СССР – земјата во која е направена првата успешна промена на полот - Канал 5

СССР – земјата во која е направена првата успешна промена на полот

Малкумина знаат дека првата успешна операција за промена на полот е изведена во СССР во 1972 година. Претходно хирурзите не се нафаќале на ваква операција, освен кога им помагале на луѓето што се родиле како хермафродити. Одлуката за операција ја донеле медицински стручњаци, психијатари и државното раководство. Мажот кој настанал со оваа операција среќно доживеал 70 години старост и двапати се женел.

СССР – земјата во која е направена првата успешна промена на полот
Зимата 1968 година во кабинетот на советскиот хирург Виктор Калнберз во Рига влегла атрактивна бринетка. „Знам дека ќе сакате да ме премислите. Не обидувајте се. Сигурна сум: природата по грешка ме има направено жена. Ве молам да го исправите овој пропуст“.

Во ноември 1972 година пациентката ја напуштила клиниката. Овој пат со ново, машко тело и нови документи. Тоа била првата успешна операција на промена на полот. Не само во Советскиот Сојуз, туку и во светот. Претходните четири операции биле направени на хермафродити.

Но, наместо да прими честитки, доктор Калнберз за малку не ја изгубил работата и не отишол во затвор. Операцијата за промена на пол не е единствената „интимна“ област во медицината во која академик Калнберз бил пионер. Тој ја измислил единствената за тоа време процедура на вградување протеза за лекување импотенција и на тој начин им помогнал на многумина советски мажи кои имале ваков вид проблем. Но, лекувањето импотенција немало важно место во идеологијата на земјата.

Мене таа [денешната] ситуација ме доведува до ужас – непостоење граници, контрола, кога човек штом ја почувствува привлечноста кон претставник на својот пол веднаш оди кај хирург. А, хирургот за пари е подготвен да прекрои сè.


Виктор Калнбернз вели дека не знае ништо за понатамошниот живот на пациентката и дека не го знае нејзиното ново име. Кога се родила таа била Ина. „Тој многу се плашеше дека може да се дознае за операцијата. Затоа, кога го пуштаа од болница и му ги дадоа документите, го замолив да не ми го кажува своето име, ниту, пак, адресата. Не го знаев дури ни неговиот телефонски број. Единствено што побарав е понекогаш да ми се јавува и да ми раскажува за својата состојба. Последен пат го слушнав пред пет години. Тогаш имаше речиси седумдесет години“, вели хирургот.

А, кога Ина за првпат го пречекорила прагот на кабинетот на директорот на Латвискиот научно-истражувачки институт за трауматологија и ортопедија Виктор Калнбернз, имала нешто помалку од триесет години. Била талентиран и перспективен инженер, единствена и сакана ќерка во семејството, мошне привлечна жена.


Операција или самоубиство

Од писмото на Ина до Калнбернз: „...Од најраното детство во мене живееше цврсто уверување дека сум момче. Имав чисто машки склоности и тежнеења, кои постепено ме оддалечуваа од луѓето, ме лишија од можноста да имам пријатели и семејство... Кога имав 12 години ја доживеав првата љубов, но кон личност од женски пол. Ова чувство за првпат со сурова реалност ми ја откри сета безнадежност на мојата положба. (...) Јас немам и не можам да имам никаква надеж дека некој еден ден ќе ме ослободи од потребата да живеам под маска, да носам облека која во мене предизвикува одвратност, да се преправам, дури и во кругот на најблиските и на најродните. Сега имам 30 години (...) И дури ако по некое чудо почувствувам привлечност кон маж, за мене е сосема невозможно во четвртата деценија од животот да започнам од темел да го менувам својот живот, да учам чисто женски работи и навики за кои имам само мошне нејасна претстава. Кога би морала и тие работи да ги правам со сила, подобро е да се обесам...“

Советскиот маж кој бил создаден од страна на медицината, сиот свој понатамошен живот работел како инженер и се оженил двапати. Трагите од операцијата ги објаснувал со сообраќајна незгода.

„Во тој момент веќе имав оперирано неколку лица кои беа родени како хермафродити и сè поголем углед стекнуваше мојата програма за помош на мажите кои ја имаа изгубено својата потенција како последица на ранување. Во принцип, самата операција од овој вид не беше некаква новина“, објаснува доктор Калнбернз.

Дамата која бараше операција зад себе имаше три обиди за самоубиство, меѓу другото и поради невозвратена љубов од жена.


Тајната на новиот маж

Но, поминало многу време пред Ина да стаса на операциската маса. „Сочувствував со Ина, но одлуката за нејзината судбина не зависеше само од мене. Беше повикан конзилиум на кој учествуваа ендокринолози, сексопатолози, гинеколози, психијатари. Сите заклучивме дека во случајов на пациентот не може да му се помогне со традиционални методи. Последниот збор го имаше министерот за здравство на Латвиската ССР. Тој даде дозвола, но, сепак, не потпиша никаков документ“, се сеќава хирургот.

Додека траеле советувањата Калнберз се обидувал малку по малку да собере информации за слични операции во други држави. Излегло дека биле изведени само четири такви операции. Последната од нив била во Чехословачка. Но, од медицинска гледна точка ниту една од овие операции не била изведена до крај. Луѓето по овие операции останувале и маж и жена.

Калнберз раскажува за тоа како се обидувал да ја избегне оваа операција зашто требал да промени нешто што било дадено од природата.

Советувањата траеле две години. На 17 септември 1970 година Ина за првпат легнала на операциската маса. Промената во маж се изведувала во неколку етапи. Денес микрохирургијата овозможува оваа промена да се изведе со една операција. Според зборовите на стручњакот, било мошне тешко овој експеримент да се задржи во тајност.

Новиот маж сакал да ја истакне својата машка надворешност, да се однесува како маж, гласот му станал погруб како последица на хормонска терапија. „Носеше панталони, постојано одеше во гаражата каде се дружеше со шоферите од болницата. Сакаше грубо да пцуе, да пуши и да пие во машко друштво“, се сеќава лекарот.

Мажот кој бил создаден од страна на медицината, сиот свој понатамошен живот работел како инженер и се оженил двапати. Трагите од операцијата ги објаснувал со сообраќајна незгода.

Самиот лекар, пак, го проверувале најразлични комисии, што можело негативно да се одрази на неговата кариера и на неговиот живот, но добил само строг укор. Овој настан се држеше во тајност цели 20 години. Виктор Калнберз работел до своите осумдесетти години. Таканаречените „интимни“ операции се само една од областите на неговата работа. Учествувал во закрепнувањето на космонаутите, на еден пациент му ја продолжил ногата за 60 сантиметри. Но, во сите прирачници по наведувањето на сите негови звања и награди задолжително се споменуваа оваа прва уникатна операција.

Хирургот е сигурен дека денес луѓето имаат премногу лекомислен однос кон промената на полот. „Мене таа ситуација ме доведува до ужас – непостоење граници, контрола, кога човек штом ја почувствува привлечноста кон претставник на својот пол веднаш оди кај хирург. А, хирургот за пари е подготвен да го прекрои. Но, постојат и луѓе кои не можат без такви операции. Мислам, на пример, на оние кои страдаат од 'малигна' трансексуалност. За време на својата работа имам изведено пет вакви операции. И сигурен сум дека на тие луѓе операциите им беа од животна важност“, заклучува Калнберз. /Извор: Руска реч/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Неделен хороскоп за 23. до 30. ноември 2026 година

Неделен хороскоп за периодот од понеделник 23. до 30. номеври 2026 година. 

Неделен хороскоп за 23. до 30. ноември 2026 година

Стрелец 23.11.-21.12.

