Стефоска: Завршен е инспекцискиот надзор во штипскиот Центар за култура по тврдењата за мобинг - Канал 5

Култура

Стефоска: Завршен е инспекцискиот надзор во штипскиот Центар за култура по тврдењата за мобинг

 Веднаш по реакциите од страна на вработените во Центарот за култура во Штип, упативме вонреден инспекциски надзор од страна на Министерството за култура. 

Стефоска: Завршен е инспекцискиот надзор во штипскиот Центар за култура по тврдењата за мобинг

Завршен е инспекцискиот надзор во Центарот за култура во Штип. Извештајот е во подготовка, а веќе следната недела ќе одам таму и ќе разговарам со вработените и со директорот, рече министерката за култура Ирена Стефоска во одговор на новинарско прашање за рекациите за мобинг на вработените во штипскиот Центар за култура.

– Веднаш по реакциите од страна на вработените во Центарот за култура во Штип, упативме вонреден инспекциски надзор од страна на Министерството за култура. Надзорот е завршен и извештајот се подготвува. Ќе видиме што ќе каже Извештајот, рече Стефооска.

Таа напомена дека најдоцна следна недела ќе оди во Центарот за култура во Штип и ќе оствари средба со вработените и со директорот.

– Исто како што имам намера да одам во Охрид да се видам со градоначалникот, и исто како што појдов во Тетатар Комедија, најдоцна следната недела одам и во Штип, за на лице место во Центарот за култура да се сретнеме и со вработените и со директорот, истакна министерката.

Таа додаде дека е добро информирана и смета оти е важно лично да се појави и да разговараат.

– Уверена сум дека со искрен и сериозен разговор секој проблем може да биде надминат, а сите заедно да работиме во интерес на културата. Ние сме платени и наша обврска е да работиме за доброто на културата, рече Стефоска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Инвазија на роботакси во Европа – „Uber“ подготвува повеќе од 2.000 возила

„Uber“ и „Pony.ai“ денес објавија дека сакаат да воведат повеќе од 2.000 роботакси низ цела Европа и дека партнерството ќе се прошири на Блискиот Исток.

Инвазија на роботакси во Европа – „Uber“ подготвува повеќе од 2.000 возила

Двете компании веќе лансираа комерцијална услуга за роботакси во Загреб во март, каде што поддржаа 10 автономни возила од компанијата Верн, која е во сопственост на претприемачот Мате Римац, а новиот договор ќе воведе роботакси во уште четири европски градови кои сè уште не се наведени.

Голема флота што надминува 2.000 возила е важна за развојот на автономното возење бидејќи поголем број возила овозможува поголемо собирање податоци, поефикасно работење и полесен доказ за безбедноста пред регулаторите, објавува „CNBC“. Покрај тоа, поголемата достапност на роботакси може да охрабри повеќе корисници да почнат да го користат овој вид транспорт.

„Uber“ работи паралелно и со други кинески компании за автономно возење, како што е „WeRide“, со која планира пилот-програма за роботакси во Мадрид. „Waymo“ е светски лидер во оваа област, со возен парк од околу 5.000 возила, претежно во Соединетите Американски Држави.

„Waymo“ веќе тестира возни возила во Лондон и се подготвува да го прошири својот бизнис на други глобални пазари, а една од неговите цели е Токио. Целта на „Uber“ е да стане водечка светска комерцијална платформа за автономни возила, наместо самата да ја развива целата технологија за автономно возење.

Компанијата сака да ја користи својата платформа за поврзување на различни производители на роботски такси возила со корисниците, а во исто време да собира голема количина на податоци што можат да им помогнат на партнерите во понатамошниот развој на автономни системи.

Извор: Б92

Тагови: Uber

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Зошто не треба да спиете голи во лето?

Кога температурите остануваат високи ноќе, спиењето без облека изгледа како најлесниот начин да се разладите.

Зошто не треба да спиете голи во лето?

Сепак, Џулиус Патрик, кој се бави со физиологија на спиењето, предупредува дека лесната облека може да биде подобар избор.

„Иако е примамливо да спиете без облека за да се разладите, ова може да го влоши вашиот сон. Кога спиете голи, потта останува на вашата кожа“, рече Патрик. Затоа препорачува лесна облека за спиење. „Ако носите лесна облека, таа ја апсорбира потта и затоа може поефикасно да ве разлади“, објасни тој.

Важно е да се запомни дека температурата на вашето тело природно паѓа во текот на ноќта, па она што се чувствува удобно на почетокот на спиењето подоцна може да стане премногу ладно.

Како полесно да заспиете кога е жешко

Еден од првите чекори е да спречите вашата спална соба да стане премногу жешка во текот на денот. Затоа е добра идеја да ги затворите завесите или да ги спуштите ролетните кога е најжешко надвор. Ако е постудено надвор отколку внатре ноќе, отворете ги прозорците и обидете се да создадете провев. Ова може да помогне да се олади просторијата пред да си легнете.

Не мора да се откажете ниту од целата постелнина. Патрик препорачува да имате при рака лесен памучен чаршаф, бидејќи може да ја апсорбира потта. Дебел јорган не е неопходен во топлите ноќи, но тенок чаршаф може да биде корисен.

И туширањето може да помогне

Патрик, исто така, препорачува брзо туширање пред спиење. Не мора да биде ладно - некои луѓе може да сметаат дека топол туш или када се поудобни. Тој вели дека топол туш може да помогне во намалувањето на телесната температура, што може да ви помогне полесно да заспиете и да останете заспани подолго.

Значи, ако ви е премногу топло во жешка ноќ, спиењето голи не е вашата единствена опција. Лесна облека, пространа памучна постелнина, ладна соба и туширање пред спиење можат да бидат едноставни начини да ви помогнат да се справите со топлината.

Фото: ВИ

Извор: Индекс.хр

Тагови: спиење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два инциденти за помалку од 24 часа: Уште еден воз излета од шините во Англија

Патнички воз во Есекс, источна Англија, излета од шините денес, помалку од 24 часа откако во сличен инцидент во воз на релација Лондон-Истборн беа повредени 20 лица.

Два инциденти за помалку од 24 часа: Уште еден воз излета од шините во Англија

Според фотографиите од местото на настанот, возот со девет вагони излетал од шините и удрил во надземна жичана греда кога застанал, објавува Телеграф.

Излетувањето од шините се случило само неколку часа откако лидерите во индустријата инсистирале дека железниците се безбедни за употреба во топло време.

Инцидентот се случил на најжешкиот ден во годината, кога температурите достигнале 38 степени Целзиусови.

Сликите од местото на несреќата покажуваат дека возот тргнувал од Саутенд Викторија кон Лондон Ливерпул Стрит во 13:51 часот.

Засега нема информации дали има повредени во инцидентот.

Тагови: Англија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер