ССМ утре на блокада пред владата за повисоки плати - Канал 5

Македонија

ССМ утре на блокада пред владата за повисоки плати

По Собранието и комороте, утре на ред дојде и Владата -  ССМ утре продолжува со серијата блокади со барање за минималец од 600 евра и зголемување на сите останати плати за 100 евра. 

ССМ утре на блокада пред владата за повисоки плати

Целта како што нагласи претседателот на ССМ Слободан Трендафилов е да испратат порака до министрите дека не се откажуваат, додека надлежните и натаму како што вели остануваат глуви пред нив.

Повикувајки се на последните податоци на Меѓународната организација на трудот, според кои македонски работник за еден месец во просек создава речиси 300.000 денари економска вредност, Трендафилов вели дека паѓа во вода аргументот дека македонските работници биле непродуктивни.

-Само 17% од она што го создаваат како капитал на рабодотавачите се слева во платите на работниците или како пример 24.379 изнесува минималната плата месечно а 290.000 денари е продуктивноста која му ја ствара работникот на работодавачот. Сметаме дека после утрешната блокада ќе наидеме на разбирање и од страна на газдите и од страна на работодавачите затоа што видоа дека и покрај сите закани и притисоци не се откажуваме и нема да се откажеме се додека не ја зголемат минималната плата и останатите плати. Се гледаме во 11 часот утре пред Влада,- Слободан Трендафилов – претседател на ССМ.

Следните чекори на синдикатот според најавите се организирање на генерален штрајк во јавниот и приватниот сектор на територијата на целата држава. На тоа ќе претходи организирање на уште еден работнички протест, за што Трендафилов посочи дека времето и местото ќе бидат познати утре, согласно исходот од Владината седница.

- ССМ ќе донесе одлука за организирање на генерален штрајк. Со таа одлука секој еден вработен и во јавниот и во приватниот сектор ќе биде заштитен. Генералниот штрајк според размислувањата треба да трае 24 часа. Барањето на работниците и размислувањето на дел од синдикатите е да се организира уште еден голем работнички протест,- Слободан Трендафилов – претседател на ССМ.

Ставот на Владата е дека Синдикатите и работодавачите треба сами да се договорат за евентуално зголемување на минималната плата, во спротивно, согласно актулениот закон во март таа ќе се усогласи според зголемувањето на поросечната плата и трошоците за живот лани и ќе порасне за оклолу 1.500 денари од сегашните 24.400.

YouTube video

Тагови: ССМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Пронашле змија меѓу лебот во супермаркет, експертите со предупредување: Луѓето не се свесни...

Бројот на напуштени влекачи и други егзотични домашни миленици во Велика Британија е во пораст, според организацијата за спасување животни „Pet Encounter“.

Пронашле змија меѓу лебот во супермаркет, експертите со предупредување: Луѓето не се свесни...

Експертите открија дека змија била пронајдена на полица за леб во супермаркет, а потоа била пренесена во ветеринарна клиника на преглед.

Сопствениците во финансиска криза

Не е познато дали змијата, со прекар „Трошка“, била напуштена или избегала, но „Pet Encounter“ вели дека кризата со трошоците за живот придонела за зголемување на бројот на сопственици кои предаваат змии за кои повеќе не можат да се грижат.

Организацијата спасила 21 змија од почетокот на годината, а 14 биле спасени во целата 2025 година.

Бен Николсон од организацијата истакнува дека грижата за змиите вклучува трошоци за опрема, грејни влошки и светилки, што е дополнителен финансиски товар во време на криза со трошоците за живот.

Недостаток на свест

„Бевме создадени за едукација, но сега размислуваме за промена на нашиот бизнис модел и за да станеме добротворна организација за да можеме да добиеме финансиска поддршка“, рече Николсон.

Тој рече дека недостатокот на свест за егзотичните животни и актуелните трендови, исто така, придонеле за зголемувањето на напуштањето на домашните миленици.

Николсон предупредува дека луѓето често купуваат змии без да бидат свесни за количината на грижа и внимание што му е потребна на таквото животно.

Тагови: змија леб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тунижанец во авион сексуално нападнал онесвестена девојка, која седела до него

Маж е обвинет за сексуален напад откако 22-годишна жена изјави дека маж што седел до неа ја допирал додека била во несвест на лет на „Рајанер“.

Тунижанец во авион сексуално нападнал онесвестена девојка, која седела до него

Девојката летала од Малта до Нант на 19 јули кога изјавила дека 39-годишен Тунижанец што седел до неа наводно сексуално ја нападнал откако се онесвестила, објави Дејли Меил.

Мажот бил уапсен на аеродромот Нант на 31 август откако слегол од лет од Тунис и бил обвинет пред судија во средата. Девојката, која имала главоболка, се онесвестила кратко по полетувањето и паднала напред на масата, а потоа на рамото на сопатникот.

Кога се освестила, таа тврдела дека патникот што седел до неа ја бакнувал по вратот. Тој наводно продолжил да ја напаѓа со тоа што ја превртел на седиштето до прозорецот и ја притиснал со грбот кон себе, додека ги допирал нејзините гради под кошулата.

Жената тврдела дека конечно успеала да се оддалечи кога тој ги ставил рацете под нејзините шорцеви и ја допрел по долната облека. По слетувањето, таа му кажала на своето семејство за наводниот напад, а потоа ја известила граничната полиција, според францускиот весник „Пари мач“.

„Ранлива жена се смета за плен, дури и во авион“, наводно изјавила адвокатката на наводната жртва, Ан Бујон.

Полицајците ја испитуваат облеката на 22-годишната девојка, а таа е подложена на преглед во одделот за судска медицина на Универзитетската болница во Нант.

Според извештаите, „Рајанер“ е контактиран за детали за осомничениот, а „Дејли меил“ ја контактирал авиокомпанијата за коментар.

Осомничениот, за кој се вели дека е бездомник, потоа бил додаден на листата на барани лица, што довело до негово апсење кога повторно влегол во Франција преку Нант по летот од Тунис.

39-годишниот маж се појавил пред судија во средата и бил обвинет за сексуален напад врз ранливо лице. Според јавниот обвинител на Нант, тој „потврдил дека бил патник што седел до жртвата“, според јавниот обвинител на Нант, Антоан Лерој, но ги негирал обвиненијата. Тој ќе биде подложен на психијатриска проценка, а судењето ќе продолжи на 28 октомври.

Тагови: авион девојка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија со осуда на ВИ снимката на израелски министер: Ова е ужасно и недозволиво (ВИДЕО)

Германија остро ги осуди генерираните видеа од израелскиот министер за национална безбедност Итамар Бен-Гвир, на кои се прикажани палестински затвореници на транспортна лента. 

Германија со осуда на ВИ снимката на израелски министер: Ова е ужасно и недозволиво (ВИДЕО)

Критичарите ги споредија сцените со сцени од концентрациони логори, пренесува Анадолија.

Портпаролот на германското Министерство за надворешни работи, Мартин Гизе, им изјави на новинарите во Берлин дека го видел контроверзното видео. „Колку што знам, во меѓувреме е избришано, но тоа не го прави помалку ужасно. Секако, ова е целосно неприфатливо. Ужасно е“, рече Гизе. Тој нагласи дека Германија „јасно ги отфрла“ политиките и начинот на изразување на Итамар Бен-Гвир. „Нашиот став за ова е целосно јасен“, додаде тој.

Отстранети видеа

Бен-Гвир отстрани две видеа од своите профили на социјалните мрежи кои предизвикаа силни реакции поради начинот на кој го прикажуваат третманот на палестинските затвореници. Едно од видеата, објавено минатата недела, предизвика критики дека сцените потсетуваат на концентрациони логори.

Видеото прикажува заканувачки палестински затвореници во судница, со графички меурчиња за говор што сугерираат дека размислуваат за образование, храна или наргиле. Потоа, анимираниот лик на Бен-Гвир ги пробива тие меурчиња и притиска црвено копче, кое активира транспортерска лента што ги води затворениците низ вратата. Зад вратата, истите затвореници се прикажани како гладуваат, плачат и со наведнати глави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер