Стадионот во Општина Илинден ќе добие трибина за 1100 гледачи – Ристовски: Вложувањата во спортската инфраструктура се инвестиција во иднината - Канал 5

Македонија

Стадионот во Општина Илинден ќе добие трибина за 1100 гледачи – Ристовски: Вложувањата во спортската инфраструктура се инвестиција во иднината

Министерот за спорт Борко Ристовски заедно со градоначалникот на Општина Илинден, Александар Георгиевски, денеска присуствуваше на поставувањето на камен темелникот на новата трибина.

Стадионот во Општина Илинден ќе добие трибина за 1100 гледачи – Ристовски: Вложувањата во спортската инфраструктура се инвестиција во иднината

Министерот за спорт Борко Ристовски заедно со градоначалникот на Општина Илинден, Александар Георгиевски, денеска присуствуваше на поставувањето на камен темелникот на новата трибина и административно техничките простории на фудбалскиот стадион.

Трибината ќе биде со капацитет од 1100 гледачи, а во склоп на проектот што го спроведува локалната самоуправа е предвидено и изградба на нови административно технички простории, соблекувални и поставување на стадионското осветлување, како и изградба на паркинг и уредување на просторот околу стадионот. Правата фаза од проектот опфаќа комплетна реконструкција на фудбалскиот терен со поставување на вештачка трева и нова заштитна ограда и изградба на систем за дренажа со што се доби професионална подлога за одржување на фудбалски натпревари на стадиониот кој е изграден според современите стандарди и критериуми на УЕФА.

Министерот Ристовски истакна дека вложувањата во спортската инфраструктура се вложувања во развојот на спортот и во здрава иднина и посочи дека општина Илинден е една од водечките во тој дел.

-Секогаш ми претставува задоволство кога сум гостин на вакви настани кои оставаат трајни вредност и кои оставаат белег и на општината, во конкретниов случај на општина Илинден. Сите овие вложувања во спортската инфраструктура се многу важни за Министерството за спорт и за Владата, затоа што тоа се работи кои остануваат и по нашето заминување за две, три, пет или десет години. Тоа се работите на кои што сме фокусирани и ова едно продолжување од страна на градоначалникот на општина Илинден, на она што е зацртано како стратегија од стана на Министерството и на Владата за континуирано вложување во спортската инфраструктура. Многу е важно да создадеме услови за сите дечиња да може да спортуваат, да се развиваат и да се рекреираат и еден ден да станат врвни спортисти. Спортската инфраструктура е важен дел за развојот на спортот – рече Ристовски, истакнувајќи дека Министерството за спорт секогаш ќе биде вистински партнер и ќе и помога на секоја општина која вложува во спортската инфраструктура.

Изградбата и реконструкцијата на спортската инфраструктура е еден од приоритетите во програмата на Министерството за спорт, како основа за развој и унапредување на спортот и промоција на активен и здрав начин на живот во современи и безбедни услови во урбаните и во руралните средини низ целата држава.

Тагови: Борко Ристовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Почина Бразилка која скокнала банџи од мост висок 40 метри, заборавиле да и го прицврстат јажето

Дваесет и едногодишната манекенка Марија Едуарда Родригес де Фреитас почина откако паднала од мост висок 40 метри во Бразил, откако персоналот не успеал да прицврсти јаже за банџи на нејзиниот појас.

Почина Бразилка која скокнала банџи од мост висок 40 метри, заборавиле да и го прицврстат јажето

Трагедијата се случила на мостот Понте до Ескелето во Лимеира, во државата Сао Паоло, а девојката објавувала возбудени пораки на социјалните мрежи непосредно пред скокот, објави Unilad.

Застрашувачко видео кое стана вирално го прикажува моментот кога тројца инструктори ја креваат девојката, која стои со раширени раце, и ја фрлаат од работ на мостот. Додека таа паѓа, ужаснатите сведоци почнуваат да викаат на португалски. „Јаже, луѓе, јаже!“, извикаа тие. Јажето за банџи, сепак, не било врзано за неа, туку било оставено да лежи на мостот.

Само неколку минути пред фаталниот пад, девојката сподели фотографии од своите нараквици за скокање на својот Инстаграм профил. „Кој е овој луд човек што ме убеди да скокнам од мостот?“, напиша таа на шега во еден од своите постови.

Шест лица уапсени

Итна помош беше повикана на местото на настанот, но за жал, тие можеа само да ја прогласат Марија Едуарда Родригес де Фреитас за мртва. Нејзиното тело беше однесено во Институтот за судска медицина, а локалните власти започнаа истрага за да утврдат дали постојат основи за поднесување кривични пријави.

Локалните медиуми објавија дека шест лица се уапсени на местото на настанот, од кои две се обиделе да избегаат по несреќата. Полицијата истражува дали небрежноста придонела за трагедијата. Според „CNN Brasil“, Инстаграм профилот на компанијата што ги организираше скоковите оттогаш е избришан, како и „WhatsApp“ групата преку која беа споделени информации за настанот.

Трагедијата, исто така, покрена прашања за јавниот пристап до самиот мост, што доведе до спор меѓу градот Лимеира и федералната влада на Бразил. Градскиот совет на Лимеира најави тужба против федералната влада за дозволување јавен пристап до опасниот мост. Таа тврди дека мостот е под федерална надлежност и дека со месеци предупредува за ризикот од слободен пристап.

Извор: Индекс.хр

Тагови: Бразилка банџи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. 

Утре сончево и топло со мала до умерена облачност

Ќе дува слаб до умерен ветер, во западните од западен, кој наместа повремено ќе засилува, а долж Повардарието и во источните делови од југоисточен правец.

Минималната температура ќе биде во интервал од 7 до 16, а максималната ќе достигне од 27 до 34 степени.

Во Скопје, сончево и топло со мала облачност. Ќе дува слаб до умерен ветер претежно од југоисточен правец. Минималната температура ќе се спушти до 13, а максималната ќе достигне до 34 степени.

Во текот на новата седмица ќе преовладува топло време. Во вторник ќе има локален развој на нестабилна облачност, а во среда на повеќе места се очекува нестабилно време со пороен дожд, грмежи и засилен ветер. Од четврток ќе преовладува сончево време со променлива облачност во текот на денот.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху му го честита 80-тиот роденден на Трамп: „Мирот доаѓа преку силата“

Израелскиот премиер Бенјамин Нетанјаху денес му го честиташе 80-тиот роденден на американскиот претседател Доналд Трамп со пораката дека „мирот доаѓа преку силата“.

Нетанјаху му го честита 80-тиот роденден на Трамп: „Мирот доаѓа преку силата“

„Среќен роденден, Доналд“, напиша Нетанјаху на мрежата „X“, истакнувајќи дека роденденот на Трамп оваа година доаѓа во „соодветно време“, кога „Америка, голема нација изградена врз слободата и верата слави 250 години слобода“.

Нетанјаху рече дека мирот доаѓа преку силата, што е можен коментар за новиот Меморандум за разбирање со Иран.

„Ви посакувам континуирана сила и енергија додека ја водите Америка кон светла иднина на мир постигнат преку силата и додека продолжуваме да го воздигнуваме сојузот САД-Израел на сè поголеми височини“, напиша Нетанјаху.

Тагови: Бенјамин Нетанјаху Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер