Балкан

Српско МВР: Полицијата во Нови Сад професионално реагираше, идентификувани 12 лица, 8 приведени

Од Министертвото за внатрешни работи изјавија дека синоќешниот собир во Нови Сад не бил пријавен, имаше обид за насилно упад во Градското собрание, а полицијата реагираше крајно воздржано и професионално

Од Министертвото за внатрешни работи изјавија дека синоќешниот собир во Нови Сад не бил пријавен, имаше обид за насилно упад во Градското собрание, а полицијата реагираше крајно воздржано и професионално, идентификувани се 12 лица, од кои осум се задржани, јави дописникот на МИА.

Помошник директорот на полицијата, полковник Драган Васиљевиќ изјави за РТС да полицијата дознала за собирот во вторникот вечерта преку објави на социјалните мрежи.

-Собирот започна околу 18 часот, но беше индикативно присуството на цистерната која подоцна ќе биде донесена пред Градското собрание. Од цистерната таму е излеана течност, а точниот тип на течност ќе го утврдат вештаците. Започнато е и насилничкото однесување пред Градското собрание, фрлање на камења, стаклата беа искршени. Фрлени се и бои и факели, а уништена е и фасадата. Во неколку наврати, виновниците се обидоа насилно да влезат во Градското собрание. Полицијата остана присебна и не реагираше, изјави за РТС помошникот директор на полицијата.

Тој додаде дека во текот на ноќта биле идентификувани 12 лица кои предизвикаа немири на протестот во Нови Сад, наведувајќи дека осуммина се приведени и дека се работи за голем број кривични дела, дека во текот на утрото и во текот ќе бидат идентификувани сите лице кои предизвикуваа нереди на протестот.

Полковник Васиљевиќ потврди дека поранешниот покраински секретар и потпретседател на покраинската влада на Војводина Горан Јешиќ е уапсен затоа што напаѓал полицајци и ги попречувал во извршувањето на службената должност, и дека против него ќе биде покренета кривична одговорност.

Тој додаде и дека поранешниот судија на Уставниот суд, Светозар Чиплиќ, е идентификуван како лицето кое имало чекан во јакната и дека полицијата ќе види кои биле неговите намери.

Според Васиљевиќ, полицијата на протестот употребила минимални средства за присилба, бибер спреј и солзавец и останала максимално воздржана.

-Видовте како изгледа Градското собрание, фрлена боја, искршени прозорци, симнато знамето на Србија, демолирано градилиште во близина, а насилниците користеа решетки... Полицијата реагираше крајно професионално во изведбата на нивните задачите во Нови Сад, искористени се минимални ресурси. Прскалките беа употребени за одбивање на луѓето што ги нападнаа, а беше употребен и солзавец. Немаше посериозни повреди, полесно се повредени полицајци и двајца граѓани, рече Васиљевиќ.

Помошникот на полицискиот директор, полковник Драган Васиљевиќ, рече и дека полицијата ќе си ја заврши работата и дека сите демонстранти ќе бидат идентификувани и приведени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тргна на патување околу светот пред речиси три децении: Неверојатен потфат на човек кој никогаш не се откажува

Британецот Карл Бушби, кој во 1998 година тргна на пат околу светот пеш, конечно се врати на британско тло откако го преплива Ламанш, пишува британскиот весник „Индипендент“.

57 годишниот Карл се врати на британско тло по 28-годишно патување низ светот, за време на кое поминал 50.000 километри низ 29 земји, но сепак му преостануваат уште околу 400 километри до крајната дестинација.

Поранешниот падобранец од Хал своето извонредно патување го започна во Чиле пред 28 години, а во понеделникот, на 5 октомври, пристигна на плажата Шекспир, јужно од Довер.

За време на патувањето, тој помина вкупно 50.000 километри низ 29 земји, придржувајќи се до правилата што сам си ги поставил – да не користи никакви превозни средства и да не се враќа дома сè додека не го заврши својот потфат.

Бушби го мина опасниот регион Дариен меѓу Колумбија и Панама за време на конфликтот меѓу колумбиските власти и марксистичките герилци.

Тој исто така го оствари првото забележано пешачко преминување на Беринговиот Проток од исток кон запад и стана првиот човек што препливал 184 милји, односно околу 296 километри, низ Каспиското Море.

Тоа пристигна во Европа минатата година, а минатиот месец стигна до каналот Ламанш.

По 20 часа поминати во вода и три дена на море, за време на кои се бореше со силни ветрови, тој конечно стигна до британскиот брег. Таму го пречекаа неговиот татко, браќата и неколку пријатели. „Чувството е одлично повторно да се биде на британско тло по сите овие години“, изјави Бушби за ITV News.

„Не беше лесно, а токму тоа е и поентата – да докажам дека сум поспособен отколку што мислев. Сите можеме да постигнеме многу повеќе отколку што воопшто можеме да замислиме“, додаде тој.

Сепак, неговото патување сè уште не е завршено. Крајната дестинација е куќата на неговата мајка во Хал, до која треба да стигне во текот на следниот месец.

Кога пред 28 години замина од домот на мајка си, очекуваше дека ќе се врати за само 12 години. Сега е на чекор до целта.

„Заминав оттаму пред 28 години и наскоро ќе го завршам патувањето таму. Остануваат уште околу 400 километри, така што морам да побрзам“, изјави Бушби за „Тајмс“.

Неговото враќање во Хал ќе го означи крајот на еден од најизвонредните долгорочни патнички потфати, кој траеше речиси три децении.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Божиновска со студентите на виенската дипломатска академија: Енергетските приоритети и стратешките проекти на Македонија

Во отворена дискусија со идните дипломати, Божиновска ги претстави состојбите и приоритетите во енергетскиот сектор во Македонија.

Министерката за енергетика, рударство и минерални суровини Сања Божиновска, во рамките на работната посета на Виена и учеството во извршната програма за обука „Жени лидери – Југоисточна Европа и Црно Море/Јужен Кавказ 2026“, оствари средба и одржа предавање пред студентите на Виенската дипломатска академија.

Во отворена дискусија со идните дипломати, Божиновска ги претстави состојбите и приоритетите во енергетскиот сектор во Македонија, стратешките проекти за диверзификација на изворите и модернизација на инфраструктурата, како и активностите за зајакнување на енергетската независност и сигурноста во снабдувањето. Студентите имаа можност да поставуваат прашања и непосредно да се запознаат со предизвиците во креирањето и спроведувањето на енергетските политики и нивната поврзаност со економскиот развој и меѓународната соработка.

Во рамките на програмата, министерката учествуваше и на сесијата „Дигитална дипломатија“, посветена на примената на дигиталните алатки во современите дипломатски односи и меѓународната комуникација.

За време на посетата на Виена, Божиновска оствари и средба во Сојузното министерство за европски и меѓународни работи на Австрија, во насока на одржување на институционалниот дијалог и унапредување на соработката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Шеј Гилџес-Александер: „Јас сум најдобар во светот“

Актуелниот МВП во НБА, Шеј Гилџес-Александер, смета дека е најдобриот кошаркар во светот.

Предводникот на Оклахома се стави себе си пред центрите Јокиќ и Вембањама: „Јас сум најдобар во светот“ .

Оклахома Сити Тандер го имаат одличниот канадски плејмејкер Шеј Гилџес-Александер, кој е двократен добитник на наградата МВП. Во разговор со новинарите на списанието „Тајм“, за време на едно интервју, тој изјави дека смета оти е најдобриот кошаркар на планетата.

Тој самоуверено изјави дека е најефикасниот играч и нагласи дека неговиот тим има фантастичен сооднос на победи и порази во последните неколку години.

„Мислам дека сум најдобриот играч во НБА. Сè што прикажувам секоја вечер е најдоброто што еден НБА-играч може да го понуди. Сметав дека сум најефикасниот НБА-кошаркар. А и многу придонесов за тимот да победува“, вели Шеј. Често го обвинуваат за „флопинг“ (симулирање контакт) и му велат дека „живее“ на линијата за слободни фрлања, на што тој одговара: „Кошарката ми донесе многу убави работи, и мене и на моето семејство. Ако наративот на социјалните мрежи е таков што го извлекува најлошото од мене, а се работи за слободни фрлања... тогаш би го прифатил тоа милион пати“, додаде Гилџес-Александер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.