Македонија

Стартуваше „Училишната кошничка“ – колку трговците ја почитуваат мерката?

Училишни раци намалени од 2300 на 1190 денари, фломасатери од 240 на 204 денари.

Стапи на сила мерката „Училишна кошница“, која има за цел да го заштити стандардот на граѓаните во пресрет на новата учебна година и мерката ќе трае цел месец, односно до 15 септември.

Екипата на Канал 5 направи обиколка низ неколку книжарници во главниот град. На излозите излепени рекламни постери со намалување на дел од училишниот прибор. Внатре нашата камера регистрираше дека трговците веќе ги подготвиле новите цени, споредбено со старите.

Дел од граѓаните кои ги затекнавме во книжарниците, сметаат дека оваа одлука на Владата е добра. Оптимисти се дека истата ќе даде резултати на средината на септември.

Со оваа одлука трговците на мало и големо се обврзаа цените на училишниот прибор како тетратки, ранци, моливи, боици, фломастери, калкулатори, ножици, лепак и други исновни материјали, да се вратат на нивото од 1 јуни и на истите да се даде попуст од најмалку 10 проценти кај трговците на големо и 15 отсто кај трговците на мало.

Доколку има трговци кои нема да ја почитуваат мерката, може да се соочат со драконски казни и до 10.000 евра, најави заменик-министерот за економија и труд, Марјан Ристески.

Како што соопштија деновиве од Министерството за економија и труд, за контрола на спроведувањето на одлуката на терен ќе бидат присутни инспекторите на Државниот пазарен инспекторат и ќе делуваат согласни нивните законски надлежности.

Мерката „училишна кошничка“ во земјава се спроведува по вторпат. Лани беше спроведена со извесно задоцнување и нејзиниот почеток беше од 15 септември.

Тагови: „Дурмо турс“ учениците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдена средба на Трамп, Си Џинпинг и Путин в четврток во Кина

Белата куќа потврди. Следната недела во четврток во кинескиот град Шенжен ќе се одржи состанок на Доналд Трамп, Си Џинпинг и Владимир Путин, на маргините на Самитот на Азиско-пацифичката економска соработка -АПЕК.

Портпаролката на Белата куќа, Оливија Велс, изјави дека една од главните теми на разговорите ќе биде намалувањето на нуклеарното оружје. Претседателот јасно стави до знаење дека ќе се занимава со прашањето за намалување на нуклеарното оружје во светот. Американски претставник, кој зборувал под услов на анонимност, открил дека Трамп планира на средбата да го отвори и прашањето за Иран, а темата за Украина најверојатно нема да биде дел од трилатералните разговори, бидејќи сад водат одделни дипломатски процеси со Киев и Москва, во кои Кина не учествува. Американскиот претседател ќе отпатува во азија во понеделник, а според најавите, најпрво ќе ги посети филипините, по што ќе замине за шенжен, каде ќе се одржи самитот на АПЕК.

Тагови: Владимир Путин Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција.

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кравите од Крива Паланка осамнаа во светските медиуми

Кравите од Крива Паланка го обиколуваат Светот.

Веста дека стотици говеда шетаат слободно низ градот го објавија неколку угледни светски медиуми, како Асошиејтед прес и Еуроњуз, каде што случајот со кравите се најде во познатата рубрика „без комента“.

Медиумите наведуваат дека жителите на Крива Паланка, опишана како земјоделски град, се бори со повеќе од илјада крави кои им ги уништуваат имотите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.