Старата училишта зграда во Тресонче ќе се ревитализира во мултифункционален културен центар - Канал 5

Култура

Старата училишта зграда во Тресонче ќе се ревитализира во мултифункционален културен центар

Според објавата на Министерството за култура, во Програмата на Владата за капитални дотации во единиците на локалната самоуправа за оваа година обезбедени се 40 милиони денари.

Старата училишта зграда во Тресонче ќе се ревитализира во мултифункционален културен центар

Општина Маврово и Ростуше информираше дека во Владата на Република Македонија, во присуство на министерката за култура Бисера Костадиновска – Стојчевска се одржала координација за искористување на одобрените средства за капитални дотации до единиците на локалната самоуправа во областа на културата за 2023 година.

Со оваа програма Општина Маврово и Ростуше добила проект за реконструкција на стара училишна зграда во село Тресонче, родното село на познатиот Дичо Зограф, која ќе се ревитализира во мултифункционален културен центар.

- Со вакви инвестиции ќе создадеме соодветни услови каде што ќе се одржуваат бројни културни настани и ќе се привлекуваат повеќе посетители и туристи кои ќе се запознаваат со културата, историјата и убавините на нашата општина, вели градоначалникот Медат Куртовски.

Според објавата на Министерството за култура, во Програмата на Владата за капитални дотации во единиците на локалната самоуправа за оваа година обезбедени се 40 милиони денари.

Се поддржуваат девет проекти кои обезбедуваат рамномерен развој на државата и се инвестиција за развој на културата низ целата земја.

- Маврово и Ростуше во село Тресонче и Општина Кривогаштани ќе добијат мултифункционални културни центри. Културниот центар во Валандово ќе се санира, а со тоа се обезбедуваат современи услови за работа, инвестираме и во сценската инфраструктура на Крушево како важен културен, историски и туристички центар, како и во живописното Кратово, град кој е сѐ поатрактивна туристичка и културна дестинација. Започнуваме проекти за реконструкција и адаптација на зградата на Центар за култура Крива Паланка, како и за почеток на изградба на дом на култура во Општина Чашка, објави министерството.

Се додава дека се продолжува со реконструкција на Спомен-домот „АСНОМ“ во Делчево, како и со изградбата на Домот на културата во с. Куклиш, Струмица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Заборавете ги џиновските екрани и вештачката интелигенција – возачите го сакаат ова

Што најмногу сакаат купувачите кај нов автомобил? Греењето на седиштата е на прво место.

Заборавете ги џиновските екрани и вештачката интелигенција – возачите го сакаат ова

Производителите на автомобили сè повеќе инвестираат во напредни технологии и дигитални системи, но истражувањето на „AutoPacific“ покажува дека купувачите сè уште најмногу ги ценат практичните карактеристики што ги користат секој ден.

Во анкета спроведена меѓу повеќе од 19.000 возачи кои планираат да купат автомобил во следните три години, дури 47 проценти од испитаниците рекле дека греењето на седиштата е нивната најпосакувана опрема во ново возило, пишува „Motor1“.

Веднаш зад него се предните и задните сензори за паркирање (45%) и автоматското сопирање при возење наназад (44%).

Исто така, голем интерес постои за електрично прилагодливи предни седишта, помош при промена на лента, адаптивен темпомат со одржување на лента, предупредување за возила што се приближуваат од страна при излегување од паркинг место, безжично полнење на телефон и вградена камера.

На листата на најбарани опции се наоѓа и погон на сите тркала, што е важно за 39 проценти од испитаниците.

Анкетата, исто така, покажа дека возачите сè повеќе им веруваат на напредните системи за помош. Дури 62 проценти од испитаниците изјавиле дека немаат проблем да го остават својот автомобил да извршува одредени задачи, како што се задржување на возилото во лента или автоматско паркирање. Ова е повеќе отколку во претходните години, што покажува дека довербата во современите безбедносни технологии продолжува да расте.

Извор: Б92

Фото: ВИ

Тагови: греење на седишта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија воведува ограничувања: Стотици населби под највисоко ниво на предупредување

Екстремната топлина и ниското ниво на водата на Дунав предизвикаа проблеми со водоснабдувањето во Унгарија. Ограничувања на водата се воведени во повеќе од 600 населби.

Унгарија воведува ограничувања: Стотици населби под највисоко ниво на предупредување

Екстремна суша и долготраен топлотен бран сè повеќе ја погодуваат Унгарија, каде што ограничувања на водата за пиење се воведени во стотици населби. Властите предупредуваат дека последиците од високите температури не влијаат само на водоснабдувањето, туку и на енергетската инфраструктура.

Според унгарската влада, мерки од прво ниво се воведени во 465 населби, мерки од второ ниво на 151 место, додека најстрогите ограничувања се на сила во 13 населби.

Ниското ниво на водата на Дунав е особено загрижувачко. Нивото на реката во Пакш се спушти на само 135 сантиметри, поради што властите преземаат дополнителни мерки за да обезбедат стабилно работење на нуклеарната централа Пакш.

Дополнителни лебдечки пумпи се инсталирани на пумпните станици, додека резервни единици се распоредени во пристаништето и на копно за да се обезбеди непречено ладење на објектите.

Работната група за одбрана ја разгледува состојбата со снабдувањето со енергија и последиците од недостигот на вода, додека метеоролозите предвидуваат дека екстремните температури ќе продолжат.

Највисокото предупредување за топлотен бран, ниво три, би можело да остане на сила, а нов бран на екстремна топлина се очекува од 6 до 11 август.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужасна несреќа во Германија: Се судрија два трамваи, десетици повредени

Повеќе од 25 лица се повредени денес во судир меѓу два трамваи во западниот германски град Гелзенкирхен, при што три лица се во критична состојба, соопштија локалните власти.

Ужасна несреќа во Германија: Се судрија два трамваи, десетици повредени

Според првичните информации, трамваите се движеле еден по друг во близина на стадионот на Шалке кога првиот трамвај одеднаш закочил, објави Билд.

Полицијата соопшти дека трамвајот, кој се користел за обука, нагло застанал, а потоа трамвајот со патници се удрил во него.

„Околу 25 лица се повредени, од кои седум потешко. Тројца од седумте се во сериозна состојба“, изјави портпаролката на полицијата за Билд.

На повредените им е укажана прва помош на местото на настанот, а оние со потешки повреди се однесени во болници.

Областа околу Курт-Шумахер-Штрасе, главната сообраќајница во градот, беше затворена во двата правци по несреќата.

Една лента беше повторно отворена за сообраќај во шпицот доцна попладне.

Причината зошто тренинг трамвајот одеднаш закочил сè уште не е утврдена, а специјално обучен тим е на лице место за да ја испита несреќата.

Тагови: Германија трамвај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер