Српското народно позориште од Нови Сад со „Кој ја уби Џенис Џоплин" на „Охридско лето" - Канал 5

Култура

Српското народно позориште од Нови Сад со „Кој ја уби Џенис Џоплин" на „Охридско лето"

 Драмската програма на Фестивалот „Охридско лето" продолжува со вечерашната театарска претстава „Која ја уби Џенис Џоплин" во изведба на актерската екипа на Српското народно позориште од Нови Сад.

Српското народно позориште од Нови Сад со „Кој ја уби Џенис Џоплин" на „Охридско лето"

Режисерката на поставката на претставата, Сања Петровиќ, вели дека кога размислувала да направи претстава за пејачката која и била пример и инспирација во текот на тинејџерскиот период, секогаш ја доживувала како две личности.

-Несомнено нејзиното двојство е евидентно – нејзините два лика и нејзините две приказни. Едната е приказна за несигурна, нежна, неприфатена и незаштитена девојка, а другата е за храбра, агресивна основачка на нова листа на критериуми за жените. Едната поради која живеела, а другата поради која починала. Едната која одеше кон својот крај за другата да започне. Дури подоцна наидувам на податокот дека Џенис го добила името по богот Јанус. Се работи за римскиот Бог на крајот и почетокот. Обично е прикажан со две лица, едното гледа на почетокот, а другото на својот крај. Затоа, оваа претстава претставува омаж на една жена која дошла до својот крај за да се случи нов почеток. Ова шоу е омаж на музиката што повеќе не постои. Музика која нема формула за успех, туку емоција за споделување. Музика што не е математика, туку органска потреба. Сакам оваа претстава да инспирира и да им помогне на многумина да бидат тоа што се, а не она што се очекува од нив или им се наметнува како задолжително, вели таа.

Сања Петровиќ е дипломец на Академијата за уметности во Нови Сад, насока мултимедијална режија, а мастер студиите ги завршила на Факултетот за драмски уметности во Белград. Режирала претстави за деца, млади и возрасни како во независниот сектор, така и во институциите како што се: Народниот театар во Сомбор, Новосадскиот театар за млади, Градскиот театар Бечеј и Српско народно позориште. На Радио Белград, режирала неколку радио драми за деца и возрасни, а за делото „Ти си тој ангел" (адаптација на романот „Мама Леоне" од Миленко Јерговиќ), ја добила првата награда „Неда Деполо".

Наградувана е на неколку важни фестивали во земјата и странство. Добитник е на годишната награда на Српското народно позориште за концептот и режијата на претставата „Кој ја уби Џенис Џоплин?". Таа е директор на традиционалната манифестација на Фестивалот на еколошки театар за деца и млади во Бачка Паланка, за што ја добила Октомвриската награда во 2014 година. Член е на извршниот одбор на мрежата за развој на Театарот за деца и млади „АССИТЕЈ" Србија и активно работи во водечката група за меѓународната едукативна програма „Следна генерација". Во својата работа, најчесто се изразува преку музика, танц и модерни технологии, додека тематски го обработува детството, екологијата и прашањето за човековите права.

Улогите во претставата ги толкуваат Бојана Милановиќ, Соња Исаиловиќ, Стефан Вукиќ, Димитрије Аранџеловиќ, Вукашин Ранѓеловиќ, Петар Бањац, Филип Грубач и Игор Сакач.

Претставата не се препорачува за лица помлади од 16 години. „Кој ја уби Џенис Џоплин" ќе се игра на големата фестивалска сцена на „Долни Сарај", со почеток од 21 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Каква мајка таква ќерка, Гвинет Палтроу и нејзината ќерка Епл позираа во бикини

Холивудската ѕвезда, убавата актерка Гвинет Палтроу  на воодушевување на фановите на социјалните мрежи сподели летни фотографии со својата 22-годишна ќерка, Епл Мартин.

Фото: Каква мајка таква ќерка, Гвинет Палтроу и нејзината ќерка Епл позираа во бикини

53 годишната Гвинет сподели неколку летни фотографии на Инстаграм, а најголемо внимание привлекоа оние на кои е прикажана нејзината 22-годишна ќерка, Епл Мартин.

Мајката и ќерката заедно уживаа во сонцето, а многумина забележаа колку Епл личи на својата позната мајка.

„Летото засега одлично минува“, напиша Палтроу покрај фотографиите.

На една од фотографиите, Гвинет позира без шминка, облечена во црн едноделен костим за капење и со очила за сонце. До неа е Епл во бикини со црвено-бели пруги.

Епл, ќерката што Палтроу ја има со својот поранешен сопруг Крис Мартин, сега е подготвена да направи уште еден чекор кон актерска кариера. Таа доби улога во романтичната комедија „Париз Парамаунт“ (Paris Paramount), иако деталите за нејзиниот лик сè уште не се откриени.

Гвинет Палтроу и фронтменот на „Колдплеј“, Крис Мартин, стапија во брак во 2003 година. По 11 години брак, тие ја објавија својата разделба, а официјално се разведоа во 2016 година. Сепак, останаа во добри односи и заеднички се грижат за својата ќерка Епл и синот Мозис (20).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Српска актерка ужива во танга на плажа

Убавата српска актерка Ивана Дудиќ покажа како ужива во одморот, а со фотографија од плажата предизвика лавина коментари на социјалните мрежи. 

Фото: Српска актерка ужива во танга на плажа

Таа позираше во едноделен костим за капење, а кога му сврте грб на фотоапаратот, нејзините следбеници имаа што да видат.

Од напред сè изгледа умерено, но одзади, костимот за капење со танга-крој ги открива повеќето од нејзините атрибути.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Брус Вилис сепак присуствувал на свадбата на својата ќерка, објавена е ретка фотографија од него

Талула Вилис (32), најмладата ќерка на поранешната холивудска брачна двојка, Брус Вилис и Деми Мур, се омажи за музичарот Џастин Ејси.

Брус Вилис сепак присуствувал на свадбата на својата ќерка, објавена е ретка фотографија од него

Свадбата се одржа на 8 август на семејниот имот во Ајдахо, во присуство на најтесното семејство.

Најголемо внимание привлече доаѓањето на таткото на невестата, славниот актер Брус Вилис – кој ретко се појавува во јавноста поради сериозната здравствена состојба.

„Вог“ објави црно-бела фотографија на која се гледа како Брус Вилис ја прегрнува Талула, истовремено држејќи го и својот зет.

Талула ја опиша сцената како нежен момент споделен со нејзиниот татко и сопруг на почетокот на празничниот викенд.

Фотографијата предизвика бројни емотивни реакции на социјалните мрежи. Многумина коментираа колку биле трогнати од сцената, особено имајќи ја предвид борбата на актерот со болеста и неговата одлука да биде покрај својата ќерка на нејзиниот важен ден, и покрај сè.

Брус Вилис се повлече од актерството во 2022 година откако му беше дијагностицирана афазија.

На почетокот на 2023 година, неговото семејство објави дека актерот боледува од фронтотемпорална деменција. Станува збор за прогресивно невродегенеративно нарушување што може да влијае на говорот, разбирањето на јазикот и однесувањето. Оттогаш, Вилис ретко се појавува во јавноста, а за него се грижи неговото семејство.

Покрај Талула, Брус Вилис ги има и ќерките Румер и Скаут од бракот со поранешната сопруга Деми Мур. Тој остана близок со Деми и по нивниот развод.

Тагови: Брус Вилис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер