Српскиот фудбалер Зоран Тошиќ (33) се разведува од невенчаната сопруга Јована Гајиќ (31).

Според „Информер“, атрактивната црнка веќе неколку месеци е во врска со Филип Ровчанин (26), внук на Дарко Шариќ.

Гајиќ со месеци успешно ја криеше аферата со синот на сестрата на Шариќ, Данијела. Двајцата ја започнале врската додека Тошиќ бил во Кина, каде игра за Таиџу.

Фудбалерот се врати во Србија во декември, а потоа замина на одмор со сопругата со која има син и ќерка. Прво беа во Дубаи, па заминаа за Копаоник.

- Јована му објаснила на Филип дека ќе мора да почека уште некое време и дека не може тукутака да го напушти Зоран по седум години љубов, пред се заради ќерката и синот. Замина на одмор со фудбалерот во Дубаи, а потоа и на Копаоник. На зимувањето Тошиќ дознал за аферата на Јована, а потоа таа се спакува и сама тргна кон Белград - вели изворот на Информер.

-Филип е косопственик на познат сплав во главниот град на Србија. Во тој локал, познатата модна блогерка Зорана Јовановиќ го запознала со Јована. Меѓу нив набргу се појавиле искри, па продолжиле да се гледаат додека Тошиќ не се вратил во Србија - додава изворот.

Двајцата наводно потпишале договор според кој манекенката би добила 10 милиони евра доколку фудбалерот ја остави.

- Тоа е само уште еден доказ дека Јована со Филип не се забавуваа, туку навистина е заљубена. Едноставно, поради честата разделеност, љубовта меѓу неа и Тошиќ згасна!

Поранешниот фудбалер на Манчестер Јунајтед и ЦСКА се разведе веќе еднаш во 2012 година, откако, како што се зборуваше тогаш, ја изневерил сопругата Дијана со старлетата Наташа Шавија.