Стејт департмент: Проблемот за инвеститорите во Србија е корупцијата и неефикасното судство - Канал 5

Свет

Стејт департмент: Проблемот за инвеститорите во Србија е корупцијата и неефикасното судство

Инвестициската клима во Србија малку се подобри во изминатите години, но проблемите со бирократијата, корупцијата, неефикасните државни претпријатија, големиот неформален сектор и неефикасното судство остануваат.

Стејт департмент: Проблемот за инвеститорите во Србија е корупцијата и неефикасното судство

Инвестициската клима во Србија малку се подобри во изминатите години, но проблемите со бирократијата, корупцијата, неефикасните државни претпријатија, големиот неформален сектор и неефикасното судство остануваат, соопшти американскиот Стејт департмент.

Според Стејт департментот, политичкото влијание е исто така причина за загриженост.

Во извештајот „Инвестициска клима во Србија 2025“, финансиската стабилност, фискалната дисциплина и реформите поддржани од ЕУ се споменуваат како позитивни, а се додава дека приоритет на Србија е привлекувањето странски инвестиции. Се наведува дека ангажманот на Србија со Меѓународниот монетарен фонд, заедно со разумната фискална политика, придонеле за генерално добри макроекономски услови.

Се потсетува дека односот на долгот кон бруто домашниот производ (БДП) е на релативно здраво ниво под 50 проценти од БДП и дека во октомври 2024 година агенцијата S&P ѝ го даде на Србија првиот инвестициски кредитен рејтинг, зголемувајќи го рејтингот од BB+ на BBB- со стабилна перспектива.

Во извештајот се наведува дека американските инвеститори генерално имаат позитивен став за Србија поради нејзината локација, образована работна сила, конкурентни, но растечки трошоци за работна сила, дарежливи инвестициски стимулации и договори за слободна трговија со ЕУ и други пазари. Исто така, американските инвеститори генерално ја поздравуваат политиката за еднакви можности.

Стејт департментот изрази загриженост за влијанието на политиката, наведувајќи како пример дека како одговор на протестите во 2022 година, владата го запре предложениот проект за рударење литиум.

Во текстот се вели дека реформите поддржани од ЕУ продолжуваат, но дека имплементацијата не е секогаш брза или темелна, и се посочува дека деловните можности ќе продолжат да се подобруваат ако владата спроведе реформи поврзани со пристапувањето во ЕУ.

Исто така, се проценува дека дигитализацијата на одредени владини функции, на пр. градежни дозволи и Даночната администрација, сè уште не донесе значително подобрување, а недостасува и доследна имплементација.

Во однос на решавањето на проблемот со неефикасните државни претпријатија, Владата, според извештајот на Стејт департментот, остварува постепен напредок. Исто така, планира да приватизира уште 43 компании и малку да ја намали работната сила во големиот јавен сектор и државните претпријатија.

Во извештајот се зборува и за падот на бетонската настрешница на железничката станица во Нови Сад со 16 жртви. Се вели дека трагедијата, која се смета за резултат на корупција, предизвикала големи протести предводени од студенти.

Официјален Белград тврди дека континуираните протести негативно влијаат врз економијата на Србија, додека критичарите велат дека владата користи остра реторика и други средства за заплашување, вклучувајќи апсења, негативно прикажување на демонстрантите во медиумите и депортација на некои кои немаат српско државјанство, според извештајот на американскиот Стејт департмент.

Исто така, се наведува дека фактот што Србија ќе биде домаќин на изложбата ЕКСПО 2027 е можност за американските компании кои снабдуваат опрема и обезбедуваат услуги.

Се посочува дека агресијата на Русија врз Украина првично имала ограничен ефект врз економијата на Србија, но дека инфлацијата скокнала на 16 проценти во март 2023 година, а потоа паднала на 4,5 проценти во февруари 2025 година.

Исто така, се потсетува дека во април, Канцеларијата на Министерството за финансии на САД за контрола на странски средства (OFAC) ставила 30 компании и 20 поединци од Србија на списокот со санкции, а санкциите против нафтената компанија NIS биле постојано одложувани за еден месец, а последниот пат биле одложувани за неколку дена, до 8 октомври.

Тагови: Србија Стејт департмент

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер