Други спортови

Стефанов: Испишавме историја, македонските пара алпски скијачи освоија ФИС бодови

За прв пат, македонски пара алпски скијачи учествуваа на ФИС трки и при тоа се покажаа во добро издание.

Станува збор за Зоран Јовановски и Вангел Тркаљанов, кои со тренерите Јане Стефанов и Петар Илев, ја претставија Македонија на трките во Зурс, Австрија изминатиот викенд.

-На двете трки, Зоран Јовановски го освои одличното седмо место и заработи ФИС поени, што претставува значаен успех за македонскиот пара спорт. Вангел Тркаљанов, иако не успеа да ја заврши трката, покажа храброст и посветеност, поставувајќи основа за понатамошни успеси, изјави тренерот Стефанов.

Претстојат уште предизвици според ФИС календарот, каде со нетрпение го очекуваме учеството на нашите натпреварувачи, додаде Стефанов.

Воедно, започнуваат и подготовките за предвидените кампови за пара скијање, кои ќе бидат клучни за натамошниот развој на овие македонски спортисти.

Свет

Сирени за тревога и експлозии во Ерусалим, ден пред прекинот на огнот во Појасот Газа

Во Ерусалим изутрината одекнале експлозии, набргу откако се огласиле сирените за тревога во градот и централниот дел на Израел, ден пред стапување во сила на договорот за прекин на огнот во Појасот Газа и ослободување на заложниците.

Израелската војска соопшти дека проектили биле истрелани кон Израел од Јемен, но биле пресретнати и уништени од проиввоздушната одбрана.

Јеменските бунтовници Хути започнаа напади на израелска територија по избувнивањето на војната во Појасот Газа, тврдејќи дека се солидарни со Палестинците.

По објавувањето на прекинот на огнот во Појасот Газа, Хутите предупредија дека ќе продолжат со нападите доколку Израел не ги почитува условите од договорот.

Македонија

Посебен сообраќаен режим во Скопје за Водици

По повод верскиот празник Богојавление-Водици, утре ќе има посебен режим на сообраќај на одредени сообраќајници во централното градско подрачје на Скопје, како и во општините Ѓорче Петров, Кисела Вода и Аеродром. 

СВР Скопје соопшти дека во центарот на градот за сообраќај ќе биде затворена улицата „Филип Втори Македонски“ на потег од крстосница со булеварот „Гоце Делчев“ до крстосница со улицата „11-ти Октомври“ во двете насоки.

Во општина Кисела Вода за сообраќај ќе бидат затворени улиците „14-ти Декември“ и дел од улицата „Христо Татарчев“ до салата „Расадник“.

Во општина Ѓорче Петров за сообраќај ќе бидат затворени сообраќајницата од црквата „Свети Петар и Павле“, булеварот „Партизански Одреди“ до улицата „Ѓорче Петров“, потоа улицата „Ѓорче Петров“ до улицата „Васил Чакаларов“, како и од црквата „Свети Пантелејмон“, улицата „Козле“, дел од улицата „Васил Чакаларов“ до Железничкиот мост на реката Вардар.

Ракомет

Познато е зошто се лутат Холанѓаните- Македонец го плукнал селекторот, кој збеснал

Незадоволство и луто скандирање на натпреварот помеѓу Холандија и Македонија (37:32 часот) во второто коло на Светското ракометно првенство во Вараждин.

Македонците незадоволни од резултатот и од судиските одлуки го гаѓаа теренот со предмети. Исплашените Холанѓани морале да побегнат, објави Индекс.

Холандски НОС пишува дека македонски навивач го плукнал холандскиот селектор Стафан Олсон, а тоа наводно го потврдил и портпаролот на холандската репрезентација. Потоа шокираниот Холанѓанец побегнал во соблекувалната пред да биде доделена наградата за играч на натпреварот. Легендарниот Швеѓанец Олсон бесно се сврте кон Македонците и кратко им аплаудираше на своите играчи и навивачи пред конечно да замине во соблекувалната.

"Тоа беше голема драма, многу тесна игра. Холанѓаните секогаш беа чекор понапред од Македонците. Заврши во хаос, последните минути завршија со фрлање предмети на теренот. Македонските навивачи ги избркаа Холанѓаните надвор од теренот. “, објави новинарот на ТВ2, Сорен Ридц.

"Човеку, почнаа да нѐ гаѓаат со секакви предмети. Вакво нешто не сум доживеал. Очигледно е така на Балканот. Во еден момент кога требаше да ја фрлам топката, тие го полеаја со вода голот. Апсолутно лудо, ова нема никаква врска со ракометот.“

притисни ентер