Македонија

ССМ ги радикализира протестите, следната недела блокада на Собранието, а потоа и на Владата

Секој вторник блокади – со истото барање за 600 е минималец и 100 евра зголемување на сите останати плати - ваква одлука донесе ССМ на денешниот состанок.

Како што најави претседателот на синдикатот Слободан Трендафилов, со блокада на влезот во Собранието на 10ти месецов први на удар ќе бидат пратениците. Целта како што објасни е тие да не можат да пристигнат на работа со автомобил, туку пеш да поминат преку работниците. Два дена подоцна, ќе следуваат блокади пред Стопанската комора, а на 17ти кога ќе се одржува седница ќе се блокираат и пристапите во Владата. Дополнително, ССМ утре ќе достави и иницијатива до Собранието – функционерите сами да си ги намалат платите и пресметките за висината да се базираат на сегашната минимална..

-Доставуваме иницијатива за измени и дополнување на законот за плати и други надоместоци на пратениците во Собранието и други избрани именувани лица. Со нив го менуваме членот со кој е утврдена основицата за пресметка на плати на избраните и именуваните. Ова значи, од досега наместо просечна плата како основица за пресметка на нивните плати по коефициент за сложеност, да се смета минималната плата по коефициент за сложеност. Да ги намалат нивните плати за 40% само со измена на оваа одредба, а дополнително да ги намалат коефициентите на сложеност за 40% затоа што во изминатите две години нивните плати се зголемија за 80 %,- Слободан Трендафилов – претседател на ССМ.

Според министерот за економија Бесар Дурмиши, 85% од вработените во јавниот сектор за кои е надлежна Владата веќе добиле покачување на платите.За преостанатите околу 7.800 вработени, како и за минималната плата, зголемувањето вели треба да се спроведува постепено и со сигурност. Тој очекува новиот Општ колективен договор да биде договорен на средбата со синдикатот УПОЗ во четврток во Владата. За приватниот сектор, Дурмиши повтори дека станува збор за социјален дијалог меѓу работниците и работодавачите, чии предлози ќе се разгледуваат на следната седница на Економско-социјалниот совет.

-Ние во нашиот дел во јавниот сектор како Влада, сме ги зголемиле платите од првата година од кога сме дошле на власт.А ко ги споиме минатата година и оваа година и другите две години што ни доаѓаат до 2028 ќе имаме зголемување за околу 40% на минималната плата. Ако се договорат синдикатите и работодавачите ние сме таму да им излеземе во пресрет на двете страни,- Бесар Дурмиши – министер за економија.

Прашан дали ќе има зголемување на платите за избраните и именуваните функционери, Дурмиши изјави дека засега нема таква одлука. Тој потсети дека минатата година беше донесена одлука за ограничување на платите на функционерите. Сепак, додаде дека наредниот месец ќе бидат објавени податоците од Државниот завод за статистика, кои, како што рече, ќе покажат какви ќе бидат следните чекори.

Тагови: ССМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

BREAKING: Gulfstream G100 with 6 persons on board has reportedly crashed into the Atlantic while flying from Bermuda to Boston pic.twitter.com/gHZI5Sq2vc
— Breaking Aviation News & Videos (@aviationbrk) October 3, 2026

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.