката Гордана Силјановска Давкова и досегашниот сега и веќе поранешен претседател, Стево Пендаровски е нешто кое што за првпат се случува во македонската демократска историја , истакна претседателот на ВМРО-ДПМНЕ, Христијан Мицкоски од митингот во Маврово Ростуше.

„Многу работи се изнаслушав овие шест години откако сум претседател на партијата, и многу работи како што тие ги замислиле не излегоа како што тие ги кажуваа. Можам да кажам слободно дека ништо не излезе така како што тие кажуваа“, рече Мицкоски говорејќи дека на СДСМ прогнозите не им излегоа како што тие замислуваа.

Мицкоски додаде на СДСМ ништо нема да им се оствари бидејќи граѓаните гледаат кој мисли добро на Македонија. По осми мај ќе победи Гордана Силјановска Давкова и ВМРО-ДПМНЕ.

„Сепак 183.000 гласови е нешто што испишува историја. Последниве години ВМРО-ДПМНЕ заедно со народот испишува историја. Така беше и пред две и половина години на локалните избори кога за првпат една коалиција, политичка партија во независна Македонија од позиција на опозиција заедно со народот успеа да победи во мнозинството општини во Македонија и да освои мнозинство градоначалници“, потсети тој.

Тој посочи дека таа историја од локалните избори продолжи да се испишува и во првиот круг на претседателски избори и така ќе продолжи и на осми мај.

„По осми мај ќе отвориме нова страница за Македонија и ќе ја направиме Македонија онаква каква што нашите генерации сонуваа да биде. Ќе започне процесот на трансформација на Македонија. Доста беа порази, понижувања и грабеж. Ќе отпочне Македонија со својот развој, да бидеме лидери во регионот, да се вратиме во првите пет во Европа“, порача Мицкоски.

Тој истакна дека подобри времиња за Македонија доаѓаат со новата Влада предводена од ВМРО-ДПМНЕ.