Балкан

Српски медиуми: Парламентот на Србија добил барање за разрешување на Народниот правобранител

Во писмото се тврди дека со Пашалиќ на чело, институцијата дошла до блокада и го обвинуваат за злоупотреба на работното место, тој одбива да коментира.

До Собранието на Србија е испратено барање за разрешување на народниот правобранител Зоран Пашалиќ, обвинет од група вработени во таа државна институција за заштита на граѓаните - поради мобинг, кршење на законот и непристојно однесување, објавија денеска белградските медиуми.

Во писмото се тврди дека со Пашалиќ на чело, институцијата дошла до блокада и го обвинуваат за злоупотреба на работното место, тој одбива да коментира. Пашалиќ, поранешен шеф на Високиот суд за прекршоци, а потоа и претседател на Апелациониот суд за прекршоци, беше избран за Народен правобранител во српскиот парламент во 2017 година на предлог на владејачката Српска напредна партија и нивните коалициски партнери, а во 2023 година повторно беше избран за нов мандат од осум години.

Во писмото до кое ТВ Н1 имала пристап, се бара од претставниците „да ги проверат наводите и да поведат постапка за разрешување на заштитникот на граѓаните Зоран Пашалиќ“ и „да му го ускратат легитимитетот“ како „незаконски, непрофесионален, несовесен и недостоен“.

Се додава дека станува збор за „однесување како вооружено лице, склоно кон алкохол, вработување врз основа на фалсификат, незаконско трошење буџетски средства, закани, понижување и навредување жени“, а дека Пашалиќ „се крие зад должностите на Заштитникот на граѓаните“.

Ова не е првпат вработени во канцеларијата на Народниот правобранител да се жалат на првиот човек на таа институција.

Во 2021 година, Пашалиќ беше јавно обвинет за злоупотреба на работа од долгогодишен вработен во институцијата Народен правобранител, но таа набрзо се пензионираше откако го загуби судскиот спор.

На Пашалиќ му забележува и стручната јавност дека не се огласувал или не постапил во многу случаи во кои се сфатило дека канцеларијата на Народниот правобранител реагирала или дека тоа го направила по притисок во медиумите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Алексеј Покушевски се сели во Русија

Репрезенативецот на Србија, Алексеј Покушевски има нов клуб.

24 годишниот Алексеј Покушевски е нов кошаркар на Локомотив Кубан, соопшти клубот.

Србинот се раздели со Партизан и му се приклучи на тимот на Локомотив Кубан предводен од Томислав Томовиќ, поранешен стратег на Звезда и помошник-тренер во националниот тим на Србија.

На 14-годишна возраст, како еден од најголемите европски таленти на своја возраст Покушевски се пресели во системот на атински Олимпијакос.

На само 17 години, популарниот Поко дебитираше во Евролигата и влезе во историјата на грчкиот гигант како најмлад играч што зачекорил на теренот во оваа елитна европска конкуренција.

Неговиот потенцијал беше забележан и од НБА-скаутите, па во 2020 година беше избран како 17-ти пик на драфтот.

Во најсилната лига во светот, тој мина четири сезони играјќи за Оклахома Сити Тандер и Шарлот Хорнетс. Во европската кошарка се врати во 2024 година, кога го облече дресот на белградски Партизан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нова фитнес зона во ООУ „Мирче Ацев“ во Општина Ѓорче Петров

Општина Ѓорче Петров продолжува со континуирани инвестиции во спортската инфраструктура, создавајќи современи услови за спорт, рекреација и здрав развој на децата и младите.

Во ООУ „Мирче Ацев“ е изградена нова современа фитнес зона, како дел од проектот што се реализира со поддршка на Министерството за транспорт и врски.

Новата фитнес зона е една од вкупно трите фитнес зони што се реализираат во рамки на проектот, со што дополнително се унапредува и збогатува спортската инфраструктура на територијата на Општина Ѓорче Петров.

Со поставувањето на современите фитнес реквизити, учениците и младите добиваат функционален простор за физичка активност, вежбање и рекреација, кој ќе биде од корист и за останатите жители на општината.

-Во изминатиот период инвестиравме во нови и реконструирани спортски терени, фитнес и калистеника зони, како и во унапредување на училишната спортска инфраструктура. Нашата цел е спортот да биде достапен за сите, а особено за нашите деца и млади. Оваа инвестиција е уште еден чекор во тој континуитет. Благодарност до Министерството за транспорт и врски за поддршката во реализацијата на проектот - истакна градоначалникот на Општина Ѓорче Петров, Александар Стојкоски.

Од Општина Ѓорче Петров најавуваат дека инвестициите во спортот продолжуваат и во наредниот период, со реализација на нови проекти во училиштата, населбите и постојните спортско-рекреативни комплекси.

Инвестицијата во спортот е инвестиција во здрави генерации, активни млади и силна заедница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Овој викенд- бесплатно кино на отворено во Драчево

Општина Кисела Вода, во соработка со Кинотека на Македонија, овој викенд организира бесплатни филмски проекции на отворено во Амфитеатарот на Домот на културата во Драчево.

На програмата се две познати македонски остварувања во режија на Дарко Митревски:

На 08.08.2026 (сабота), од 20 часот, ќе се прикажува филмот „Бал-Кан-Кан“. Публиката ќе има можност да ја погледне оваа комедија со актерските остварувања на Раде Шербеџија, Ерол Кадиќ и Салаетин Билал.

На 09.08.2026 (недела), од 20 часот, на репертоарот е „Трето полувреме“, филм инспириран од вистински настани, со улогите на Сашко Коцев, Катарина Ивановска, Ричард Самел и Раде Шербеџија.

Влезот за двете проекции е слободен.

Ги покануваме сите љубители на филмот да ни се придружат со своите семејства и пријатели на оваа викенд-дружба посветена на македонската кинематографија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.