Љубов

Ќе комбинирате дискреција и гласност.Така , еден ден ќе живеете како кротка личност , врзана за својот дом и доблестите, а веќе следнито ден ќе бидете главна личност на забава , каде сите добро ќес е забавуваат. Оние во врска се добро.

Кариера

Ќе функционирате како спортист , кој своите тренинзи ги одработува со леснотија. Многумина на работното место ќе усовршуваат нови вештини и ќе откриваат детали од професијата. Ќе биде тоа уште една фаза во учењето и напредувањето.Секако добивате.

Здравје и совет

Научете некоја од техниките за релаксација.

Јарец 22.12.-20.1.

Љубов

Веројатно понекогаш ќе се чувствувате осамено , освен ако тоа не е ваш личен избор. Оние во врска ќе минуваат уште еден динамичен период во кое ќе има доста забава , но многу помалку длабоки чувства. Сепак , нема да биде лошо. Само да не очекуваат совршенство.

Кариера

Некои ќе почнат мали работи низ домот и ќе земат неколку дена одмор за да ги завршат. Тоа ќе се покаже како полн погодок. Оние кои остануваат на работното место , ќе ги доработуваат заостанатите обврски , но не е страшно.

Здравје и совет

Батериите ќе ги полните со спорт.

Водолија 21.1.-19.2.

Љубов

Ослободете се од преголемите љубовни очекувања, зашто сега е подобро да се биде реалист отколку идеалист. Не подлегнувајте на искушението за надмудрување. Секогаш кога ќе можете , бидете толерантни и духовити. Ако партнерот ве испровоцира, не го земајте тоа при срце. Тоа е минливо.

Кариера

Некои ваши соработници отворено ќе ви покажат наклонетост , додека ќе има такви кои отворено ќе ви кажат дека не ве сакаат. И едното и другото прифатете го на мирен начин. Барем ќе знаете со кого си имате работа. Држете се до зацртаните правила и не се грижите.

Здравје и совет

Одете на прошетка и добро наспијте се.

Риби 20.2.- 20.3.

Љубов

Издржете го на мир првиот дел од неделата . Другата половина носи подобри љубовни влијанија , кога повторно лесно ќе најдете заеднички јазик со саканата личност. Сепак , внимавајте повремено да не реагирате премногу бурно. Со мала самоконтрола , се ќе биде подобро.

Кариера

Соработката со угледни или стручни лица полека доаѓа во прв план. Вие ќе бидете главното тркало во целата конструкција. Затоа не биодете премногу скромни , туку дозволете си да ги кажете своите амбиции. Искористете ја својата позиција , а уште повеќе можноста.

Здравје и совет

Понекогаш е подобро да се молчи.

Овен 21.3-20.4.

Љубов

Недостигот на интерес за љубов е резултат на премногу забава со пријателите. Оние кои се во подолги врски ќе забележат дека се дистанцираат од саканите поради пријателите. Ништо не ве попречува за сето тоа да го поврзете и споите. Ќе биде забавно во секој случај.

Кариера

Нема да бидете задоволни од приходите , зашто мислите дека можете повеќе. Ограничувањата ќе доаѓаат подари надворешни фактори и засе га никој не може да ги забрза работите. Согледајте што е реалноста и прилагодете се.

Здравје и совет

Тактичноста и дипломатијата се вредни особини.

Бик 21.4- 20.5.

Љубов

Пред вас се нови љубовни можности , а некои од нив ве очекуваат на сосема невообичаени места. Како на пример уметнички им слично.Ќе биде интерсно. Вашата страст ќе биде поголема од вообичаено , а вие ќе бидете привлечни за лицата од спротивен пол.

Кариера

Сакате да видите конкретни резултати , а токму тие ќе се појавуваат деновиве. Можеби нема да биде ништо сензационално , но вие ќе препознаете дека во работата сте тргнале по вистински пат. Ќе биде добро.

Здравје и совет

Препознавате што ви треба , а што не ви е потребно.

Близнаци 21.5.-21.6.

Љубов

Повремено ќе ви изгледа како љубовта да е на некоја друга планета. Чувството на осаменост ќе се засили , но објективно вашата врска е во ред. најдобро е да побарате весели луѓе и да ги заборавите грижите , работејќи го она што навистина го сакате.

Кариера

Работната атмосфера на работното место ќе се засили , а од вас ќе се очекува поголем ангажман. Вашите работни навики некаде заспале , па ќе мора под итно да ги разбудите. Не прашувајте премногу , туку држете се до правилата на работата. Бидете професионални.

Здравје и совет

Опуштајте се со убава музика.

Рак 22.6-22.7.

Љубов

Голем дел од слободното време ќе минувате со сосема обични активности, уживајќи во нечија привлечност. Без голем напор ќе знаете да ги цените ситните уживања , а саканата личност ќе ви возврати со иста мерка. Ќе бидете задоволни и без големи барања.

Кариера

Времето е добро за интроспекција , истѕражување во мир и повлечена работа. Иако и натаму сте поврзани со колегите, многумина нема да ве препознаат кога ќе ве видат како мирно седите и вредно работите без многу фалење и зборување.

Здравје и совет

Кој има уметнички идеи , нека се изрази.

Лав 23.7-22.8.

Љубов

Вашите љубовни апетити ќе бидат големи , а објективните можности малку помали. Сепак , ќе најдете рамнотежам и задоволство. Понекоја фрустрација ќе споделите со пријател или пријателка. Саканата личност ќе се воздржи од критики. Ќе биде главно добро.

Кариера

Пуштете ги другите да се изразуваат , а ако треба и да ве водат. Во овој момент не можете да направите ништо на своја рака. Бидете разумни , трпеливи и верувајте дека подоцна се ќе дојде на своето место.Поинаку не може.

Здравје и совет

Ништо не се случува случајно и вие тоа добро го знаете.

Девица 23.8.-23.9.

Љубов

Вашата љубовна приказна ќе продолжи и покрај цашите сомнежи.Понекогаш ќе бидете навистина збунети од тоа што ви се случува , но реалноста ќе ви донесе задоволство. Ако и натаму ја барате својата љубов , дотерајте се и излезете меѓу луѓе. Само не бидете нападни во настапите.

Кариера

На работа главно ќе се надмудрувате. Ќе наоѓате утеха во приватниот живот. Нема да стоите најдобро со авторитетите , особено не сега. Не инсистирајте на своите идеи , зашто сте во неповолна позиција. Издржете со разум и толеранција.

Здравје и совет

Опуштајте се со добро друштво.

Вага 24.9.-23.10

Љубов

Ќе ви биде важно како да го организирате заедничкиот живот, но и како добро да се забавувате.некои ќе ја смируваат саканата личност и ќе ја расположуваатз ада и ги намалат проблемите. Ќе се покажете како добар и нежен забавувач.

Кариера

Можеби се уште не ги гледате предностите од новата фаза во која влегувате, но интуитивно ќе ги почуствувате. Токму интуицијата оваа недела ќе ви биде главниот водич. Ако се двоумите , само застанете и послушајте го внатрешниот глас. Нема грешка.

Здравје и совет

Побарајте си рекреација .

Шкорпија 24.10-22.11.

Љубов

Шарм и неофицијалност ќе бидат вашите главни адути за заведување оваа недела. Понекогаш за другите ќе бидете енигма , па сепак предајте му се на оној кого го сакате , најмногу зашто подоцна би пожалиле за можноста. Љубовта е се поблиску.

Кариера

Наредните денови веројатно многу нешта ќе ви се ветуваат. Понекогашѓ ќе ви изгледа како да ви нудат работа од бајките , но бидете реални и внимателни.Посебно проверувајте ја легалноста. Се што не е реално , оставете го. нека зборуваат што сакаат.

Здравје и совет

Не претерувајте со јадењето и пиењето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На денешен ден во 1963 година во атентат беше убиен претседателот на САД, Џон Кенеди

Претседателот на САД, Џон Ф. Кенеди е убиен на 22 ноември 1963 година во Далас, додека се возел низ плоштадот Дили, во друштво на сопругата Жаклин и соработници.

На денешен ден во 1963 година во атентат беше убиен претседателот на САД, Џон Кенеди

На денешен ден беше убиен Џон Кенеди, сè уште светот се прашува кој стои зад атентатот, СССР, Куба, ЦИА, мафија или ...? а постојат и бројни теории на заговор.

Претседателот на САД, Џон Ф. Кенеди беше убиен на 22 ноември 1963 година во Далас, додека се возел низ плоштадот Дили, во друштво на сопругата Жаклин и соработници.

Атентатот врз американскиот претседател Џон Ф. Кенеди, извршен на 22 ноември 1963 година во Далас, претставува еден од најзначајните и најтрагичните настани во историјата на Соединетите Американски Држави.

Кенеди бил убиен додека се возел во претседателската лимузина низ плоштадот „Дили“ (Dealey Plaza), во друштво на неговата сопруга Жаклин, гувернерот на Тексас, Џон Конали, и неговата сопруга Нели. Во моментот на атентатот, Кенеди имал 46 години.

Ли Харви Освалд, поранешен маринец кој служел во армијата на САД, бил обвинет за атентатот врз претседателот Кенеди. По атентатот, Освалд бил уапсен и обвинет за убиството на полицаецот Џеј Ди Типит, кој бил убиен неколку минути по атентатот врз Кенеди.

Освалд негирал вмешаност и тврдел дека е невин. Два дена по атентатот, додека го префрлале од градскиот во окружниот затвор, тој е застрелан од сопственик на ноќен клуб во Далас, Џек Руби, .

По атентатот, претседателот Линдон Б. Џонсон ја формирал Комисијата „Ворен“, официјално позната како Претседателска комисија за истражување на атентатот врз претседателот Кенеди.

Комисијата заклучила дека Освалд дејствувал самостојно при атентатот врз претседателот Кенеди. Сепак, многумина ги оспориле тие заклучоци, што довело до бројни теории на заговор.

И покрај официјалните заклучоци, многу Американци веруваат дека атентатот бил резултат на заговор.

Анкетите покажаа дека голем процент од граѓаните се сомневаат во официјалната верзија на настаните. Теориите на заговор вклучуваат наводна вмешаност на ЦИА, мафијата, кубанската или советската влада, па дури и на самиот Линдон Б. Џонсон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„La decima“: Маркез е шампион – има повеќе титули од Валентино Роси!

Марк Маркез стана светски шампион во мотоциклизам по десетти пат во својата кариера, а по осми пат во најсилната категорија.

„La decima“: Маркез е шампион – има повеќе титули од Валентино Роси!

Во Португалија, на 22 ноември, Марк Маркез испиша историја во шампионатот MotoGP и ја освои јубилејната 10-та шампионска титула, а 8-ма во шампионатот MotoGP. Шпанецот сега е мотоциклистот со најмногу освоени титули во историјата на овој спорт!

на маркез на денешната трка му беше доволно и освојување на 9 место за конечен триумф во Мото ФП со оглед на тоа што имаше 55 поени повеќе од Хорхе Мартин и 62 повеќе од Марко Бецеки.

Во текот на трката беше јасно дека „Дукати“ му наложиле на Маркез безбедно да ја заврши трката во првите 10 и да не презема никакви ризици.

Во последниот круг Марко Бецеки пред Хорхе Мартин и Раул Фернандез влегоа со голема предност додека Марк Маркез се бореше за титулата од деветтата позиција. И успеа да стигне до неа.

Тој сега е најтрофејниот возач на сите времиња, додека Валентино Роси е втор со девет освоени титули!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер