Стабилна е состојбата со КОВИД-19, ќе се прави симулација за можна појава на петти бран - Канал 5

Здравје

Стабилна е состојбата со КОВИД-19, ќе се прави симулација за можна појава на петти бран

 Состојбата со КОВИД-19 во државата е стабилна. Надлежните сметаат дека постојните ковид мерки треба да останат, иако 99 отсто од нив се укинати.

Стабилна е состојбата со КОВИД-19, ќе се прави симулација за можна појава на петти бран

Во моментов пак, се планира третманот на постковид пациентитите.

-Состојбата е стабилна и линеарна. Секој ден добиваме исти бројки, така што засега е мирно и немаме некој аларм што се најавува за во иднина, смета министерот за здравство, Беким Сали.

Тој вчера најави дека Комисијата за заразни болести ќе продолжи со работа во насока на планирање како да се справиме со постоковидот, а како што рече, целта е и симулација на можна појава на петти бран на ковид инфекции.

–Најавив дека Комисијата ќе продолжи со работа, можеби не со истото темпо, меѓутоа со работа што ќе означува едно планирање како да се справиме со постковидот, дали ќе биде тоа еден објект во кој ќе се третираат сите постковид компликации кај пациенти или пак ќе бидат повеќе клиники ангажирани околу тие пациенти, како ќе ги третираме нив... Една од целите ни е симулација на можна појава на петти бран ковид инфекции. Работиме на тоа. Моментално сме на планирање на третманот на постковид пациентите, рече Сали.

Инаку, согласно податоците од Институтот за јавно здравје, од 13 до 15 мај се регистрирани 176 позитивни случаи на КОВИД-19, од кои 31 се реинфекции. Нема починати лица. Пријавени се две починати лица од април, кои се дополнително регистрирани преку Регистарот на умрени лица со дијагноза КОВИД-19 од Мој Термин.

Во текот на овие три дена, беа направени 2.674 тестови, а од новите случаи во Скопје се 106, Битола 26, Прилеп 7, Штип и Ресен по 5, Куманово, Кавадарци и Охрид по 4, Гостивар и Кочани по 3, Кичево и Берово по 2, Велес, Струга, Гевгелија, Крушево и Демир Хисар по 1. Регистрирани беа 275 оздравени пациенти.

Досега во земјата се направени вкупно 2.038.551 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата достигна 310 859. Бројот на оздравени пациенти е 301 035, а на починати е 9 291. Активни се 533 случаи.

Европската Комисија вчера преку портпаролот за здравство потврди дека го прекинува договорот со фармацевтската компанија Валнева, што претходно беше потпишан, за набавка на вакцината против Ковид-19.

Портпаролот за здравство на Европската Комисија, Стефан Де Керсмакер, ја потврди информацијата вчера на редовниот брифинг за новинари во Брисел, но не соопшти детали за причините.

Валнева изрази жалење поради оваа одлука и преку соопштение истакна дека компанијата не е обврзана да ги врати парите од набавката.

Валнева е француска фармацевтска компанија специјализирана во вакцини како полио и Лајм. Нејзината вакцина против Ковид-19 е одобрена во други земји, како Обединетото Кралство. Вакцината на оваа компанија е развиена по традиционален метод на деактивиран аденовирус, за разлика од Фајзер и Модерна кои развија мРНА вакцини.

Во однос на состојбата со КОВИД-19 во Европа, во Германија останува задолжително носење на заштитна маска на летовите, и покрај олеснувањето на мерките за епидемијата во Европската унија, соопшти вчера германското Министерство за внатрешни работи.

Според протоколите, „FFP2" или медицинските маски мора да се реме на целиот лет. Маските може да се симнат само додека патниците јадат или пијат за време на летот.

Министерството објасни дека правилото за носење маски е во согласност со новите препораки на ЕУ.

Во меѓувреме, севернокорејскиот лидер Ким Џонг Ун ѝ нареди на војската да ја стабилизира дистрибуцијата на лекови за Ковид-19 во Пјонгјанг, во борбата против првото потврдено избивање на вирусот во земјата, јавија државните медиуми.

Минатата недела, Северна Кореја информираше за првото избивање на „експлозивна" епидемија, откако над две години тврдеше дека во земјата нема заразени. Експерти предупредуваат оти тоа може да предизвика бројни проблеми во земјата, што е ограничена со медицински залихи и без програма за вакцинација.

Запрено е ширењето на коронавирусот во поголемиот дел од Шангај, а нешто помалку од еден милион луѓе сè уште се во карантин.

Локалните власти таму вчера соопштија дека градот постепено се отвора, но економските податоци го покажуваат негативното влијание на кинеската стратегија „нулта ковид".

Во САД пак, бројот на смртни случаи од почетокот на пандемијата на Ковид-19 од вчера се искачи на еден милион, помалку од две и пол години од почетокот на пандемијата.

Бројот на починати е утврден врз основа на посмртници од Центарот за здравствена статистика на Американскиот центар за контрола и превенција на болести. Се проценува дека вистинскиот број на директни или индиректни смртни случаи од Ковид-19 е многу поголем, поради нарушувања во здравствениот систем. Пред три месеци, вкупно во САД имаше вкупно 900 000 починати од Ковид-19.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Ќерката на Македонката, која во Улцињ прегази куче: Го растргна нашето ши-цу, газдата ни се закануваше (ВИДЕО)

Ќерката на Сашка Стојаноска, Македонката уапсена во Улцињ откако со својот автомобил прегазила куче, тврди дека шарпланчанецот прво го нападнал и го убил нивното куче, а потоа ги нападнал и членовите на нејзиното семејство.

Ќерката на Македонката, која во Улцињ прегази куче: Го растргна нашето ши-цу, газдата ни се закануваше (ВИДЕО)

Таа рече дека на видеото се гледа и нивното мало куче Ши Цу, кое претходно го убил шарпланинецот, тежок повеќе од 50 килограми. Според нејзините зборови, кучето влегло во нивниот стан, им го растргнало домашното милениче пред нив, а подоцна ги нападнало, меѓу кои и нејзиниот малолетен брат. Според неа, шарпланинецот бил „удрен од автомобил за да го одвои од неа и од кучето што умрело“, пренесе Телеграф.

Таа додаде дека шарпланчанецот имал сопственик кој по настанот им се заканувал пред станот заедно со група пријатели. Според неа, „газењето било обид на мајката да ги одбрани децата и нивниот миленик“.

Обвинителството во Улцињ соопшти дека на жената ѝ е одредена мерка притвор во траење од 72 часа. Таа е осомничена за кривично дело убивање и мачење животни, како и уништување на нивното живеалиште.

Тагови: куче Улцињ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Џошуа по победата бара да му дадат албанско знаме (ВИДЕО)

Ентони Џошуа го победи Кристијан Пренга со прекин во второто коло во неговата камбек борба во Џеда, Саудиска Арабија. 

Џошуа по победата бара да му дадат албанско знаме (ВИДЕО)

Победата дојде по голема драма. Џошуа преживеа два нокдауни во првата рунда. Но, Албанецот беше истрошен и Џошуа веќе во второто коло го приведе мечот кон крајот.

Британците по победата побараа од публиката да му го даде албанското знаме. Кога го добил, го ставил на рамо, додека на другото рамо стоело знамето на Велика Британија. Погледнете како тоа изгледаше.

Следен противник на Џошуа е Тајсон Фјури

За Џошуа следната борба е против сонародникот Тајсон Фјури. Долгоочекуваната борба меѓу двајцата Британци е закажана за ноември 2026 година, но се уште не е одреден датум. „Го потпишавме договорот, се е договорено“, изјави менаџерот Еди Херн по синоќешната борба.

Борбата меѓу Џошуа и Фјури, двајцата од најпознатите британски боксери, наводно е закажана за ноември. Иако ниту еден од нив не е на врвот на својата кариера, комерцијалниот интерес е огромен. Натпреварот се очекува да биде проследен на Нетфликс.

Британските навивачи се надеваат на борбата дома, но организаторите и радиодифузерите од Саудиска Арабија, наводно, ги претпочитаат САД поради американскиот пазар. Како една од опциите со години се споменува британскиот национален фудбалски стадион Вембли.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

CNN: Венс и шефот на армијата го рпедупредија Трамп на опасност од ескалација на војната со Иран

Потпретседателот Џ.Д. Венс и началникот на генералштабот Ден Кејн предупредија за можноста за ескалација на војната со Иран на состанокот што го одржа претседателот Доналд Трамп во Белата куќа во петокот.

CNN: Венс и шефот на армијата го рпедупредија Трамп на опасност од ескалација на војната со Иран

Во исто време, САД се чини дека привремено ја прекинаа својата кампања за бомбардирање против Иран по речиси две недели континуирани ноќни напади. Информацијата беше потврдена за CNN од извор запознаен со ситуацијата и американски функционер, пишува CNN.

Предупредувања и последици за муницијата

Воените операции во моментов се „на чекање“, потврди извор од Министерството за одбрана за CNN во саботата. На состанокот во петокот, генералот Кејн конкретно го истакна проблемот со американските залихи на муниција и предупреди за други можни негативни последици, според изворите.

Според еден од изворите, Кејн му рекол на Трамп дека војската може да ги спроведе достапните опции, но веднаш предупредил за можните последици од таков потег. Проблемот со залихите беше само едно од низата за кои Трамп беше предупреден за време на состанокот, рекоа двата извори. Сè уште не е јасно дали овие предупредувања се главната причина за прекин на нападот или паузата ќе продолжи.

Бела куќа: Дипломатијата е приоритет

„Претседателот Трамп постојано изјавува дека е за дипломатско решение, но сите опции остануваат отворени ако Иран продолжи со своите терористички активности во Ормутскиот теснец или против нашите сојузници“, рече директорот за комуникации на Белата куќа, Стивен Чунг.

„По успешните санкции кои сериозно ја оштетија економијата на Иран и 13-дневните напади врз воени цели како одговор на нивната агресија, Иран би било мудро да работи кон договор. Инаку, тие знаат што доаѓа“, додаде тој. CNN, исто така, контактираше со канцеларијата на потпретседателот Венс за коментар.

Трамп помеѓу преговорите и заканите за ескалација

Во петокот, разговарајќи со новинарите по состанокот на кабинетот, Трамп потврди дека американските претставници активно преговараат со Иран. Сепак, тој додаде дека војската би можела да продолжи со нападите или дури и да „ја зголеми температурата“. Тој, исто така, рече дека Иран сега се чини дека има „посериозен“ пристап кон преговорите.

Според еден извор, администрацијата на Трамп разговарала за можни модели за ескалација на конфликтот уште во петок попладне. Државите од Персискиот Залив повикаа на воздржаност во разговорите со американските претставници, но исто така признаа дека САД имаат единствена способност да го ескалираат конфликтот доколку одлучат.

Ситуацијата доаѓа во време кога клучните резерви на оружје на САД се веќе сериозно исцрпени и би можеле дополнително да се исцрпат доколку продолжат нападите врз Иран, како што претходно објави CNN. Иако Трамп јавно зборуваше за можноста за масовен удар, тој приватно им кажа на своите преговарачи да „продолжат да разговараат“.

Пентагон се сомнева

Ова ги истакнува ограничувањата со кои се соочува во воените операции што не вклучуваат копнени сили. Според повеќе извори, малкумина во внатрешниот круг на Трамп или во Пентагон веруваат дека таквите ограничени воени опции би ги дале посакуваните резултати.

Кејн и други воени команданти го предупредија Трамп пред војната дека продолжената кампања би можела да ги исцрпи резервите на оружје. „Американската војска е најмоќна во светот и има сè што е потребно за да дејствува во време и место што ќе го избере претседателот“, рече портпаролот на Пентагон, Шон Парнел.

„Успешно спроведовме бројни операции низ целиот свет, а воедно осигуривме дека војската има огромен арсенал за да ги заштити нашите луѓе и интереси“.

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер